Magtubu di Pol wal bɨn̰ kalaŋ ga Rɔm 6:4 - Gabri Maja

⁴ Kɨɗɨn̰ ga kan leenage batɛm le, na-gandi na ma dan̰ Kɨris bɨ, ɨmgɨnage danayi bɨ. Hɨn̰ gɨ Bayna Kumu ba boy Kɨris lɨbii dan̰ gɨyəŋ gɨ da dɔnɔ di da gusoŋ-tɔgɛ koyi le, na-gandi kalɨn̰ ma Kumu gey gɨ nana sɨma-bɨra dan̰ sɔmɛ-bɨra gɨ hɨrɨwa bɨ.

Magtubu di Pol wal bɨn̰ kalaŋ ga Rɔm 6:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 11:40

Ama Jesu dɨboo cay nee yoo hɨn̰: «Kɛ ɨŋ yane naŋ ga? Ɨŋ yene hɨn̰: Hɨn̰ gɨ me na bɨga kudurɛɛ canɨ na, me kɨya sɔlɛ gusoŋ-tɔgɛ gɨ da Kumu dan̰ cɨnde.»

Kɔl-gɨ-Ɗari gɨ Ja̰ wal 2:11

Hɨnga ga nee le, ma na hɨnga ga ɗɨn̰ cɨn̰-kɨɗɨn̰ ga cay wase ga Jesu lee. Ban lee na a Kana a cay gɨsəŋ ga Galile gaŋ. Ban gɨl gusoŋ-tɔgɛ koyi cɨn̰ kalaŋ, lee gɨ ka-aye-cay-tɨbayi beege kuduroyge cayi.

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Gɨye-lɔɔ 2:32

«Jesu ban gɨ nee le, Kumu boyi lɨbii bɨ, na-gandi nɔm na soliigɨŋ dan̰ cɨndɨnagɨŋ bɨ, nana tɨmon̰ kayi bɨ.

Magtubu di Pol wal bɨn̰ kalaŋ ga Rɔm 6:19

Ɨrɨmedɨgɨŋ na ɨrɨme gɨ da kalaŋ ga ɨndəŋ, na toy di hɨn̰ wo̰ ma, ɨŋ ɨre yəgɨŋ kɔl dan̰ kɔl gɨ usa naŋ hɨn̰ kɔl yɔ gɨ da kalaŋ wo̰. Tumɔ kɨŋ ay kɨway kuyoŋdi-gusɨgɨŋ leen̰ guyɔŋdu di da hɨnga ga lee kɨni bɨ, ga da hɨnga ga dan̰ durɔ ɗɨngar naŋ bɨ, hɨnga ga nee le ba lɔɔ gɨ kɨŋ ja kɔl kɨbɨ Kumu naŋ. Haw kɛ na, ojɨ gɨ kɨŋ aya kɨway kuyoŋdi-gusɨgɨŋ laan̰ guyɔŋdu di da hɨnga ga woy dan̰ durɔ ɗɨngar ɗe gɨl gɨ kɨŋ na kalaŋ ga da Kumu ga woy dan̰ cɨndɨge.

Magtubu di Pol wal bɨn̰ kalaŋ ga Rɔm 6:3

Kɨŋ sol kuɗa gɨ kan leenage batɛm na ɗe gɨ ana na bugoŋgɨŋ pɨna dan̰ Jesu-Kɨris bɨ, dan̰ gɨyəŋ gɨ da batɛm di nee le, na bugoŋgɨŋ pɨna danayi a boy tɨmaydi dɨŋ bɨ.

Magtubu di Pol wal bɨn̰ kalaŋ ga Rɔm 6:8

Hɨn̰ gɨ nana mara pɨna dan̰ Kɨris na, na sol hɨn̰ gɨ nana kɨya sɔmɛ-bɨra danayi bɨ.

Magtubu di Pol wal bɨn̰ kalaŋ ga Rɔm 6:9

Ɨni na, na sol kuɗa gɨ Kɨris gɨ boy lɨbɨ duroy kalaŋ ga mage le, kɨya mare naŋ bɨrɨŋ ɨni, kɨya wa tɨma ɨran̰ dan̰ dɔnɔ a cayna naŋ ɨni.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

1 Korɛ̰t 6:14

Ama Kumu gɨ ba bɔyɛ Ba-gulɔŋ lɨbe le, hɨn̰ gɨ ni na mara kalɨn̰ ma, ban kɨya boyni lɨbɨni dan̰ gɨyəŋ gɨ da dɔnɔ toy bɨ.

2 Korɛ̰t 13:4

Na cɨndi, Kɨris le ɗe te dɔnɔ toyi daa marɨn̰ a cay sɨya-gɨ-dagɨli gɨŋ, ama ban som-bɨra dan̰ gɨyəŋ gɨ da dɔnɔ di da Kumu. Dan̰ te bugoŋ gɨ ni bugoŋ pɨna danayi le na, ni-gandi ni ɨran̰ dan̰ dɔnɔ toni naŋ, ama ni kɨya sɔmɛ-bɨra danayi dan̰ gɨyəŋ gɨ da dɔnɔ di da Kumu bɨ, na dan̰ gɨyəŋ gɨ da dɔnɔ di nee le mani kɨya lɔɔ hɨn̰ wo̰ duroygɨŋ bɨ.

2 Korɛ̰t 5:17

Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

Kɔlɔs 3:10

Ama kɨŋ dobɨ hal gɨ da ungo gɨ hɨrɨwa gusɨgɨŋ hɨn̰ badɨge wo̰ bɨ, Kumu ɨre bɨlgɨŋ ga hɨrɨwa jɨn̰ tumɔ tumɔ bɨ, bɨgɨŋ hɨnga sɔlɛ cay mɨgayge gaŋ ɗe agɨŋ na gɨlɨn̰ dan̰ Kumu gɨ ba sɨgɨŋ ca ca bɨ, solii leen̰ cɨndi bɨ.

Kɔlɔs 4:1

Ay kɨŋ ka-gulɔŋ gɔyɔŋ, laan̰gɨŋ gɔyɔŋ kagɨŋ dan̰ tɨwa nɔm, hɨnga ga dan̰ durɔ ɗɨngar bɨ, hɨnga ga ɓadɨldɨn̰ dɛj dɛj bɨ. Halegɨŋ gɨybəŋ gɨ kɨŋ-gandi kalɨn̰ ma kɨŋ naa gɔyɔŋ ga da Ba-gulondɨgɨŋ gɨ woy a gɨɗɨgɨ-Kumu gɨŋ naŋ bɨ.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

1 Ja̰ 2:6

Ungo gɨ na ya gɨ ɗi na bugoŋ pɨna dan̰ Kumu na, ojɨ gɨ ban kɨya ɔrɛ a cay gɨsəŋ gaŋ hɨn̰ gɨ Kɨris ba orɨn̰ a cay gɨsəŋ gaŋ wo̰ bɨ.