Magtubu di Pol wal bɨn̰ kalaŋ ga Rɔm 6:21 - Gabri Maja

²¹ Kɛ wɔɔdi hɨnga ga kɨŋ ba wayi a te lɔɔ ɨsɨna gɨ da hɨnga ga tumɔ kɨŋ ba lee le ba ani ga? Na hɨnga nɔm ga haw kɛ dasi dɨgɨŋ kol cayge ɨni, kɨya wa na hɨnga ga kɨya orɨn̰ dan̰ kalaŋ na tɨma dɨŋ.

Magtubu di Pol wal bɨn̰ kalaŋ ga Rɔm 6:21 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 1:32

Kan solge gɨ kalaŋ ga ka-lɔɔ hɨnga ga nee le, Kumu na kɨya bɔyɛ kɔl tɨma cayge, ama kan woyge te lɔɔ ɨsɨna mɨjag mɨjag. Kan wɨyage na te lɔɔ ƴɔbɨ naŋ ama kalaŋ ga ɗaŋ ga woyge te lɔɔ kalɨn̰ ma, kan gey danage cay nee bɨ.

Magtubu di Pol wal bɨn̰ kalaŋ ga Rɔm 5:12

Ɨni na, na kol cay ungo pɨna hayi ƴɔbɨ gɨ na Adam ma ɨsɨna andaŋ a cay gɨsəŋ gaŋ bɨ, na kol cay ɨsɨna ma tɨma kalɨn̰ ma ɨrga bɨ. Na toy di hɨn̰ wo̰ ma, tɨma ƴee kɨɗɨn̰ nɔm dɨɗɨn̰ kalaŋ, kɨya wa kan nɔm leege ɨsɨna.

Magtubu di Pol wal bɨn̰ kalaŋ ga Rɔm 6:16

Kɨŋ sol kuɗa hɨn̰ gɨ kɨŋ na aya gusɨgɨŋ bɨn̰ ungo kɨya jon̰ kɔl koyi hɨn̰ guyɔŋ koyi wo̰ na, kɨŋ na guyɔŋ gɨ da ungo gɨ kɨŋ ba je kɔl kɨbi le ɨni. Wo̰ na hɨn̰ gɨ kɨŋ na bɨl gɔyɔŋ ga da ɨsɨna na, ɨsɨna kɨya orɨn̰ danagɨŋ boy tɨma dɨŋ, ama hɨn̰ gɨ kɨŋ na ja kɔl kɨbɨ Kumu na, ban kɨya bɨlgɨŋ leen̰ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 7:5

Tumɔ kɨɗɨn̰ ga na ba baa a te lɔɔ kuduroy-geye gɨ da kuyoŋdi-gusɨna gɨŋ ƴee le, tabɨlaŋdi hɨnga ga ɨsɨni ga woy a kuduroyna le, gasɨn̰-kɔl lɨbge lee gɨ kan leege gɨye a gusɨna ɗəndəŋ. Tabɨlaŋ di hɨnga ga nee le nongɨldɨna ɗe ana na leen̰ hɨnga ga kɨya dobna kobɨ tɨma dɨŋ.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

2 Korɛ̰t 7:11

Kumu ay ɨle kogɨŋ leen̰ gɨye, haw kɛ na sɨlagɨŋ hɨnga ga ɨle kogɨŋ ba lee! Kɨŋ ɨre cɨn̰ kandi lɔɔ gaŋ dan̰ kuduroygɨŋ ga pɨna. Kɨŋ say haw wo̰ dor kɔl dorɨn̰ kɔl caygɨŋ bɨ, kuduroygɨŋ mundoŋ kol ɨsɨna bɨ. Kɨŋ hɨndar hɨnga ga ɨsɨna kɨya ɨrgan̰ bɨ, tabɨlaŋnɨ say ləgɨŋ tɔgɨ bɨ. Kuduroygɨŋ say lee gɨ kɨŋ ɗal ba-lɔɔ ɨsɨna le. Ɨni na, kɨŋ gɨl dan̰ te gɨyəŋ nɔm gɨ kɨŋ na unɔ a boy kɔl gɨ nee gɨŋ le.

Pilib 3:19

Kalaŋ ga nee le a dɨɗe kɨbi gɨŋ na kan kɨya mundoŋ. Kɨya wa kumu koge na kuduroyge bɨ, gusoŋ-tɔgɛ koge woy na boy hɨnga ga di dasi gaŋ bɨ, kan na hɨnga ga ƴom kuduroyge le, na hɨnga ga a cay gɨsəŋ gaŋ kɛ ƴɔbɨ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

Əbɨro 6:8

Ama hɨn̰ gɨ naa gɨsɨm dan̰ gɨm na ba andaŋ nee na, na cay gɨsəŋ ga kɨya andaŋ hɨnga naŋ, ɓɨse gɨ da Kumu woyge mɨnde bɨ, kagadi gɨŋ na kan kɨya ulge mɔndɛ coŋ bɨ.

Magtubu di Jag wal 1:15

Ama kɨɗɨn̰ ga tabɨlaŋ di hɨnga ga ɨsɨni ga woy a kuduroy ungo le, na ƴa kur ɨni na, kɨya wɔɔ na ɨsɨna. Bɨ kɨɗɨn̰ ga ɨsɨna le na malga ɨni na, kɨya wɔɔ na tɨma bɨ.

Magtubu di Jag wal 5:20

kuɗa gɨ ban hɨn a cay kɔl gɨ ba kɛ: Waŋ waŋ gɨ na jɨgen̰ dan̰ ka-lɔɔ ɨsɨna a te gɨyəŋ gɨ ɗari gɨŋ na, ban ƴeege na kɨbɨ tɨma dɨŋ bɨ, kɨya cay hɨnga ga ban lee le, Kumu kɨya ɗɔɔ kuduroyi jalɨwa cay ɨsɨnan̰əŋ tɔgɨ bɨ.

1 Pɨyɛr 4:17

Kɨya wa tɨwa di ni bon̰ kɔl ɓal ɨni. Ama na kalaŋ ga da Kumu ma kan kɨya aye toyi cayge. Ama hɨn̰ gɨ bɔyɛ kɔl na kɨya aye toy cayna na, kan ga kan̰ge bɔgɛ kuduroyge a cay Kɔl-gɨ-Ɗari le, kan gɨ dɨɗe kɨbi koge na mɨna ga?

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

Wasɨn̰a 16:6

Na cɨndi, kalaŋ ga nee le, beege kɨbar gɨ da kan ga dorgege sige dan̰ cɨndɨge bɨ, gɨ da ka-yɔɔ-kɔl-gɨ-Kumu-ba-yɔɔ kan̰ bɨ dugo. Na kɨbar mɨn̰ bɨge kan siige bɨ. Ɓalɨn̰ dan̰ baŋdi kɨbɨge koge gɨŋ hɨn̰ wo̰ le kɔ.»

Wasɨn̰a 20:14

Ɨni na, ƴomge tɨma bɨ, dɔɔ-ƴaa da tɨma bɨ, beegege duroy kuraydi tɨwa dɨŋ. Kuraydi tɨwa le na tɨma di cay sɔɔ le.