Magtubu di Pol wal bɨn̰ kalaŋ ga Rɔm 6:23 - Gabri Maja

²³ Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 6:23 ပူးပေါင်းရင်းမြစ်များ

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 4:36

Ba-wale cay gasa way hɨnga ga ni cay kobi ɨni bɨ, ban day cɨn̰ gasa ga ɗari le daa kɨya cay sɔmɛ-bɨra gɨ dan̰ cɨndi le. Lee gɨ ba-gɨse bɨ, ba-wale gasa bɨ, leege gusi-mɔwa pɨna.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Magtubu di Pol wal bɨn̰ kalaŋ ga Rɔm 1:32

Kan solge gɨ kalaŋ ga ka-lɔɔ hɨnga ga nee le, Kumu na kɨya bɔyɛ kɔl tɨma cayge, ama kan woyge te lɔɔ ɨsɨna mɨjag mɨjag. Kan wɨyage na te lɔɔ ƴɔbɨ naŋ ama kalaŋ ga ɗaŋ ga woyge te lɔɔ kalɨn̰ ma, kan gey danage cay nee bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 5:12

Ɨni na, na kol cay ungo pɨna hayi ƴɔbɨ gɨ na Adam ma ɨsɨna andaŋ a cay gɨsəŋ gaŋ bɨ, na kol cay ɨsɨna ma tɨma kalɨn̰ ma ɨrga bɨ. Na toy di hɨn̰ wo̰ ma, tɨma ƴee kɨɗɨn̰ nɔm dɨɗɨn̰ kalaŋ, kɨya wa kan nɔm leege ɨsɨna.

Magtubu di Pol wal bɨn̰ kalaŋ ga Rɔm 5:17

Na cɨndi, tɨma ɨrga na kɨya cay hɨnga ga dan̰ gɨyəŋdɨge naŋ ga ungo pɨna hayi gɨ nee lee le. Na kɨya cay ungo gɨ pɨna hayi gɨ nee le ƴɔbɨ ma tɨma din̰-ƴaa a cay kalaŋ. Ama kɛ na mɨna ma, mana kɨya dɔɔ-ƴaa a boy sɔmɛ-bɨra gɨ dan̰ tumoyi gɨŋ dan̰ gɨyəŋ gɨ da ungo gɨ pɨna hayi nɛŋ, Jesu-Kɨris le naŋ ga? Ho’o, kalaŋ ga wayge ɗarwa di gumu tɔgɨ di da Kumu bɨ bɨlege ga dan̰ durɔ ɗɨngar a cɨndi dan̰ gɨyəŋ gɨ da hɨnga ga ni bee-kalɨn̰ bɨ le, kɨya dɔɔge ƴaa danayi.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 6:16

Kɨŋ sol kuɗa hɨn̰ gɨ kɨŋ na aya gusɨgɨŋ bɨn̰ ungo kɨya jon̰ kɔl koyi hɨn̰ guyɔŋ koyi wo̰ na, kɨŋ na guyɔŋ gɨ da ungo gɨ kɨŋ ba je kɔl kɨbi le ɨni. Wo̰ na hɨn̰ gɨ kɨŋ na bɨl gɔyɔŋ ga da ɨsɨna na, ɨsɨna kɨya orɨn̰ danagɨŋ boy tɨma dɨŋ, ama hɨn̰ gɨ kɨŋ na ja kɔl kɨbɨ Kumu na, ban kɨya bɨlgɨŋ leen̰ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 6:21

Kɛ wɔɔdi hɨnga ga kɨŋ ba wayi a te lɔɔ ɨsɨna gɨ da hɨnga ga tumɔ kɨŋ ba lee le ba ani ga? Na hɨnga nɔm ga haw kɛ dasi dɨgɨŋ kol cayge ɨni, kɨya wa na hɨnga ga kɨya orɨn̰ dan̰ kalaŋ na tɨma dɨŋ.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

Magtubu di Pol wal bɨn̰ kalaŋ ga Rɔm 8:38

Ho’o, ɨŋ sol kuɗa gɨ na tɨma naŋ bɨ, sɔmɛ-bɨra naŋ bɨ, ka-ƴɔbɛ ga daa nii naŋ bɨ, gɨmdəŋ ga da turnɔ ga ɨsɨndəŋ naŋ bɨ, hɨnga ga a jaman di haw kɛ dɨŋ naŋ bɨ, a jaman di ba kɨya ɨrga dɨŋ naŋ bɨ, dɔnɔn̰əŋ ga a cay gɨsəŋ gaŋ kɛ naŋ bɨ,

Magtubu di Pol wal bɨn̰ kalaŋ ga Rɔm 8:39

tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

Galad 3:10

Bɨ kan ga de ɗugoyge cay gasɨn̰-kɔl gɨ ke ay leen̰ gɨye le, ɓɨse woy cayge. Kɨya wa kan walge yege hɨn̰: «Waŋ waŋ gɨ na laa hɨnga nɔm ga kan walge duroy magtubu gasɨn̰-kɔl dɨŋ cɨndi tumɔ tumɔ nɔm naŋ na, ban na ungo gɨ ɓɨse woy cayi.»

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Magtubu di Jag wal 1:15

Ama kɨɗɨn̰ ga tabɨlaŋ di hɨnga ga ɨsɨni ga woy a kuduroy ungo le, na ƴa kur ɨni na, kɨya wɔɔ na ɨsɨna. Bɨ kɨɗɨn̰ ga ɨsɨna le na malga ɨni na, kɨya wɔɔ na tɨma bɨ.

1 Ja̰ 2:25

Hɨnga ga Kumu ye gɨ ɗi na kɨya lɔɔ bɨna le ba kɛ: Na sɔmɛ-bɨra gɨ dan̰ tumoyi.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»