Magtubu di Pol wal bɨn̰ kalaŋ ga Rɔm 6:12 - Gabri Maja

¹² Naa hɨn̰ wo̰ na, ɗɔɔgɨŋ ɨsɨna dɔɔ-ƴaa a cay kuyoŋdi-gusɨgɨŋ gɨ ba kɨya kardi nee mare naŋ bɨrɨŋ ɨni. Ɗɔɔ gɨ kɨŋ bɨle gusɨgɨŋ a kardi tabɨlaŋdi hɨnga ga da kuyoŋdi-gusɨgɨŋ naŋ bɨ.

Magtubu di Pol wal bɨn̰ kalaŋ ga Rɔm 6:12 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 2:8

Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 6:14

Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.

Magtubu di Pol wal bɨn̰ kalaŋ ga Rɔm 6:16

Kɨŋ sol kuɗa hɨn̰ gɨ kɨŋ na aya gusɨgɨŋ bɨn̰ ungo kɨya jon̰ kɔl koyi hɨn̰ guyɔŋ koyi wo̰ na, kɨŋ na guyɔŋ gɨ da ungo gɨ kɨŋ ba je kɔl kɨbi le ɨni. Wo̰ na hɨn̰ gɨ kɨŋ na bɨl gɔyɔŋ ga da ɨsɨna na, ɨsɨna kɨya orɨn̰ danagɨŋ boy tɨma dɨŋ, ama hɨn̰ gɨ kɨŋ na ja kɔl kɨbɨ Kumu na, ban kɨya bɨlgɨŋ leen̰ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

2 Korɛ̰t 4:11

Na-gandi na somgɨŋ-bɨra, ama daa daa na somgɨŋ kɨbɨ tɨma dɨŋ kol cay Jesu. Hɨnga ga nee le lee gusɨge ɗe sɔmɛ-bɨra gɨ da Jesu na laa gusi a kuyoŋdi-gusɨna gɨ ba kɨya mare gɨŋ le bɨ.

2 Korɛ̰t 5:4

Na cɨndi kɨɗɨn̰ ga na ba som a te dabaŋdɨna gɨ a cay gɨsəŋ gaŋ kɛ ƴee le, na dor ule na kɨya gɨ na woy na duroy hɨnga ga nɨn̰wadɨge ɗɨn̰ togɨynagɨŋ gaŋ. Ho’o, na mala na gɨ ɗe kuyoŋdi-gusɨna gɨ a cay gɨsəŋ gaŋ kɛ na unɔ naŋ. Ama na orɨn̰ na dan̰ n̰agedi dɔbɛ kuyoŋdi-gusɨna gɨ a gɨɗɨgɨ-Kumu gɨŋ, ɗe hɨnga ga ba kɨya mare coŋ le, sɔmɛ-bɨra gɨ dan̰ tumoyi na ƴa cayge sɨmbaɗ.

Galad 5:16

Jagɨŋ, kɨbagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ hɨn̰ wo̰ na, kɨŋ kɨya kɔbɛ tabɨlaŋdi lɔɔ hɨnga ga da kuyoŋdi-gusɨgɨŋ naŋ.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Epɛs 2:3

Tumɔ le, na-gandi nɔm na woy na hɨn̰ kalaŋ ga nee le bɨ. Kɨya wa jɨne le na lee gɨye-lɔɔ gɨ ɨsɨn, leen̰ na hɨnga ga kuyoŋdi-gusɨna gey bɨ, hɨnga ga ɨsɨni ga na sol bɨ. Tumɔ na-gandi kalɨn̰ ma, kuduroy-hɔmɛ di da Kumu woy kol cay na hɨn̰ kalaŋ ga kɔl ƴom cayge wo̰ bɨ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

1 Tesalonigɨ 4:5

Dɨle ɗɔɔ kurɔŋdi hɨnga ga kuduroygɨŋ ƴɔɔ caygɨŋ, hɨn̰ kalaŋ ga toyge na Jubɨ naŋ ga sɨlage Kumu naŋ ba leen̰ge wo̰ naŋ.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

Titɨ 2:12

Ɗarwa di nee le gɨlnagɨŋ gɨ na na ɗa gɨye-lɔɔ gɨ bugoŋ pɨna dan̰ Kumu naŋ coŋ bɨ, tabɨlaŋdi hɨnga ga cay gɨsəŋ gaŋ kɛ coŋ bɨ. Ɗarwa di nee le gɨlnagɨŋ ana na somɨn̰ a tɨwa di haw dɨŋ kɛ kɨya solɨn̰ hɨnga ga ɗari dɨm mana kɨya lɔɔ ƴee bɨ, loon̰ gɨye gɨ dan̰ durɔ ɗɨngar bɨ, loon̰ gɨye gɨ bugoŋ pɨna dan̰ Kumu bɨ.

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

1 Pɨyɛr 1:14

Sɨlagɨŋ hɨn̰ gɨ kɨŋ naa karɨn̰ Kumu bɨ, jagɨŋ kɔl kɨbi daa daa bɨ. Ɗɔɔgɨŋ baa lɔɔ hɨnga ga tumɔ tabɨlaŋdɨge ba leegɨŋ kɨɗɨn̰ ga kɨŋ ba sɨlan̰ hɨnga naŋ ƴee le.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Magtubu di Jud wal 1:18

Kan yegɨŋge hɨn̰: «A kagadi wɔlɛ gɨŋ le, kalaŋ ga kɨya sɔgɛge Kumu kɨya sɔge bɨ, lɔɔge hɨnga ga kuduroyge gey ƴɔbɨ, na hɨnga ga jɨbɨ Kumu sɛdɨ coŋ.»