Magtubu di Pol wal bɨn̰ kalaŋ ga Rɔm 4:11 - Gabri Maja

¹¹ Kumu bɨn̰ Abɨraham kambe ga da wale ban̰a na kɨya gɨlɨn̰ gɨ tumɔ dɨm ma ban walɨn̰ ban̰a ƴee le, ban bɨle ungo gɨ dan̰ durɔ ɗɨngar cɨn̰ Kumu na kɨya cay aye kudurɔ koyi. Na toy di hɨn̰ wo̰ ma, Abɨraham bɨle bay kalaŋ nɔm ga Kumu bɨlge leen̰ kalaŋ ga dan̰ durɔ ɗɨngar a cɨndi, kol aye kudurɔ koge ko kan na walage ban̰a naŋ.

Magtubu di Pol wal bɨn̰ kalaŋ ga Rɔm 4:11 ပူးပေါင်းရင်းမြစ်များ

Matɨyo 16:16

Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

Matɨyo 8:11

Aŋ yəgɨŋ, kalaŋ dan̰ kondɨwayge kɨya sɔge jɨn̰ te kumu dan̰ kɨɗɨn̰ ɗɔbɛ ga da tɨwa bɨ, ɨrgage sɔmɛge kɨbɨ hɨnga ga ni dɔɔ ga ni gusi-mɔwa ga gumu, dan̰ Abɨraham bɨ, Isag bɨ, Jagob bɨ, boy dɔɔ-ƴaa di daa nii dɨŋ.

Kɔl-gɨ-Ɗari gɨ Lug wal 19:9

Jesu jɨga dɨbii cay nee yeyi hɨn̰: «Labɨde pɔɗɛ andaŋ a duroy ƴaa gɨ kɛ le, kɨya wa ji kalɨn̰ ma ji na kungay Abɨraham bɨ.

Kɔl-gɨ-Ɗari gɨ Ja̰ wal 3:33

Ungo gɨ ani ani gɨ na ƴa kɔl-tɨmon̰ toyi na, ban gey cay nee gɨ kɔl gɨ Kumu ba ye le naa kɔl gɨ cɨndi.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Kɔl-gɨ-Ɗari gɨ Ja̰ wal 6:47

Jagɨŋ, aŋ yəgɨŋ daa waŋ na cɨndi, ungo gɨ na bɨga kuduroyi canɨ le, orɨn̰ dan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 8:33

Kan jɨga dɨbige cay nee yeyige hɨn̰: «Hay! Ni na kongɨn̰i Abɨraham, ni laa guyɔŋdu da ungo cay pɨna naŋ bɨrɨŋ. Na mɨna ma, mɨn̰ ye gɨ ni na kɨya bɨle ka-sɔmɛ cayni kalɨn̰ ga?»

Magtubu di Pol wal bɨn̰ kalaŋ ga Rɔm 10:11

Magtubu di da Kumu ye hɨn̰: «Waŋ waŋ gɨ na bɨga kuduroy a cayi na, Dasi kɨya doyi naŋ bɨrɨŋ.»

Magtubu di Pol wal bɨn̰ kalaŋ ga Rɔm 10:4

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.

Magtubu di Pol wal bɨn̰ kalaŋ ga Rɔm 10:6

Ama Magtubu di da Kumu ye kɔl ojɨn̰ cay gɨyəŋ gɨ kalaŋ kɨya bɨlɨn̰ kalaŋ ga dan̰ durɔ ɗɨngar dan̰ gɨyəŋ gɨ da aye kudurɔ. Kɔl le ba kɛ: «Ji ɗɔɔ ba yɔ ɗugon̰: “Kɛ, na waŋ ba kɨya nɔɔ ɔrɛ gɨɗɨgɨ-Kumu gɨŋ ga”.» Duroy na nɔɔ ɔrɛ daa male Kɨris.

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Magtubu di Pol wal bɨn̰ kalaŋ ga Rɔm 3:26

ban dɨbɨ ɗugoyi. Ama haw kɛ na, dan̰ gɨyəŋ gɨ da bɔgɛ kɨbar gɨ nee le, ban gɨl gɨ ɗi na lee hɨnga naa dan̰ gɨyəŋdɨge bɨ, ban gusi kalɨn̰ ma ban naa ungo gɨ dan̰ durɔ ɗɨngar bɨ, ba bɨle kalaŋ nɔm ga beege kuduroyge a cay Jesu, leen̰ kalaŋ ga dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 3:30

kɨya wa Kumu na pɨna hayi ƴɔbɨ. Ban bɨle te kalaŋ ga na Jubɨn̰əŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge bɨ, bɨle te kalaŋ ga toyge na Jubɨ naŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge nee bɨ.

Magtubu di Pol wal bɨn̰ kalaŋ ga Rɔm 4:10

Kɛ Kumu solii leen̰ ungo gɨ dan̰ durɔ ɗɨngar a cɨndi na mada ga? Kɛ na kɨɗɨn̰ ga ban wal ban̰a wala baa wale ban̰a ƴee ga? Na kardi nee naŋ, ama na tumoy wale ban̰a.

Magtubu di Pol wal bɨn̰ kalaŋ ga Rɔm 9:30

A cay kɔl gɨ nee gɨŋ le nɔm na, kɛ na wa ma mani kɨya yɔ coŋ ga? Kalaŋ ga toyge na Jubɨ naŋ ga naa malage gɨ ni bɨle kalaŋ ga dan̰ durɔ ɗɨngar naŋ le, bɨlege kalaŋ ga dan̰ durɔ ɗɨngar ɨni. Na dan̰ gɨyəŋ gɨ da aye kudurɔ ma kan bɨləŋge kalaŋ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 9:33

hɨn̰ gɨ Magtubu di da Kumu ba ye hɨn̰: «Sɨlagɨŋ ɨŋ kɨya ɗɔɔ oru a cay ƴaa di Sin̰o dɨŋ, Na oru gɨ kɨya dɔgɛ tɨban̰ ungo bɨ, Na garma gɨ kɨya lɔɔ gɨ ungo kɨya bɔɔ bɨ. Ama waŋ waŋ gɨ na bɨga kuduroyi, A cay oru gɨ nee gɨŋ le na, dasi kɨya dooy naŋ bɨrɨŋ.»

Magtubu di Pol wal bɨn̰ kalaŋ ga Rɔm 9:6

Kɨŋ ɗɔɔ ba se a ɨrɨmedɨgɨŋ gɨŋ gɨ hɨnga ga Kumu ba ye gɨ ɗi na kɨya lɔɔ bɨn̰ Ɨsɨrayɛl le, na bɨle naa hɨnga ga kalɨn̰ wo̰ dugo. Kɨya wa leen̰ cɨndi na, kalaŋ ga a te wɨn̰je gɨ da Ɨsɨrayɛl nɔm ma na Ɨsɨrayɛl ga leen̰ cɨndi naŋ.

2 Korɛ̰t 1:22

Kumu ɗe kambe kayi a gusɨna bɨ, bɨna dan̰ Turnoyi a ɗugoyna di bɨle woy hɨn̰ hɨnga ga gɨlna gɨ Kumu na kɨya bɨna hɨnga ga ɗari ga ban ƴom cay tɨbayge kol cay kalaŋ kayi.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Galad 3:29

Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.

Galad 3:7

Sɨlagɨŋ kuɗa: Na kan ga somge bɨra dan̰ aye kudurɔ, ma na karɨn̰ Abɨraham ga hɨnde.

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

Galad 6:16

Kuɗa gɨ gusi-dɔbɛ bɨ, sɔlɛ cɨn̰-n̰age da Kumu bɨ, baa dan̰ kalaŋ nɔm ga gɨye-lɔɔdɨge woy hɨn̰ ban gɨ ɨŋ ba gɨlge wo̰ bɨ, baa dan̰ Ɨsɨrayɛl di hɨrɨwa di ban ɗe bɨ.

Epɛs 1:13

Kɨŋ kalɨn̰ ma kɨɗɨn̰ ga kɨŋ ba je kɔl gɨ cɨndi, gɨ na Kɔl-gɨ-Ɗari gɨ kɨŋ wan̰ pɔɗɛ le, kɨŋ bee kuduroygɨŋ cay Kɨris. Ɨni na dan̰ gɨyəŋ gɨ da bugoŋ gɨ kɨŋ bugoŋ pɨna danayi le, Kumu ɗe kambe kayi gusɨgɨŋ. Kambe ga nee le na Turnɔ ɗe-kuduroy-bɛrɛ di ban ye gɨ ɗi na kɨya bɨn̰ kalaŋ kayi le.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

Wasɨn̰a 9:4

Kuun̰əŋ le bɨgege gɨyəŋ gɨ kan na gɨ loon̰ hɛɗɨmɛ ga a cay gɨsəŋ gaŋ bɨ, kabɨn̰ hɛɗɨmɛ ga bɨra bɨ, hɨya bɨ, hɨnga ga ɨsɨni naŋ. Ama kan na laan̰ ɨsɨna naa kalaŋ ga dɨgage tambo da Kumu jɨndɨge naŋ ƴɔbɨ.