Magtubu di Pol wal bɨn̰ kalaŋ ga Rɔm 4:1 - Gabri Maja

¹ Naa hɨn̰ wo̰ na, kɛ na koldi wa ma mani kɨya yɔ ojɨn̰ cay mon̰dɨni Abɨraham ga? Kɛ ban way na wa dan̰ cay gusi koyi ga?

Magtubu di Pol wal bɨn̰ kalaŋ ga Rɔm 4:1 ပူးပေါင်းရင်းမြစ်များ

Matɨyo 3:9

Bɨ kɨŋ ɗɔɔ ba sɔmɛ gɨ ni ɨrɨme kuduroygɨŋ yɔ hɨn̰: “Abɨraham na mon̰ini” ƴɔbɨ naŋ. Ɗe aŋ yəgɨŋ daa waŋ, hɨn̰ gɨ Kumu na gey naga na, ban kɨya ɓale bɨle orun̰əŋ ga kɛ le, leen̰ karɨn̰aŋ bɨn̰ Abɨraham.

Kɔl-gɨ-Ɗari gɨ Lug wal 3:8

Laagɨŋ gɨye gɨ gɨl gɨ kɨŋ na bɨle gɨye-lɔɔdɨgɨŋ leen̰ cɨndi. Bɨ kɨŋ ɗɔɔ ba sɔmɛ gɨ ni yɔ hɨn̰: “Abɨraham na mon̰dɨni” ƴɔbɨ naŋ. Ɗe aŋ yəgɨŋ daa waŋ, Kumu na gey naga na, ban kɨya ɓale bɨle orun̰əŋ ga kɛ le, loon̰ karɨn̰aŋ bɨn̰ Abɨraham!

Kɔl-gɨ-Ɗari gɨ Ja̰ wal 8:33

Kan jɨga dɨbige cay nee yeyige hɨn̰: «Hay! Ni na kongɨn̰i Abɨraham, ni laa guyɔŋdu da ungo cay pɨna naŋ bɨrɨŋ. Na mɨna ma, mɨn̰ ye gɨ ni na kɨya bɨle ka-sɔmɛ cayni kalɨn̰ ga?»

Kɔl-gɨ-Ɗari gɨ Ja̰ wal 8:53

Kɛ, ji gumu ɗɨn̰ mon̰dɨni gɨ jɨne Abɨraham gɨ ma le ga? Ka-yɔɔ-kɔl-gɨ-Kumu-ba-yɔɔ kalɨn̰ ma mage bɨ. Ama kɛ, ji lee gusɨn̰ leen̰ na waŋ ga?»

Kɔl-gɨ-Ɗari gɨ Ja̰ wal 8:56

Mon̰dɨgɨŋ gɨ jɨne Abɨraham kɨɗɨn̰ ga ban ɨrɨm a cay wɔlɛ gɨ ɨŋ kɨya cagan̰ le ban te pɨre. Ban sol hɨnga nɔm ga ba kɨya lɔɔ gusɨge ga nee le dan̰ cɨndi bɨ, ban lee gusi-mɔwa.»

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Magtubu di Pol wal bɨn̰ kalaŋ ga Rɔm 1:3

Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 3:5

Ama hɨn̰ gɨ gɨye-lɔɔdɨna gɨ dan̰ durɔ ɗɨngar naŋ, na gɨl gɨ Kumu naa ungo gɨ dan̰ durɔ ɗɨngar na, kɛ na kɨya yɔ na wa coŋ ga? Kɨɗɨn̰ ga Kumu na laa kuduroy-hɔmɛ danana na, kɛ ban na ungo gɨ dan̰ durɔ ɗɨngar ga? Ɨŋ ye kɔl na hɨn̰ gɨ da kalaŋ ga ɨndəŋ wo̰ ƴɔbɨ.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 6:1

Hɨn̰ gɨ ɗarwa di da Kumu na tɨga guso jɨn̰ tumɔ tumɔ a boy kɨɗɨn̰ ga tumɔ ɨsɨna teen̰ gusi nee na, kɛ na kɨya lɔɔ na wa ga? Kɛ ojɨ gɨ nana sɨma a boy ɨsɨna gɨŋ coŋ ɗe ɗarwa di da Kumu na san̰ cay mɨgaa dɨŋ kol cayna ga?

Magtubu di Pol wal bɨn̰ kalaŋ ga Rɔm 7:7

Hɨn̰ gɨ nana ya gɨ gasɨn̰-kɔl naa ba lɨbe ɨsɨna gɨ lee gɨye gusɨna ɗəndəŋ daa na, kɛ a duroy kɔl gɨ nee gɨŋ le na ye na gɨ gasɨn̰-kɔl dan̰ ɨsɨna na ɓalɨn̰ge pɨna ga? Cə, na hɨn̰ wo̰ naŋ bɨrɨŋ! Tumɔ ɨŋ-bandi ɨŋ sɨla ɨsɨna naŋ, ama na gasɨn̰-kɔl ba lɔɔ gɨ ɨŋ solɨn̰ ɨsɨna. Kɨradi-kɔl, gasɨn̰-kɔl na ya hɨn̰: «Ji lɔɔ tabɨlaŋdi hɨnga ga da mɨgan̰ naŋ» tumɔ hɨn̰ gɨ gasɨn̰-kɔl na ya gɨ ji na gɨ lɔɔ cɨn̰-pɨɗɨma a cay hɨnga ga da mɨgan̰ naŋ na, ɨŋ kɨya sɔlɛ cɨn̰-pɨɗɨma leen̰ hɨnga ga ɨsɨni naŋ.

Magtubu di Pol wal bɨn̰ kalaŋ ga Rɔm 8:31

Kardi kɔl ga nee le nɔm na, kɛ na koldi wa ma mana kɨya dɨbe cay nee ɗaŋ coŋ ga? Hɨn̰ gɨ Kumu naa danana na, kɛ na waŋ ɗaŋ coŋ ba kɨya jɨbna coŋ ga?

2 Korɛ̰t 11:22

Kan na Əbɨro ga? Ɨŋ na Əbɨro bɨ. Kan na karɨn̰ Ɨsɨrayɛl ga? Ɨŋ na kɨye Ɨsɨrayɛl bɨ. Kan na a te wɨn̰je gɨ da Abɨraham ga? Ɨŋ na a te wɨn̰je gɨ da Abɨraham bɨ.

Əbɨro 12:9

Ɨrɨmgɨŋ ɗaŋ coŋ sɨla. Waŋ waŋ kalɨn̰ ma orɨn̰ dan̰ bay gɨ a cay gɨsəŋ gaŋ kɛ gɨ gɨlii kɔl. Bɨ ban̰an̰nagɨŋ ga nee le, na beegegɨŋ kɔl cayge. Hɨnga ga nee le, gɨlna leen̰ cɨndi cɨla gɨ ojɨ gɨ Bayna Kumu gɨ a gɨɗɨgɨ-Kumu gɨŋ, gɨ na kɨya wɔɔ sɔmɛ-bɨra kol cayi le, na na dɨbagɨŋ cay nagɨŋ dugo toyi.