Magtubu di Pol wal bɨn̰ kalaŋ ga Rɔm 7:23 - Gabri Maja

²³ ama ɨŋ andaŋ a cay hɨnga ga ɗaŋ ga ɨŋ sol a gusɨnɨ ga gey dɔɔ-ƴaa canɨ bɨ wɔrɨn̰ɛ dan̰ ɨrɨmenɨ bɨ. Lee gɨ ɨŋ bɨle ba-dangay a te dɔɔ-ƴaa di da ɨsɨna gɨ woy a gusɨnɨ.

Magtubu di Pol wal bɨn̰ kalaŋ ga Rɔm 7:23 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

Magtubu di Pol wal bɨn̰ kalaŋ ga Rɔm 6:19

Ɨrɨmedɨgɨŋ na ɨrɨme gɨ da kalaŋ ga ɨndəŋ, na toy di hɨn̰ wo̰ ma, ɨŋ ɨre yəgɨŋ kɔl dan̰ kɔl gɨ usa naŋ hɨn̰ kɔl yɔ gɨ da kalaŋ wo̰. Tumɔ kɨŋ ay kɨway kuyoŋdi-gusɨgɨŋ leen̰ guyɔŋdu di da hɨnga ga lee kɨni bɨ, ga da hɨnga ga dan̰ durɔ ɗɨngar naŋ bɨ, hɨnga ga nee le ba lɔɔ gɨ kɨŋ ja kɔl kɨbɨ Kumu naŋ. Haw kɛ na, ojɨ gɨ kɨŋ aya kɨway kuyoŋdi-gusɨgɨŋ laan̰ guyɔŋdu di da hɨnga ga woy dan̰ durɔ ɗɨngar ɗe gɨl gɨ kɨŋ na kalaŋ ga da Kumu ga woy dan̰ cɨndɨge.

Magtubu di Pol wal bɨn̰ kalaŋ ga Rɔm 7:14

Na sol gɨ gasɨn̰-kɔl sayga na gusi Kumu, ama ɨŋ-bandi na ɨŋ na ungo gɨ ɨndi ƴɔbɨ. Ɨŋ-bandi ɨŋ woy gɨlɨn̰ na hɨn̰ guyoŋ wo̰ bɨ, ɨsɨna woy gɨlɨn̰ na dan̰ ba-gulonɨ wo̰ bɨ.

Magtubu di Pol wal bɨn̰ kalaŋ ga Rɔm 7:21

Hɨnga ga ɨŋ ba sol a gusɨnɨ ba kɛ: Ɨŋ gey lɔɔ hɨnga ga ɗari hange, ama na ɨsɨna ƴɔbɨ ma maŋ ɓal lɔɔ.

Magtubu di Pol wal bɨn̰ kalaŋ ga Rɔm 7:25

Ho’o, ɨŋ hɨram Kumu kol dɔrɛ gɨ ban dɔrɔŋ kobi kuyoŋdi-gusɨnɨ gɨŋ dan̰ gɨyəŋ gɨ da Ba-gulondɨna Jesu-Kɨris. Gɨ ni dɨɗɨn̰ kɨbi na, dan̰ gɨyəŋ gɨ da ɨrɨmenɨ le ɨŋ na guyɔŋ gɨ da Kumu bɨ, ɨŋ gey kɔbɛ na gasɨn̰-kɔl kayi bɨ. Ama dan̰ gɨyəŋ gɨ da gɨye-lɔɔ gɨ da kuyoŋdi-gusɨnɨ na, ɨŋ-bandi kalɨn̰ ma ɨŋ na guyɔŋ gɨ da ɨsɨna bɨ, ɨŋ gey kɔbɛ na tabɨlaŋdi hɨnga ga gey na ɨsɨna bɨ.

Magtubu di Pol wal bɨn̰ kalaŋ ga Rɔm 7:5

Tumɔ kɨɗɨn̰ ga na ba baa a te lɔɔ kuduroy-geye gɨ da kuyoŋdi-gusɨna gɨŋ ƴee le, tabɨlaŋdi hɨnga ga ɨsɨni ga woy a kuduroyna le, gasɨn̰-kɔl lɨbge lee gɨ kan leege gɨye a gusɨna ɗəndəŋ. Tabɨlaŋ di hɨnga ga nee le nongɨldɨna ɗe ana na leen̰ hɨnga ga kɨya dobna kobɨ tɨma dɨŋ.

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

Galad 5:17

Kɨya wa hɨnga ga kuyoŋdi-gusɨna gey le, na hɨnga ga Turnɔ di da Kumu gey naŋ. Bɨ hɨnga ga Turnɔ di da Kumu gey le, na hɨnga ga kuyoŋdi-gusɨna gey naŋ coŋ. Lee gɨ kan kan̰ge gusɨge, na ɗe gɨ agɨŋ na wan̰ gɨyəŋ gɨ ni loon̰ hɨnga ga kuduroygɨŋ gey naŋ.

Əbɨro 12:4

Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

Magtubu di Jag wal 3:2

Kɨya wa na-gandi nɔm le, na leegɨŋ ɨsɨna dan̰ gɨyəŋ gɨ toy kan̰di kan̰di. Hɨn̰ gɨ ungo na ya kɔl, ma gɨ ɨsɨni na unɔ boy nee na, ban na ungo gɨ kuɗa duroŋ cɨrɛɗ bɨ, ɓal ƴɔmɛ gusi cay hɨnga ga ɨsɨni gaŋ nɔm bɨ.

Magtubu di Jag wal 4:1

Hɨnga ga ba lee pa dɨm ma, ɗe gɨ kɨŋ ba gɨdɨdɨn̰ gusɨgɨŋ bɨ, bojɨn̰ɨn̰ bɨ le, na wa ga? Kɛ na tabɨlaŋdi hɨnga ga ɨsɨndəŋ ga woy kuduroygɨŋ naŋ ga? Tabɨlaŋdi hɨnga ga ba woy kuyoŋdɨgɨŋ gɨŋ le, ba ɨre wɔrɨn̰ɛ danagɨŋ.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.