Magtubu di Pol wal bɨn̰ kalaŋ ga Rɔm 7:9 - Gabri Maja

⁹ Tumɔ kɨɗɨn̰ ga gasɨn̰-kɔl unɔ ƴee le, ɨŋ som-bɨra. Ama kɨɗɨn̰ ga te tumɔ ɨrga wayaŋ na, ɨsɨna jɨga som-bɨra gusɨnɨ,

Magtubu di Pol wal bɨn̰ kalaŋ ga Rɔm 7:9 ပူးပေါင်းရင်းမြစ်များ

Matɨyo 19:20

Marɨna le yen̰ Jesu ye hɨn̰: «Hɨnga ga nee le nɔm ɨŋ lee coŋ hɨnge ɨni, ma na wa ba bɔɔŋ coŋ ƴee ga?»

Kɔl-gɨ-Ɗari gɨ Lug wal 15:29

Ama ban jɨga dɨbɨn̰ bayi cay nee ye hɨn̰: “Sɨla, ɨŋ lee gɨye danan̰ ɓal ɨlge kondɨ dɨle nɔɔ cay gasɨndɨn̰. Ama cay pɨna kalɨn̰ ma mɨn̰ dɨɗɨ karɨn̰ tuu ga dḛ wo̰ bəŋ, ni dan̰ ka-pogɨn̰ɨnɨ ni laan̰ gusi-mɔwa naŋ.

Kɔl-gɨ-Ɗari gɨ Lug wal 18:21

Ungo le dɨbii cay nee ye hɨn̰: «Hɨnga ga nee le nɔm ɨŋ ay toyge lee kɨɗɨn̰ ga ɨŋ ban̰ dan̰ marɨnanɨ hange bɨrɨŋ labɨde.»

Magtubu di Pol wal bɨn̰ kalaŋ ga Rɔm 10:5

A duroy magtubu dɨŋ le, naa Moyis dan̰ gusi koyi wal kɔl gɨ ojɨn̰ cay gɨyəŋ gɨ ni bɨlɨn̰ durɔ ɗɨngar dan̰ gɨyəŋ gɨ da gasɨn̰-kɔl ye hɨn̰: «Ungo gɨ na laa gasɨn̰-kɔl kuɗa dɨra cɨrɛɗ na, Kɨya sɔmɛ-bɨra dan̰ gɨyəŋ koyi.»

Magtubu di Pol wal bɨn̰ kalaŋ ga Rɔm 7:10

ɨni na ɨŋ ma. Na toy di hɨn̰ wo̰ ma, te tumɔ di gey orɨn̰ danaŋ na a sɔmɛ-bɨra gɨŋ le, say orɨn̰ danaŋ na a tɨma dɨŋ.

Magtubu di Pol wal bɨn̰ kalaŋ ga Rɔm 7:11

Ɨsɨna way gɨyəŋ dan̰ gɨyəŋ caga gɨ da te tumɔ bɨ, say narɨn̰ cɨnɨ ƴomɨn̰ te tumɔ ɗe gɨ dan̰ gɨyəŋdo na ɨŋ na wayan̰ tɨma.

Magtubu di Pol wal bɨn̰ kalaŋ ga Rɔm 7:4

Ay karmɨnɨ ga ban̰aŋ dan̰ ga kandɨ, kɨŋ-gandi kalɨn̰ ma kogɨŋ woy na hɨn̰ wo̰ ojɨn̰ cay gasɨn̰-kɔl bɨ. Dan̰ gɨyəŋ gɨ da bugoŋ pɨna kogɨŋ dan̰ Kɨris le, kɨŋ na kalaŋ ga kɨŋ ma ɨni bɨ, kɨŋ duroŋ a te dɔnɔ di da gasɨn̰-kɔl gɨŋ coŋ ɨni bɨ, lee gɨ kɨŋ na ga da ungo gɨ ɗaŋ. Kɨŋ na kalaŋ ga da Kɨris gɨ boy lɨbɨ duroy kalaŋ ga mage ɗe ana na leen̰ hɨnga ga ɗari ga Kumu gey.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

Magtubu di Pol wal bɨn̰ kalaŋ ga Rɔm 7:8

Ama ɨsɨna way gɨyəŋ dan̰ gɨyəŋ gɨ da te tumɔ bɨ, ɨrgan̰ dan̰ cɨn̰-pɨɗɨma di tɔɔ kan̰do kan̰do a canɨ. Hɨn̰ gɨ gasɨn̰-kɔl na unɔ na, dɔnɔ di da ɨsɨna kalɨn̰ ma unɔ bɨ.

Magtubu di Pol wal bɨn̰ kalaŋ ga Rɔm 8:7

Ɨrɨme gɨ da kuyoŋdi-gusu na ba-baa gɨ da Kumu, kɨya wa ɨrɨme gɨ da kuyoŋdi-gusu bɨga kɔl a cay gasɨn̰-kɔl gɨ da Kumu gɨŋ naŋ. Ɨrɨme gɨ da kuyoŋdi-gusu le ɓala bɔgɛ kɔl a cay gasɨn̰-kɔl gɨ da Kumu gɨŋ naŋ.

Galad 2:19

Kɨya wa ɨŋ na ungo gɨ ɨŋ ma kol cay gasɨn̰-kɔl. Bɨ tɨma di ɨŋ ma le, na kɨya cay gasɨn̰-kɔl gɨ nee le ma kan dɨɗəŋge, ɗe gɨ ɨŋ na sɨma dan̰ cɨnɨ na kɨya leen̰ gɨye bɨn̰ Kumu. Ɨŋ na ungo gɨ kan gagɨlaŋge a cay sɨya-gɨ-dagɨligɨŋ pɨna dan̰ Kɨris coŋ.

Galad 3:10

Bɨ kan ga de ɗugoyge cay gasɨn̰-kɔl gɨ ke ay leen̰ gɨye le, ɓɨse woy cayge. Kɨya wa kan walge yege hɨn̰: «Waŋ waŋ gɨ na laa hɨnga nɔm ga kan walge duroy magtubu gasɨn̰-kɔl dɨŋ cɨndi tumɔ tumɔ nɔm naŋ na, ban na ungo gɨ ɓɨse woy cayi.»