Magtubu di Pol wal bɨn̰ kalaŋ ga Rɔm 5:4 - Gabri Maja

⁴ Ɨni na, dɨbe-ɗugɔ kɨya dɔbɛ bandɨ kuduroyna. Hɨn̰ gɨ kuduroyna na waa bandɨ na, na kɨya ɨre osɨwa a cay ɨrɨmedɨna gɨŋ gɨ na bee a cay Kumu.

Magtubu di Pol wal bɨn̰ kalaŋ ga Rɔm 5:4 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:19

Na dan̰ ƴɔmɛ kuduroy-osɨwa kogɨŋ ma, magɨŋ kɨya wan̰ pɔɗɛ.

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

Pilib 2:22

Ama ban na gɨl doŋ gɨ ɗi naa ungo gɨ ɨre a cay tɨbay dɨŋ. Hɨn̰ gɨ kɨye ba ɨrɨn̰ durdi bayi leen̰ gɨye le, Timote kalɨn̰ ma ɨre a kɨbɨ gɨye gɨ da tɔgɛ bɛrnɛ Kɔl-gɨ-Ɗari gɨŋ danaŋ bɨ.

Əbɨro 6:19

Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.