Magtubu di Pol wal bɨn̰ kalaŋ ga Rɔm 5:8 - Gabri Maja

⁸ Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

Magtubu di Pol wal bɨn̰ kalaŋ ga Rɔm 5:8 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 15:13

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Magtubu di Pol wal bɨn̰ kalaŋ ga Rɔm 3:5

Ama hɨn̰ gɨ gɨye-lɔɔdɨna gɨ dan̰ durɔ ɗɨngar naŋ, na gɨl gɨ Kumu naa ungo gɨ dan̰ durɔ ɗɨngar na, kɛ na kɨya yɔ na wa coŋ ga? Kɨɗɨn̰ ga Kumu na laa kuduroy-hɔmɛ danana na, kɛ ban na ungo gɨ dan̰ durɔ ɗɨngar ga? Ɨŋ ye kɔl na hɨn̰ gɨ da kalaŋ ga ɨndəŋ wo̰ ƴɔbɨ.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 5:6

Ho’o, kɨya wa a boy wɔlɛ gɨ Kumu ojɨ gɨŋ, kɨɗɨn̰ ga na-gandi na ɨran̰ dan̰ dɔnɔ di ni poɗɨn̰ gusɨna naŋ ƴee le, Kɨris ma kol cayna na-gandi ka-lɔɔ ɨsɨna.

Magtubu di Pol wal bɨn̰ kalaŋ ga Rɔm 5:7

Osu tɔgɨ ɗe ungo na ma kol cay mɨgay gɨ ɗaŋ, ko ban naa ungo gɨ dan̰ durɔ ɗɨngar. Kuɗa dɨm ma ungo kɨya geye mare kɨya cay ungo gɨ ba lɔɔ ɗarwa ƴee.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

Magtubu di Pol wal bɨn̰ kalaŋ ga Rɔm 8:39

tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

1 Timote 1:16

Ama Kumu sol cɨn̰-n̰age hɨnge. Na toy di hɨn̰ wo̰ ma, Jesu-Kɨris gɨlɨn̰ ɗarwa toyi jɨn̰ doŋ, kɨya canɨ ɨŋ-bandi gɨ ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm. Kɨris lee wo̰ na kɨya ɗon̰ hɨnga ga ni gɨle kɨya cay kan ga kɨya bɔgɛ kuduroyge cayi gɨ ni wan̰ sɔmɛ-bɨra gɨ dan̰ cɨndi.

Əbɨro 8:3

Mangɨl gɨ da ka-cay ka-bɔgɛ kɨbar gɨ ani ani le, ɗeyge ɗe ban na bɨn̰ Kumu hɨnga ga ni bee bɨ, nare gɨ ni dɨɗe bogɨn̰ kɨbar bɨ. Na toy di hɨn̰ wo̰ ma, ojɨ gɨ Kɨris kalɨn̰ ma, na ɨran̰ dan̰ hɨnga ga ni bee bɨ.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.