Magtubu di Pol wal bɨn̰ kalaŋ ga Rɔm 3:20 - Gabri Maja

²⁰ Na toy di hɨn̰ wo̰ ma, ungo gɨ ba kɨya bɨle ungo gɨ dan̰ durɔ ɗɨngar a cɨn̰ Kumu dan̰ gɨyəŋ gɨ da gɨye-lɔɔ gɨ da gasɨn̰-kɔl unɔ. Kɨya wa gasɨn̰-kɔl gɨl na ɨsɨna gɨ da kalaŋ ɗe kan na sol ƴɔbɨ.

Magtubu di Pol wal bɨn̰ kalaŋ ga Rɔm 3:20 ပူးပေါင်းရင်းမြစ်များ

Gɨye-lɔɔ 13:39

Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Magtubu di Pol wal bɨn̰ kalaŋ ga Rɔm 2:13

Kalaŋ ga woyge dan̰ durɔ ɗɨngar tumoyi Kumu le, na kan ga ka-jɔɔ gasɨn̰-kɔl ga kɛ le dan̰ sɨmayge ƴɔbɨ naŋ, ama kalaŋ ga woyge dan̰ durɔ ɗɨngar le, na kan ga ka-lɔɔ hɨnga ga gasɨn̰-kɔl ojɨ.

Magtubu di Pol wal bɨn̰ kalaŋ ga Rɔm 3:28

Ho’o ni sol kuɗa gɨ ungo kɨya bɨle ungo gɨ dan̰ durɔ ɗɨngar a cɨn̰ Kumu na dan̰ gɨyəŋ gɨ da aye kudurɔ koyi ƴɔbɨ, ama na dan̰ lɔɔ gɨ ban lee te gasɨn̰-kɔl gɨ da Moyis naŋ.

Magtubu di Pol wal bɨn̰ kalaŋ ga Rɔm 4:13

Kumu ye gɨ ɗi na kɨya bɨn̰ Abɨraham bɨ, kongɨn̰ii bɨ, cay gɨsəŋ nɔm hɨn̰ hɨnga ga ni ban̰di-gulɔŋ kage wo̰. Hɨnga ga Kumu ye gɨ ɗi na kɨya bii le, na kɨya bɨle gɨ Abɨraham bɨle gusi a kardi gasɨn̰-kɔl gaŋ naŋ. Ama na kɨya bɨle gɨ Kumu bɨlii leen̰ ungo gɨ dan̰ durɔ ɗɨngar a cɨndi, dan̰ gɨyəŋ gɨ da aye kudurɔ koyi.

Magtubu di Pol wal bɨn̰ kalaŋ ga Rɔm 4:15

Na cɨndi, gasɨn̰-kɔl ba gare kuduroy-hɔmɛ di da Kumu bɔgɛ a cay kalaŋ. Ama hɨn̰ gɨ gasɨn̰-kɔl na unɔ na, hangɨɗe cay gasɨn̰-kɔl kalɨn̰ ma unɔ bɨ.

Magtubu di Pol wal bɨn̰ kalaŋ ga Rɔm 5:13

Ho’o, ɨsɨna woy a cay gɨsəŋ gaŋ ɨni dɨm ma Kumu bɨn̰ Moyis gasɨn̰-kɔl ƴee. Ama a kɨɗɨn̰ ga gasɨn̰-kɔl unɔ nee le, ɗɨngɨsage ɨsɨna nee naŋ.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 7:11

Ɨsɨna way gɨyəŋ dan̰ gɨyəŋ caga gɨ da te tumɔ bɨ, say narɨn̰ cɨnɨ ƴomɨn̰ te tumɔ ɗe gɨ dan̰ gɨyəŋdo na ɨŋ na wayan̰ tɨma.

Magtubu di Pol wal bɨn̰ kalaŋ ga Rɔm 9:32

Kɛ, na kɨya wa ma kan gabaŋge ga? Kɨya wa kan kɨbage gɨyəŋ gɨ da aye kudurɔ naŋ. A ɨrɨmedɨge gɨŋ na, ke na kɨya bɨle kalaŋ ga dan̰ durɔ ɗɨngar naa dan̰ gɨyəŋ gɨ da gɨye-lɔɔdɨge. Lee gɨ kan de tɨbayige a cay oru gɨ ba kɨya dorge nayge gɨŋ,

1 Korɛ̰t 15:56

Tɨma orɨn̰ dan̰ dɔnɔ cayna na kɨya cay ɨsɨna bɨ, ɨsɨna orɨn̰ dan̰ dɔnɔ cayna na kɨya cay gasɨn̰-kɔl bɨ.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 2:19

Kɨya wa ɨŋ na ungo gɨ ɨŋ ma kol cay gasɨn̰-kɔl. Bɨ tɨma di ɨŋ ma le, na kɨya cay gasɨn̰-kɔl gɨ nee le ma kan dɨɗəŋge, ɗe gɨ ɨŋ na sɨma dan̰ cɨnɨ na kɨya leen̰ gɨye bɨn̰ Kumu. Ɨŋ na ungo gɨ kan gagɨlaŋge a cay sɨya-gɨ-dagɨligɨŋ pɨna dan̰ Kɨris coŋ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.