Magtubu di Pol wal bɨn̰ kalaŋ ga Rɔm 5:1 - Gabri Maja

¹ Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 19:38

Kan yege hɨn̰: «Tɔrɛ-kɨbɨ wɨya kɨya cay kɨlma, Gɨ ɨrga dan̰ guson̰ Ba-gulɔŋ. Gusi-dɔbɛ wɨya kɨya cay kalaŋ ga a daa nii bɨ, Gusoŋ-tɔgɛ na gɨ da Kumu gɨ a daa gɨɗɨgɨ-Kumu gɨŋ bɨ.»

Kɔl-gɨ-Ɗari gɨ Lug wal 19:42

Bɨ ban ye hɨn̰: «Hɨn̰ gɨ labɨde, me ni na sɨla hɨnga ga kɨya bɨne gusi-dɔbɛ na, kɨya kuɗa tɔgɨ. Ama haw kɛ na hɨnga ga me kɨya lɔɔ unɔ. Kɨya gɨ hɨnga ga nee le wosɨ gusɨge.

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 10:10

Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ.

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 15:33

Kuɗa gɨ Kumu gɨ ba-bee gusi-dɔbɛ baa danagɨŋ nɔm. Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Magtubu di Pol wal bɨn̰ kalaŋ ga Rɔm 3:30

kɨya wa Kumu na pɨna hayi ƴɔbɨ. Ban bɨle te kalaŋ ga na Jubɨn̰əŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge bɨ, bɨle te kalaŋ ga toyge na Jubɨ naŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge nee bɨ.

Magtubu di Pol wal bɨn̰ kalaŋ ga Rɔm 4:5

Ama hɨn̰ gɨ ungo na laa gɨye kɨya wan̰ cay kobi naŋ ama na bɨga kuduroy a cay Kumu gɨ ba sɔlɛ ba-lɔɔ ɨsɨna leen̰ ungo gɨ dan̰ durɔ ɗɨngar na, ungo gɨ nee le Kumu kɨya sɔlɛ aye kudurɔ koyi bɨ, bɨlii leen̰ ungo gɨ dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 5:11

Ɗɨn̰ gɨ nee le na, haw kɛ na, na ɨre lee gusi-mɔwa kɨya cay Kumu dan̰ gɨyəŋ gɨ da Ba-gulondɨna Jesu-Kɨris, kɨya wa na ban ba hangɨna gɨyəŋ gɨ da bugoŋ pɨna dan̰ Kumu.

Magtubu di Pol wal bɨn̰ kalaŋ ga Rɔm 5:18

Na toy di hɨn̰ wo̰ ma, kol cay hɨnga ga dan̰ gɨyəŋdɨge naŋ, ga ungo pɨna hayi nɛŋ Adam lee le, kalaŋ nɔm andaŋge tɨma dɨŋ. Ama kol gɨye-lɔɔ gɨ dan̰ durɔ ɗɨngar gɨ ungo gɨ pɨna hayi nɛŋ gɨ na Kɨris lee le, kalaŋ nɔm kɨya ɓalege bɨle ga dan̰ durɔ ɗɨngar cɨn̰ Kumu bɨ, kɨya ɓalege wɔɔ sɔmɛ-bɨra gɨ dan̰ tumoyi bɨ.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 9:30

A cay kɔl gɨ nee gɨŋ le nɔm na, kɛ na wa ma mani kɨya yɔ coŋ ga? Kalaŋ ga toyge na Jubɨ naŋ ga naa malage gɨ ni bɨle kalaŋ ga dan̰ durɔ ɗɨngar naŋ le, bɨlege kalaŋ ga dan̰ durɔ ɗɨngar ɨni. Na dan̰ gɨyəŋ gɨ da aye kudurɔ ma kan bɨləŋge kalaŋ ga dan̰ durɔ ɗɨngar.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 3:25

Ama kɨɗɨn̰ ga gɨyəŋ gɨ da aye kudurɔ ɨrga bugoŋ ɨni na, ni na a te ba-sobɨrni gɨŋ naŋ ɨni.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

Kɔlɔs 1:20

Ɗe hɨnga nɔm ga gɨɗɨgɨ-Kumu gaŋ bɨ, Ga cay gɨsəŋ gaŋ bɨ, Jɨga bugoŋge pɨna danayi, Dan̰ gɨyəŋ gɨ da kurondi bɨ. Na dan̰ gɨyəŋ gɨ da kɨbardi kurondi, Gɨ bugoŋ dugo a cay sɨya-gɨ-dagɨli gɨŋ, Le ma gusi-dɔbɛ woy.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

2 Tesalonigɨ 3:16

Kuɗa gɨ Ba-gulɔŋ gɨ ba gusi-dɔbɛ bɨgɨŋ gusi-dɔbɛ dan̰ tɨwa nɔm bɨ, boy hɨnga nɔm bɨ. Kuɗa gɨ Ba-gulɔŋ baa danagɨŋ nɔm.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.