Magtubu di Pol wal bɨn̰ kalaŋ ga Rɔm 4:6 - Gabri Maja

⁶ Kɨlma Dabid kalɨn̰ ma naa ye kɔl tɔrɛ-kɨbɨ gɨ da ungo gɨ Kumu bɨlii leen̰ ungo gɨ dan̰ durɔ ɗɨngar a cɨndi dɨle sɔlɛ gɨye-lɔɔdi.

Magtubu di Pol wal bɨn̰ kalaŋ ga Rɔm 4:6 ပူးပေါင်းရင်းမြစ်များ

Matɨyo 25:19

«Kardi wol ɨni na, ka-lɔɔ gɨye le, ba-gulondɨge sayga te tɨrga dɨŋ jɨga bɨ, teege kɨya ɗongɨsɨn̰ kardi gursu di ban beege kobɨge game le.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 3:27

Naa hɨn̰ wo̰ na, kɛ kɨɗɨn̰ ga ungo kɨya dogɨn̰ jorgii woy nee ga? Kɨɗɨn̰di unɔ. Na kɨya wa ma kɨɗɨn̰ ga ungo kɨya ɓale dogɨn̰ jorgii nee unɔ ga? Na kɨya gɨ ban kɨya ɓale bɨle durɔ ɗɨngar dan̰ gɨyəŋ gɨ da gɨye-lɔɔdi naŋ, ama na dan̰ gɨyəŋ gɨ da aye kudurɔ.

Magtubu di Pol wal bɨn̰ kalaŋ ga Rɔm 4:11

Kumu bɨn̰ Abɨraham kambe ga da wale ban̰a na kɨya gɨlɨn̰ gɨ tumɔ dɨm ma ban walɨn̰ ban̰a ƴee le, ban bɨle ungo gɨ dan̰ durɔ ɗɨngar cɨn̰ Kumu na kɨya cay aye kudurɔ koyi. Na toy di hɨn̰ wo̰ ma, Abɨraham bɨle bay kalaŋ nɔm ga Kumu bɨlge leen̰ kalaŋ ga dan̰ durɔ ɗɨngar a cɨndi, kol aye kudurɔ koge ko kan na walage ban̰a naŋ.

Magtubu di Pol wal bɨn̰ kalaŋ ga Rɔm 4:24

Ama walge ojɨn̰ na cayna na-gandi bɨ. Hɨn̰ gɨ na na bɨga kuduroyna a cay Kumu gɨ ba bɔyɛ Ba-gulondɨna Jesu lɨbii duroy kalaŋ ga madɨrdaŋ gaŋ na, ban kɨya bɨlna leen̰ kalaŋ ga dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 4:5

Ama hɨn̰ gɨ ungo na laa gɨye kɨya wan̰ cay kobi naŋ ama na bɨga kuduroy a cay Kumu gɨ ba sɔlɛ ba-lɔɔ ɨsɨna leen̰ ungo gɨ dan̰ durɔ ɗɨngar na, ungo gɨ nee le Kumu kɨya sɔlɛ aye kudurɔ koyi bɨ, bɨlii leen̰ ungo gɨ dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 4:7

Kɔl gɨ Dabid ba ye ba kɛ: «Tumoy wolwa woy a cay kalaŋ, Ga Kumu ɗe kuduroy jal a cay ɨsɨna koge gɨŋ bɨ, Yɨde ɨsɨna koge coŋ bɨ.

Magtubu di Pol wal bɨn̰ kalaŋ ga Rɔm 4:9

Aŋ ɨngɨrgɨŋ ƴee bɨ, kɛ tɔrɛ-kɨbɨ gɨ nee le na gɨ da Jubɨn̰əŋ ga walge ban̰a dan̰ kan̰dɨge ƴɔbɨ ga? Naŋ, ban na gɨ da kalaŋ ga walage ban̰a naŋ bɨ. Tumɔ na ye gɨ naa dan̰ gɨyəŋ gɨ da aye kudurɔ ƴɔbɨ ma Kumu na solɨn̰ Abɨraham leen̰ ungo gɨ dan̰ durɔ ɗɨngar a cɨndi.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Galad 3:14

Ban lee na hɨn̰ wo̰ ɗe gɨ tɔrɛ-kɨbɨ gɨ da Abɨraham na ɨre bugoŋ gusi kalaŋ ga toyge na Jubɨ naŋ, dan̰ te bugoŋ pɨna dan̰ Jesu-Kɨris. Ɗe gɨ ni na wan̰ Turnɔ di Kumu ye gɨ ɗi na kɨya bɨna dan̰ gɨyəŋ gɨ da aye kudurɔ le.

Galad 4:15

Boy wɔlɛ gɨ nee le, gusɨgɨŋ moogɨŋ tɔgɨ. Ama haw kɛ na, kol gusi-mɔwa togɨŋ le andaŋ na ani ga? Ɨŋ yəgɨŋ na kɔl gɨ cɨndi, boy wɔlɛdi gɨ nee le, hɨn̰ gɨ kɨŋ na ɓala dɔrɛ tɨdɨgɨŋ bəŋ na, kɨŋ ni kɨya dɔrɛ.

Epɛs 1:3

Kuɗa gɨ hɨrame wɨya uja cay Kumu bɨ, Ba-gulondɨna Jesu-Kɨris Bay bɨ. Kɨya wa ban tor-kɨbi cayna kol bugoŋ gɨ na bugoŋ pɨna dan̰ Kɨris. Kɨɗɨn̰ ga ban bɨna hɨnga ga ni tɔrɛ-kɨbɨ nɔm ga dan̰ cɨndɨge cɨndɨge ga gɨɗɨgɨ-Kumu gaŋ ga sayga gusi Turnɔ ɗe-kuduroy-bɛrɛ.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

Magtubu di Jag wal 2:18

Gajanaŋ ungo kɨya yɔ hɨn̰: «Ji-bandi na ba-aye-kudurɔ, ama ɨŋ-bandi na ba lɔɔ gɨye.» Ɨni na, ɨŋ kɨya dɨbii cay nee yɔ hɨn̰: «Gɨləŋ aye kudurɔ kon̰ dɨle lɔɔ gɨye cay nee bɨ. Bɨ dan̰ gɨyəŋ gɨ da gɨye-lɔɔnɨ na, ɨŋ kɨya gɨlɨn̰ aye kudurɔ hɨnge bɨ.»

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.