Magtubu di Pol wal bɨn̰ kalaŋ ga Rɔm 4:17 - Gabri Maja

¹⁷ Na hɨn̰ gɨ ba walge a duroy Magtubu di da Kumu dɨŋ ye hɨn̰: «Na ji-bandi ma maŋ lee gɨ ji bɨle mon̰ gɨ da te wɔɔ gɨ da kalaŋ ga dan̰ kondiige.» Ban na mon̰dɨna a cɨn̰ Kumu gɨ ban bee kuduroy cayi, gɨ ba bɨn̰ kalaŋ ga mage sɔmɛ gɨ bɨra bɨ, ba andɨn̰ dan̰ hɨnga ga unɔ bɨ.

Magtubu di Pol wal bɨn̰ kalaŋ ga Rɔm 4:17 ပူးပေါင်းရင်းမြစ်များ

Matɨyo 3:9

Bɨ kɨŋ ɗɔɔ ba sɔmɛ gɨ ni ɨrɨme kuduroygɨŋ yɔ hɨn̰: “Abɨraham na mon̰ini” ƴɔbɨ naŋ. Ɗe aŋ yəgɨŋ daa waŋ, hɨn̰ gɨ Kumu na gey naga na, ban kɨya ɓale bɨle orun̰əŋ ga kɛ le, leen̰ karɨn̰aŋ bɨn̰ Abɨraham.

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Kɔl-gɨ-Ɗari gɨ Ja̰ wal 5:25

Jagɨŋ ɨŋ yəgɨŋ na kɔl gɨ cɨndi, tɨwa di kalaŋ ga madɨrdaŋ kɨya jen̰ge noy Kurɨn̰-Kumu le bugoŋ ɨni bɨ, caga ɨni bɨ. Bɨ kan ga kɨya jɔɔge tumoyi boy wɔlɛdi gɨ nee le, kan ga ba kɨya jɔɔge noy le, kɨya sɔmɛge dan̰ cɨndɨge.

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Gɨye-lɔɔ 15:18

Sɨlagɨŋ kɔl gɨ Ba-gulɔŋ ba ye le ba kɔ. Hɨnga ga ban ba lee haw kɛ le, Na hɨnga ga ban ƴom cay tɨbayge na jɨne hage.”»

Magtubu di Pol wal bɨn̰ kalaŋ ga Rɔm 3:29

Kɛ, kɨŋ ɨrɨm hɨn̰ gɨ Kumu naa Kumu gɨ da Jubɨn̰əŋ kan̰dɨge ga? Kɛ, te kalaŋ ga toyge na Jubɨ naŋ le, ban na Kumu koge bɨ naŋ ga? Ban na Kumu koge bɨ leen̰ cɨndi,

Magtubu di Pol wal bɨn̰ kalaŋ ga Rɔm 4:18

Ko, hɨn̰ gɨ hɨnga ga ni bɔgɛ ɨrɨme cay nee na unɔ kalɨn̰ ma Abɨraham bee kuduroy a cay kɔl gɨ da Kumu bɨ, ɨrɨmedi gɨ ban bee a cay Kumu le woy osu bɨ. Lee gɨ ban bɨle mon̰ gɨ da te wɔɔ gɨ da kalaŋ ga dan̰ kondiige hɨn̰ gɨ tumɔ Kumu ba yeyi hɨn̰: «Kongɨn̰ɨn̰ kɨya bɨlege te kalaŋ ga dan̰ kondiige.»

Magtubu di Pol wal bɨn̰ kalaŋ ga Rɔm 4:2

Hɨn̰ gɨ Abɨraham na bɨl ungo gɨ dan̰ durɔ ɗɨngar cɨn̰ Kumu dan̰ gɨyəŋ gɨ da gɨye-lɔɔdi na, ban orɨn̰ dan̰ gɨyəŋ gɨ ni dogɨn̰ jorgii. Ama ban ɨran̰ dan̰ gɨyəŋ gɨ ni dogɨn̰ jorgii tumoy Kumu naŋ.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

Magtubu di Pol wal bɨn̰ kalaŋ ga Rɔm 9:11

Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.

Magtubu di Pol wal bɨn̰ kalaŋ ga Rɔm 9:26

«Ɨni na, a kɨɗɨn̰ ga kan yege nee ye hɨn̰: “Kɨŋ naa te kalaŋ kange naŋ le” Na kɨɗɨn̰ ga nee gaŋ le gaŋ ma, Kan kɨya togɨgɨŋ nee yon̰ hɨn̰: “Kɨŋ naa karɨn̰ Kumu gɨ som-bɨra.”»

1 Korɛ̰t 1:28

Kumu bɨnde na hɨnga ga kalɨn̰ wo̰ dugo cɨn̰ kalaŋ bɨ, hɨnga ga kalaŋ hagɨrge bɨ, kalaŋ ga ɓalage lɔɔ hɨnga naŋ bɨ, kɨya mondɨn̰ hɨnga ga woy hɨnga a cɨn̰ kalaŋ le,

1 Korɛ̰t 15:45

Na toy di hɨn̰ wo̰ ma walge duroy Magtubu di da Kumu dɨŋ yege hɨn̰: «Adam, ungo gɨ cay wase le Kumu bii sɔmɛ-bɨra.» Ama ojɨn̰ cay Adam gɨ kardi nee gɛs na, na ban mana kuyoŋdi-gusu gɨ da turnɔ gɨ ba bɨn̰ kalaŋ sɔmɛ-bɨra.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

Əbɨro 11:12

Na toy di hɨn̰ wo̰ ma, ungo gɨ pɨna hayi gɨ tɨbayi woy kɨbɨ umboŋ tɨma dɨŋ mɨnde le, wɔɔ te wɨn̰je ga toyge kondɨ bajag bajag hɨn̰ dɛsɨɗɛŋ ga a gɨɗɨgɨ-Kumu gaŋ wo̰ bɨ, hɨn̰ kɨlay gɨ kɨbɨ kuray gɨ gumu taa taa gɨŋ gɨ ungo ɓala ɗɔngɨsɛ naŋ wo̰ bɨ.

Əbɨro 11:3

Dan̰ gɨyəŋ gɨ da aye kudurɔ na, na sol gɨ Kumu si gɨɗɨgɨ-Kumu bɨ, cay gɨsəŋ dan̰ hɨnga nɔm ga boy nee bɨ, na dan̰ gɨyəŋ gɨ da kɔl gɨ andaŋ kɨbi bɨ. Lee gɨ cay gɨsəŋ dan̰ hɨnga nɔm ga ungo sol dan̰ cɨndi le, ɗa toyge na a cay hɨnga ga ungo sol dan̰ cɨndi gaŋ naŋ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

1 Pɨyɛr 2:10

Tumɔ kɨŋ na te kalaŋ ga da Kumu naŋ, ama haw kɛ kɨŋ na te kalaŋ kayi. Tumɔ le Kumu sɨla cɨn̰-n̰age togɨŋ naŋ, ama haw kɛ ban sol cɨn̰-n̰age togɨŋ.

2 Pɨyɛr 3:8

Karmɨnɨ ga ɨŋ lee-toygɨŋ, hɨnga pɨna woy nee gɨ kuɗa gɨ kuduroygɨŋ gɨ hale gɨybəŋ cay nee naŋ. Hɨnga le ba kɛ: Gɨ ojɨ cay Ba-gulɔŋ na, wɔlɛ gɨ pɨna woy gɨlɨn̰ na hɨn̰ ɨlge gɨ dubu wo̰ bɨ, ɨlge gɨ dubu woy gɨlɨn̰ na hɨn̰ wɔlɛ pɨna wo̰ bɨ.