Magtubu di Pol wal bɨn̰ kalaŋ ga Rɔm 4:18 - Gabri Maja

¹⁸ Ko, hɨn̰ gɨ hɨnga ga ni bɔgɛ ɨrɨme cay nee na unɔ kalɨn̰ ma Abɨraham bee kuduroy a cay kɔl gɨ da Kumu bɨ, ɨrɨmedi gɨ ban bee a cay Kumu le woy osu bɨ. Lee gɨ ban bɨle mon̰ gɨ da te wɔɔ gɨ da kalaŋ ga dan̰ kondiige hɨn̰ gɨ tumɔ Kumu ba yeyi hɨn̰: «Kongɨn̰ɨn̰ kɨya bɨlege te kalaŋ ga dan̰ kondiige.»

Magtubu di Pol wal bɨn̰ kalaŋ ga Rɔm 4:18 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:18

Ama Jagari yen̰ ba-ƴɔbɛ gɨ daa nii le yey hɨn̰: «Kɛ, na wa ba kɨya gɨləŋ gɨ kɔl kon̰ gɨ ji ba yəŋ le, naa cɨndi ga? Kɨya gɨ ɨŋ-bandi le, ɨŋ lee gɨ esi ɨni bɨ, ɨlge gɨ da tamnɨ kalɨn̰ ma hal ɨni bɨ.»

Gɨye-lɔɔ 27:25

Ƴɨmagɨŋ kuduroygɨŋ usa! Ka-pogɨn̰ɨnɨ, ɨŋ bee kuduronɨ cay Kumu: Kɨya wɔyɛ na hɨn̰ gɨ Kumu ba yəŋ le.

Magtubu di Pol wal bɨn̰ kalaŋ ga Rɔm 4:17

Na hɨn̰ gɨ ba walge a duroy Magtubu di da Kumu dɨŋ ye hɨn̰: «Na ji-bandi ma maŋ lee gɨ ji bɨle mon̰ gɨ da te wɔɔ gɨ da kalaŋ ga dan̰ kondiige.» Ban na mon̰dɨna a cɨn̰ Kumu gɨ ban bee kuduroy cayi, gɨ ba bɨn̰ kalaŋ ga mage sɔmɛ gɨ bɨra bɨ, ba andɨn̰ dan̰ hɨnga ga unɔ bɨ.

Magtubu di Pol wal bɨn̰ kalaŋ ga Rɔm 4:19

Abɨraham sol gusi gɨ ban lee gɨ əsi bɨ, sol gɨ ban na ɨran̰ dan̰ dɔnɔ gɨ ni won̰ kɨye naŋ bɨ, kɨya wa ɨlgedi ɓal hɨn̰ ɨlge aru wo̰. Ban sol gɨ tamdi Sara kalɨn̰ ma lee di əsi bɨ ɨran̰ dan̰ dɔnɔ di ni won̰ kɨye naŋ bɨ. Ama hɨnga ga nee le, laa gɨ aye kudurɔ gɨ da Abɨraham gabaŋ naŋ.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

Magtubu di Pol wal bɨn̰ kalaŋ ga Rɔm 8:24

Kumu pɔɗɨna ɨni, ama hɨnga ga pɨna a boy pɔɗɛ gɨ nee gɨŋ le, na woy te game been̰ ɨrɨmedɨna cay nee ƴee. Hɨn̰ gɨ ungo na ya gɨ ɗi na woy gam naa hɨnga, ama ban na waa ɨni na, gɨ nee le na game hɨnga naŋ ɨni. Kɛ na waŋ ba kɨya game hɨnga ga ban way ɨni ga?

Əbɨro 6:19

Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.