Magtubu di Pol wal bɨn̰ kalaŋ ga Rɔm 6:14 - Gabri Maja

¹⁴ Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.

Magtubu di Pol wal bɨn̰ kalaŋ ga Rɔm 6:14 ပူးပေါင်းရင်းမြစ်များ

Matɨyo 1:21

Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 8:36

Hɨn̰ gɨ kurɨn̰ Kumu na ɗa caygɨŋ wɨya kalɨn̰ na, kɨŋ kɨya bɨle kalaŋ ga cayge woy kalɨn̰ leen̰ cɨndi.

Magtubu di Pol wal bɨn̰ kalaŋ ga Rɔm 11:6

Ama hɨn̰ gɨ hɨnga ga nee le na laa gusɨge naa dan̰ gɨyəŋ gɨ da ɗarwa na, laa gusɨge na dan̰ gɨyəŋ gɨ da gɨye-lɔɔdɨge naŋ. Hɨn̰ gɨ Kumu na tɨrage naa dan̰ gɨyəŋ gɨ da gɨye-lɔɔdɨge na, ɗarwa kɨya bɨle na ɗarwa naŋ ɨni.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 5:17

Na cɨndi, tɨma ɨrga na kɨya cay hɨnga ga dan̰ gɨyəŋdɨge naŋ ga ungo pɨna hayi gɨ nee lee le. Na kɨya cay ungo gɨ pɨna hayi gɨ nee le ƴɔbɨ ma tɨma din̰-ƴaa a cay kalaŋ. Ama kɛ na mɨna ma, mana kɨya dɔɔ-ƴaa a boy sɔmɛ-bɨra gɨ dan̰ tumoyi gɨŋ dan̰ gɨyəŋ gɨ da ungo gɨ pɨna hayi nɛŋ, Jesu-Kɨris le naŋ ga? Ho’o, kalaŋ ga wayge ɗarwa di gumu tɔgɨ di da Kumu bɨ bɨlege ga dan̰ durɔ ɗɨngar a cɨndi dan̰ gɨyəŋ gɨ da hɨnga ga ni bee-kalɨn̰ bɨ le, kɨya dɔɔge ƴaa danayi.

Magtubu di Pol wal bɨn̰ kalaŋ ga Rɔm 5:18

Na toy di hɨn̰ wo̰ ma, kol cay hɨnga ga dan̰ gɨyəŋdɨge naŋ, ga ungo pɨna hayi nɛŋ Adam lee le, kalaŋ nɔm andaŋge tɨma dɨŋ. Ama kol gɨye-lɔɔ gɨ dan̰ durɔ ɗɨngar gɨ ungo gɨ pɨna hayi nɛŋ gɨ na Kɨris lee le, kalaŋ nɔm kɨya ɓalege bɨle ga dan̰ durɔ ɗɨngar cɨn̰ Kumu bɨ, kɨya ɓalege wɔɔ sɔmɛ-bɨra gɨ dan̰ tumoyi bɨ.

Magtubu di Pol wal bɨn̰ kalaŋ ga Rɔm 6:12

Naa hɨn̰ wo̰ na, ɗɔɔgɨŋ ɨsɨna dɔɔ-ƴaa a cay kuyoŋdi-gusɨgɨŋ gɨ ba kɨya kardi nee mare naŋ bɨrɨŋ ɨni. Ɗɔɔ gɨ kɨŋ bɨle gusɨgɨŋ a kardi tabɨlaŋdi hɨnga ga da kuyoŋdi-gusɨgɨŋ naŋ bɨ.

Magtubu di Pol wal bɨn̰ kalaŋ ga Rɔm 6:15

Kɛ duroyi na wa ga? Hɨn̰ gɨ nana sɨma naa te dɔnɔ di da gasɨn̰-kɔl gɨ da Moyis gɨŋ naŋ, ama naa ɗarwa di da Kumu na ba daa-ƴaa cayna na, kɛ duroyi na gɨ nana wɨya naa te lɔɔ ɨsɨna ga? Cə, na hɨn̰ wo̰ naŋ bɨrɨŋ.

Magtubu di Pol wal bɨn̰ kalaŋ ga Rɔm 8:12

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, ojɨ gɨ naa wa wa kalɨn̰ ma, na gura hɨn̰ gɨ Turnɔ ba gey wo̰, gɨ nee le woy na hɨn̰ tugɨla wo̰ a cayna. Ama na tugɨla di na orɨn̰ a gusi kuyoŋdi-gusu gɨŋ, kɨya kobɨn̰ ɨrɨme gɨ da kuyoŋdi-gusu naŋ.

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

Galad 3:23

Tumɔ pa dɨm ma kɔl gɨ da aye kudurɔ ye ƴee na, ni-gandi ni woy na hɨn̰ ka-dangay wo̰ bɨ, kɔl gɨ da gasɨn̰-kɔl na ba gam ni gɨ dii cayni bɨrɨŋ gɨsɨn̰ gɨ Kumu gɨlni gɨyəŋ gɨ da aye kudurɔ.

Galad 4:21

Yaŋgɨŋ ƴee bɨ, kɨŋ ga ka-geye tɔbɛ caygɨŋ te gasɨn̰-kɔl gɨ da Moyis gɨŋ le, kɛ kɨŋ sol duroy kɔl gɨ gasɨn̰-kɔl gɨ nee le ye hagɨŋ ga? Ɨŋ sɨla naŋ.

Galad 5:18

Ama hɨn̰ gɨ Turnɔ di da Kumu na ba dɨra tumoygɨŋ na, gasɨn̰-kɔl na ba dɔɔ caynagɨŋ naŋ ɨni.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 8:10

Ba-gulɔŋ ye ɗaŋ coŋ ye hɨn̰: “Kardi wɔlɛn̰əŋ ga nee le na, Saɗe kɨbɨ pɨna ɓɨse gusu Gɨ ɨŋ kɨya saɗe dan̰ te wɨn̰je, Gɨ da Ɨsɨrayɛln̰əŋ le ba kɛ: Ɨŋ kɨya ɗɔɔ gasɨn̰-kɔl hɨnge, Na boy ɨrɨmedɨge gɨŋ bɨ, Ɨŋ kɨya wale gasɨn̰-kɔl hɨnge, Na a ɗugoyge bɨ, Ɨŋ kɨya wɔyɛ Kumu koge bɨ Kan kɨya wɔyɛ te kalaŋ kange bɨ.