Magtubu di Pol wal bɨn̰ kalaŋ ga Rɔm 7:4 - Gabri Maja

⁴ Ay karmɨnɨ ga ban̰aŋ dan̰ ga kandɨ, kɨŋ-gandi kalɨn̰ ma kogɨŋ woy na hɨn̰ wo̰ ojɨn̰ cay gasɨn̰-kɔl bɨ. Dan̰ gɨyəŋ gɨ da bugoŋ pɨna kogɨŋ dan̰ Kɨris le, kɨŋ na kalaŋ ga kɨŋ ma ɨni bɨ, kɨŋ duroŋ a te dɔnɔ di da gasɨn̰-kɔl gɨŋ coŋ ɨni bɨ, lee gɨ kɨŋ na ga da ungo gɨ ɗaŋ. Kɨŋ na kalaŋ ga da Kɨris gɨ boy lɨbɨ duroy kalaŋ ga mage ɗe ana na leen̰ hɨnga ga ɗari ga Kumu gey.

Magtubu di Pol wal bɨn̰ kalaŋ ga Rɔm 7:4 ပူးပေါင်းရင်းမြစ်များ

Matɨyo 26:26

Kan somge kɨbɨ dɔɔ gɨŋ diige dɔɔ ɨni na, Jesu say ay mapa tor-kɨbi cay nee pa dɨm ma, boy dugo bɨn̰ ka-aye-cay-tɨbayi bɨ, yege hɨn̰: «Ƴagɨŋ, dagɨŋ, hɨnga ga kɛ le na kuyoŋdi-gusɨnɨ.»

Marg 4:20

Gasi-gɨse ga bugoŋ a cay gɨsəŋ ga ɗari gaŋ le, na kalaŋ ga jege kɔl gɨ da Kumu bɨ, ƴeege bɨ lee gɨ cɨndɨge andaŋ. Kan ga pɨna cɨndɨge won̰ toyge-sɨbɨ bɨ, cayge ga ɗaŋ cɨndɨge won̰ toyge-jii bɨ, ga ɗaŋ coŋ cɨndɨge won̰ aru bɨ.

Kɔl-gɨ-Ɗari gɨ Ja̰ wal 15:8

Hɨn̰ gɨ kɨŋ naa ka-aye-cay-tɨbanɨ leen̰ cɨndi na, kɨŋ kɨya wɔyɛ naa hɨn̰ hɨyadi suru gɨ wɔɔ karɨndi kondɨ bajag bajag wo̰. Hɨn̰ wo̰ na gusoŋ-tɔgɛ gɨ da Banɨ kɨya andaŋ cɨn̰ kalaŋ nɔm.

Kɔl-gɨ-Ɗari gɨ Ja̰ wal 3:29

A kɨɗɨn̰ gɔrɛ ƴaa gaŋ le, ban gɨ kan bɨgɨgage dan̰ tama bii le, ban ma na kudurɔɔ. Ama ba-pogi ba-ƴɔɔ tama le, ɨre na durdi je dan̰ kɔl koyi bɨ, te tumoyi di ban je le, bii gusi-mɔwa di gumu tɔgɨ. Gusi-mɔwa di nee le na tɨnge bɨ, haw kɛ na gusi-mɔwa tɨnge duroŋ dan̰ durɔ cɨrɛɗ.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Magtubu di Pol wal bɨn̰ kalaŋ ga Rɔm 6:11

Na toy di hɨn̰ wo̰ ma, kɨŋ-gandi kalɨn̰ ma sɨlagɨŋ gɨ kɨŋ ma ɨni bɨ, kɨŋ dor gusɨgɨŋ a te dɔnɔ di da ɨsɨna gɨŋ coŋ ɨni bɨ, kɨŋ som-bɨra leen̰ hɨnga nɔm kɨya cay Kumu te bugoŋ pɨna dan̰ Jesu-Kɨris bɨ.

Magtubu di Pol wal bɨn̰ kalaŋ ga Rɔm 6:14

Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.

Magtubu di Pol wal bɨn̰ kalaŋ ga Rɔm 6:2

Cə, na hɨn̰ wo̰ naŋ bɨrɨŋ! Na-gandi ga na ma bɨ andaŋ a te dɔnɔ di da ɨsɨna gɨŋ coŋ bɨ le. Kɛ na mɨna ma mana kɨya sɔmɛ a boy ɨsɨna gɨŋ coŋ ga?

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Magtubu di Pol wal bɨn̰ kalaŋ ga Rɔm 7:3

Na toy di hɨn̰ wo̰ ma, hɨn̰ gɨ hɨndi na ɨra ƴɔɔ bara gɨ ɗaŋ kɨɗɨn̰ ga kudurɔɔ somɨn̰-bɨra dan̰ cɨndi ƴee na, kan kɨya yɔ gɨ hɨndi naa ɗe-lɔɔ kaya. Ama hɨn̰ gɨ kudurɔɔ na mara na, gasɨn̰-kɔl gɨ ba saɗoo pɨna dan̰ kudurɔɔ le, duroŋ caa coŋ. Lee gɨ hɨndi na ɨra ƴɔɔ bara gɨ ɗaŋ kalɨn̰ ma, gasɨn̰-kɔl kɨya yɔ gɨ hɨndi naa tama ɗe kaya naŋ.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

1 Korɛ̰t 10:16

Kɨŋ ɨrɨm a cay kobo gɨ ni tɔrɛ-kɨbɨ gɨ ni ba leen̰ Kumu ho’o koldɨge le: Kɨɗɨn̰ ga na ba si hɨnga ga boy nee le kɛ bɨgana pɨna dan̰ kɨbardi Kɨris le naŋ ga? Bɨ mapa di na ba boy dugo le: Kɨɗɨn̰ ga na ba di le kɛ bɨgana pɨna dan̰ kuyoŋdi Kɨris le naŋ ga?

2 Korɛ̰t 11:2

Ɨŋ lee jangɨ kol caygɨŋ bɨ jangɨ di ɨŋ lee le, na jangɨ di sayga gusi Kumu. Kɨya wa ɨŋ gey gɨlgɨŋ bɨn̰ Kɨris hɨn̰ tɨmbali di cɨl di sɨla bara naŋ ƴee wo̰ di ɨŋ ƴom caa na kol bara pɨna ƴɔbɨ, bara gɨ nee le na Kɨris.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Galad 5:18

Ama hɨn̰ gɨ Turnɔ di da Kumu na ba dɨra tumoygɨŋ na, gasɨn̰-kɔl na ba dɔɔ caynagɨŋ naŋ ɨni.

Epɛs 2:15

Dan̰ gɨyəŋ gɨ da tɨmaydi na, Jesu lee gɨ na kɔbɛ gɨ da gasɨn̰-kɔl bɨ, te tumɔ bɨ, naa ba kɨya lɔɔ gɨ Kumu na kɨya ƴomna gusi naŋ. Ban lee hɨnga ga nee le, ɗe Jubɨn̰əŋ bɨ, kalaŋ ga toyge na Jubɨ naŋ bɨ, na bɨləŋge te kalaŋ ga hɨrɨwa ga bugoŋge pɨna dan̰ Kɨris bɨ, ɗe gusi-dɔbɛ na woy duroyge bɨ.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Pilib 4:17

Ɨŋ na ya kɔl hɨn̰ wo̰ na, ɨŋ mala na ɗe gɨ kalaŋ na bəŋ hɨnga naŋ, ama ɨŋ mal na gɨ cay kobɨgɨŋ na sa cay mɨgay mɨgay.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

Kɔlɔs 1:22

Ama haw kɛ na, Kumu beegɨŋ pɨna danayi kol cay kuyoŋdi Kɨris dan̰ gɨyəŋ gɨ da tɨmaydi ɗe lee gɨ kɨŋ na andan̰ cɨn̰ Kumu hɨn̰ kalaŋ ga woyge dan̰ cɨndɨge bɨ, ga masadɨge unɔ bɨ, ga ungo ɓala dɨbɨge kɔl cayge naŋ bɨ.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Kɔlɔs 2:14

Kumu mondu magtubu di ɗe dɨbe kɔl cayna le muɗɔgɨ muɗɔgɨ coŋ. Magtubu di nee le, dɨbɨ kɔl cayna ojɨn̰ na cay gasaŋ ga na ɓala lɔɔ hɨngadɨge dɨɗe naŋ. Magtubu di ɗe dɨbe kɔl cayna le Kɨris orɨn̰ danaa gagɨloo a cay sɨya-gɨ-dagɨli gɨŋ mɔndɔɔ muɗɔgɨ muɗɔgɨ coŋ.

Kɔlɔs 2:20

Na cɨndi, kɨŋ na mara pɨna dan̰ Kɨris bɨ dan̰ gɨyəŋ gɨ da tɨmaydi na, kɨŋ na te dɔnɔ di da turnɔn̰əŋ ga ɨsɨndəŋ ga dii-ƴaa a cay gɨsəŋ gaŋ kɛ naŋ ɨni. Hɨn̰ gɨ naa hɨn̰ wo̰ na, kɛ na kɨya wa ma kɨŋ gey lɔɔ hɨnga coŋ hɨn̰ gɨ kɨŋ naa kalaŋ ga a cay gɨsəŋ gaŋ wo̰ coŋ ga? Kɛ na kɨya wa ma magɨŋ kobɨde hada ga ye hɨn̰:

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

Wasɨn̰a 19:7

Kuɗa gɨ na leegɨŋ gusi-mɔwa bɨ, Tɨganagɨŋ pɨre bɨ, dɨbɨnagɨŋ gusoŋ-tɔgɛ cayi bɨ. Sɨlagɨŋ, wɔlɛ gɨ da gɔrɛ ƴaa, Gɨ da Kurɨn̰-dɨmangɨ le ɓal ɨni bɨ, Tamdi ƴom cay tɨbaa ɨni bɨ.

Wasɨn̰a 21:9

Kardi nee, ba-ƴɔbɛ gɨ daa nii pɨna, gɨ a duroy kan ga jurgum ga tumɔ ƴomge kobo ga jurgum ga hɨnga ga ɨsɨni ga ka-mɔndɛ kɨɗɨn̰ ga ni kagadɨge le, ɨrga gusɨnɨ yəŋ ye hɨn̰: «Ɨre aŋ gɨlɨn̰ ɗe kujɔ di kɨya bɨle tam Kurɨn̰-dɨmangɨ le.»