Magtubu di Pol wal bɨn̰ kalaŋ ga Rɔm 3:5 - Gabri Maja

⁵ Ama hɨn̰ gɨ gɨye-lɔɔdɨna gɨ dan̰ durɔ ɗɨngar naŋ, na gɨl gɨ Kumu naa ungo gɨ dan̰ durɔ ɗɨngar na, kɛ na kɨya yɔ na wa coŋ ga? Kɨɗɨn̰ ga Kumu na laa kuduroy-hɔmɛ danana na, kɛ ban na ungo gɨ dan̰ durɔ ɗɨngar ga? Ɨŋ ye kɔl na hɨn̰ gɨ da kalaŋ ga ɨndəŋ wo̰ ƴɔbɨ.

Magtubu di Pol wal bɨn̰ kalaŋ ga Rɔm 3:5 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 12:19

Ay kɨŋ ga ɨŋ lee-toygɨŋ. Ɗagɨŋ baa gɔjɛ-baa cay gusɨgɨŋ kogɨŋ kɨŋ-gandi gaŋ, ɗagɨŋ kuduroy-hɔmɛ di da Kumu ɗe lee gɨye kɔɔ, kɨya wa walge a duroy Magtubu di da Kumu dɨŋ yege hɨn̰: «Na ɨŋ-bandi ba kɨya gɔjɛ-baa, Na ɨŋ-bandi ba kɨya bɨn̰ kalaŋ pɨna pɨna nɔm, Cay kobɨge dan̰ gɨyəŋ gɨ da gɨye-lɔɔdɨge.» Na Ba-gulɔŋ ba yɔ.

Magtubu di Pol wal bɨn̰ kalaŋ ga Rɔm 2:5

Ama dan̰ gɨyəŋ gɨ da kuduroy-osɨwa ton̰ bɨ, mɨye-daa ton̰ bɨ le, ji hogɨ kuduroy-hɔmɛ da Kumu bee can̰ gamɨn̰ wɔlɛ bɔyɛ kɔl. Wɔlɛdi gɨ nee le Kumu kɨya bɔyɛ kɔl cay kalaŋ dan̰ gɨyəŋdi doŋ waŋ.

Magtubu di Pol wal bɨn̰ kalaŋ ga Rɔm 3:19

Na sol kuɗa gɨ hɨnga nɔm ga gasɨn̰-kɔl ye koldɨge le, hɨndi ye bɨn̰ na kalaŋ ga somge a te gasɨn̰-kɔl gaŋ, ɗe kɨbɨ ungo pɨna wo̰ andɨn̰ dan̰ kɔl gɨ ni dorɨn̰ kɔl cayi naŋ bɨ, ɗe kalaŋ nɔm na solɨn̰ge kardi ɨsɨna koge tumoy Kumu bɨ.

Magtubu di Pol wal bɨn̰ kalaŋ ga Rɔm 3:7

Gajanaŋ ungo da yɔ hɨn̰: «Hɨn̰ gɨ poy tɨnge na hanga gɨyəŋ bɨn̰ Kumu, ɗe na gɨl gɨ kɔl koyi na cɨndi cɨla coŋ bɨ, gusondi na yan̰ bɨ na, kɛ na kɨya wa ma Kumu kɨya ɗɔngɨsɔŋ dan̰ ka-lɔɔ ɨsɨna bɨ, bɔyɛ kɔl canɨ coŋ bɨ ga?»

Magtubu di Pol wal bɨn̰ kalaŋ ga Rɔm 4:1

Naa hɨn̰ wo̰ na, kɛ na koldi wa ma mani kɨya yɔ ojɨn̰ cay mon̰dɨni Abɨraham ga? Kɛ ban way na wa dan̰ cay gusi koyi ga?

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

Magtubu di Pol wal bɨn̰ kalaŋ ga Rɔm 6:1

Hɨn̰ gɨ ɗarwa di da Kumu na tɨga guso jɨn̰ tumɔ tumɔ a boy kɨɗɨn̰ ga tumɔ ɨsɨna teen̰ gusi nee na, kɛ na kɨya lɔɔ na wa ga? Kɛ ojɨ gɨ nana sɨma a boy ɨsɨna gɨŋ coŋ ɗe ɗarwa di da Kumu na san̰ cay mɨgaa dɨŋ kol cayna ga?

Magtubu di Pol wal bɨn̰ kalaŋ ga Rɔm 6:19

Ɨrɨmedɨgɨŋ na ɨrɨme gɨ da kalaŋ ga ɨndəŋ, na toy di hɨn̰ wo̰ ma, ɨŋ ɨre yəgɨŋ kɔl dan̰ kɔl gɨ usa naŋ hɨn̰ kɔl yɔ gɨ da kalaŋ wo̰. Tumɔ kɨŋ ay kɨway kuyoŋdi-gusɨgɨŋ leen̰ guyɔŋdu di da hɨnga ga lee kɨni bɨ, ga da hɨnga ga dan̰ durɔ ɗɨngar naŋ bɨ, hɨnga ga nee le ba lɔɔ gɨ kɨŋ ja kɔl kɨbɨ Kumu naŋ. Haw kɛ na, ojɨ gɨ kɨŋ aya kɨway kuyoŋdi-gusɨgɨŋ laan̰ guyɔŋdu di da hɨnga ga woy dan̰ durɔ ɗɨngar ɗe gɨl gɨ kɨŋ na kalaŋ ga da Kumu ga woy dan̰ cɨndɨge.

Magtubu di Pol wal bɨn̰ kalaŋ ga Rɔm 7:7

Hɨn̰ gɨ nana ya gɨ gasɨn̰-kɔl naa ba lɨbe ɨsɨna gɨ lee gɨye gusɨna ɗəndəŋ daa na, kɛ a duroy kɔl gɨ nee gɨŋ le na ye na gɨ gasɨn̰-kɔl dan̰ ɨsɨna na ɓalɨn̰ge pɨna ga? Cə, na hɨn̰ wo̰ naŋ bɨrɨŋ! Tumɔ ɨŋ-bandi ɨŋ sɨla ɨsɨna naŋ, ama na gasɨn̰-kɔl ba lɔɔ gɨ ɨŋ solɨn̰ ɨsɨna. Kɨradi-kɔl, gasɨn̰-kɔl na ya hɨn̰: «Ji lɔɔ tabɨlaŋdi hɨnga ga da mɨgan̰ naŋ» tumɔ hɨn̰ gɨ gasɨn̰-kɔl na ya gɨ ji na gɨ lɔɔ cɨn̰-pɨɗɨma a cay hɨnga ga da mɨgan̰ naŋ na, ɨŋ kɨya sɔlɛ cɨn̰-pɨɗɨma leen̰ hɨnga ga ɨsɨni naŋ.

Magtubu di Pol wal bɨn̰ kalaŋ ga Rɔm 8:31

Kardi kɔl ga nee le nɔm na, kɛ na koldi wa ma mana kɨya dɨbe cay nee ɗaŋ coŋ ga? Hɨn̰ gɨ Kumu naa danana na, kɛ na waŋ ɗaŋ coŋ ba kɨya jɨbna coŋ ga?

Magtubu di Pol wal bɨn̰ kalaŋ ga Rɔm 9:30

A cay kɔl gɨ nee gɨŋ le nɔm na, kɛ na wa ma mani kɨya yɔ coŋ ga? Kalaŋ ga toyge na Jubɨ naŋ ga naa malage gɨ ni bɨle kalaŋ ga dan̰ durɔ ɗɨngar naŋ le, bɨlege kalaŋ ga dan̰ durɔ ɗɨngar ɨni. Na dan̰ gɨyəŋ gɨ da aye kudurɔ ma kan bɨləŋge kalaŋ ga dan̰ durɔ ɗɨngar.

1 Korɛ̰t 15:32

Wɔrɨn̰ɛ gɨ ɨŋ worɨn̰ dan̰ kɨmɛnɛ a cay ƴaa-di-gumu di Epɛs le, hɨn̰ gɨ ɨŋ na laa naa dan̰ gɨyəŋ gɨ da ɨrɨme gɨ da ungo gɨ ɨndi na kɛ kɨya andaŋ na wa ga? Hɨn̰ gɨ kalaŋ ga mage na kɨya bɔyɛge lɨbe naŋ na ɗa gɨ na da bɨ sa bɨ, kɨya gɨ wan̰do na kɨya mare.

1 Korɛ̰t 9:8

Kɔl gɨ ɨŋ ba ye kɛ le ɨŋ gɨsɨn̰ na gɨye-lɔɔ gɨ da kalaŋ ƴɔbɨ naŋ. Kɛ gasɨn̰-kɔl gɨ da Moyis kalɨn̰ ma ya kɔl gɨ nee le naŋ bɨ ga?

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

2 Korɛ̰t 7:11

Kumu ay ɨle kogɨŋ leen̰ gɨye, haw kɛ na sɨlagɨŋ hɨnga ga ɨle kogɨŋ ba lee! Kɨŋ ɨre cɨn̰ kandi lɔɔ gaŋ dan̰ kuduroygɨŋ ga pɨna. Kɨŋ say haw wo̰ dor kɔl dorɨn̰ kɔl caygɨŋ bɨ, kuduroygɨŋ mundoŋ kol ɨsɨna bɨ. Kɨŋ hɨndar hɨnga ga ɨsɨna kɨya ɨrgan̰ bɨ, tabɨlaŋnɨ say ləgɨŋ tɔgɨ bɨ. Kuduroygɨŋ say lee gɨ kɨŋ ɗal ba-lɔɔ ɨsɨna le. Ɨni na, kɨŋ gɨl dan̰ te gɨyəŋ nɔm gɨ kɨŋ na unɔ a boy kɔl gɨ nee gɨŋ le.

Galad 2:18

Kɨya wa hɨnga ga ɨŋ mondɨ muɗɔgɨ coŋ le, hɨn̰ gɨ ɨŋ na jɨga n̰anage daa ɗaŋ na, ɨŋ ay gusɨnɨ leen̰ na ba-hangɨɗe cay gasɨn̰-kɔl.

Galad 3:15

Ay, karmɨnɨ ga ban̰aŋ dan̰ ga kandɨ, ɨŋ ay gɨye-lɔɔ gɨ da kalaŋ ga ɨndəŋ, kɨya gɨlgɨŋ hɨnga pɨna. Hɨn̰ gɨ ungo na gɨsɨ gɔsɨnɛ hɨnga kayi ga kɨya bɔɔ ban̰di dan̰ gɨyəŋdɨge na, ungo gɨ ɗaŋ kɨya ɓale mɔndɛ coŋ naŋ bɨ, dɔrɛ kɔl boy nee coŋ naŋ bɨ, dɨbe koyi cay nee naŋ bɨ.

Wasɨn̰a 15:3

Kan kɨbɨge kɨra hɨn̰ gɨ da Moyis, marɨna ba-gɨye gɨ da Kumu tumɔ ba kɨbɨn̰ wo̰. A duroy kɨra koge gɨŋ le, kan hɨramge Kumu kɨya gɨ na Kurɨn̰-dɨmangɨ le na ba poɗɨge yen̰ge hɨn̰: «Ji Ba-gulɔŋ gɨ dɔnɔdɨn̰ ɗɨn̰ dɔnɔ nɔm, Ji som a cay dɔnɔ nɔm, Gɨye-lɔɔdɨn̰ nɔm gɨmdəŋ tɔgɨ bɨ Dor turnoyi kɨɗɨn̰ bɨ. Ji dii-ƴaa a cay te kalaŋ nɔm, Ga a cay gɨsəŋ gaŋ bɨ, Ji lee hɨnga dan̰ cɨndi bɨ durɔ ɗɨngar bɨ.

Wasɨn̰a 18:20

Gɨɗɨgɨ-Kumu, laagɨŋ gusi-mɔwa kol mundoŋ gɨ hɨndi mundoŋ kurɔm kurɔm coŋ le! Kɨŋ kalaŋ ga woy dan̰ cɨndɨgɨŋ bɨ, ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ kalɨn̰ ma, laagɨŋ gusi-mɔwa bɨ. Kɨya wa Kumu boy kɔl caa na kol hɨnga ga ɨsɨni ga hɨndi lee danagɨŋ.