Magtubu di Pol wal bɨn̰ kalaŋ ga Rɔm 2:8 - Gabri Maja

⁸ Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Magtubu di Pol wal bɨn̰ kalaŋ ga Rɔm 2:8 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 1:18

Kuduroy-hɔmɛ da Kumu sayga gɨɗɨgɨ-Kumu gɨŋ baa a cay ka-baa ga da Kumu bɨ, a cay ka-lɔɔ gɨye gɨ dan̰ durɔ ɗɨngar naŋ bɨ, kɨya wa gɨye-lɔɔdɨge gɨ dan̰ durɔ ɗɨngar naŋ le tɨlɨm cay kɔl gɨ cɨndi dugo.

Magtubu di Pol wal bɨn̰ kalaŋ ga Rɔm 10:16

Ama na kalaŋ nɔm ba bɔgɛ kɔl a cay Kɔl-gɨ-Ɗari gɨŋ naŋ. Ho’o, ba-yɔɔ-kɔl-gɨ-Kumu-ba-yɔɔ Ijay kalɨn̰ ma ye hɨn̰: «Ay Ba-gulɔŋ, kɛ na waŋ ba bɔgɛ kuduroy a cay tɔgɛ bɛrnɛ toni dɨŋ ga?»

Magtubu di Pol wal bɨn̰ kalaŋ ga Rɔm 15:18

Na cɨndi, hɨn̰ gɨ ɨŋ na mala yɔɔ kɔl a cay hɨnga na, na a cay hɨnga ga Kɨris lee kol canɨ ƴɔbɨ, ma maŋ kɨya yɔɔ kɔl cay nee. Dan̰ gɨyəŋ hɨnge na, ban lee gɨ kalaŋ ga toyge na Jubɨ naŋ jege kɔl kɨbɨ Kumu. Ban lee hɨnga ga nee le na dan̰ kɔl bɨ gɨye bɨ,

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

Magtubu di Pol wal bɨn̰ kalaŋ ga Rɔm 9:22

Hɨn̰ gɨ Kumu na gey lɔɔ naa hɨn̰ gɨ da ba gaɗe ɨmbɨlɨn̰ wo̰ na, kɛ ji-bandi na dolɨn̰ na wa nee ga? Ban gey gɨ kalaŋ na sɨla kuduroy-hɔmɛ toyi bɨ, dɔnɔ toyi bɨ. Ama haw kɛ na, ban ƴom kuduroyi dɨbɨn̰ ɗugoyi gɨɗaŋ, a cay kan ga kuduroyi ba homii cayge ga gamge na mundoŋ le.

1 Korɛ̰t 11:16

Hɨn̰ gɨ ungo na gey man̰e-kɔl cay nee na, ni-gandi bɨ Ka-Daye ga da Kumu bɨ, ni ɨran̰ dan̰ hada di nee le naŋ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

Galad 5:20

n̰ɨre kula bɨ, lɔɔ tɨmba bɨ, ƴɔmɛ-ungo-kuduron̰ bɨ, bɔjɨn̰ɛ bɨ, cɨn̰-pɨɗɨma bɨ, lɔɔ kuduroy-hɔmɛ bɨ, jangɨ bɨ, gasɨn̰-ɓalɨn̰a naŋ bɨ, pɔyɛ kalaŋ duroy nee bɨ,

Pilib 1:17

Ama ga ɗaŋ ga ka-lɔɔ jangɨ le, tɨgage bɛrnɛ di da Kɨris na dan̰ ɨrɨme gɨ duroŋ mɨra naŋ. Kan geyge ɗɔɔ gusɨge tumɔ. A boy ɨrɨmedɨge gɨŋ na, tɔgɛ bɛrnɛ toge di kan ba te le na kɨya lɔɔ gɨ, ɨŋ na kɨya won̰ kuduroy-hɔmɛ a dangay dɨŋ ɗɨn̰ gɨ tumɔ coŋ ƴee.

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

Titɨ 3:9

Ama male te hɨnga ga kalɨn̰ wo̰ bɨ, dɔrɛ te wɨn̰je bɨ, man̰e-kɔl bɨ, gaŋgɨde kɔl cay gasɨn̰-kɔl gaŋ bɨ le, hɨnga ga nee le nɔm na hɨnga ga kɨya andaŋ hɨnga naŋ bɨ, na hɨnga ga kalɨn̰ wo̰ dugo bɨ. Ji ɗɔɔ ba dɨbe kɨbɨn̰ boy nee naŋ.

Əbɨro 10:27

Hɨnga pɨna hage ga baa tumoynagɨŋ le, na game bɔyɛ kɔl gɨ gumu gɨ kɨya caga dan̰ hundɔrɔ gɨ gumu bɨ, tɨwa di kɨya ule ka-baa ga da Kumu kayi bɨ.

Əbɨro 11:8

Na dan̰ gɨyəŋ gɨ da aye kudurɔ ma, Abɨraham je kɔl kɨbɨ Kumu, kɨɗɨn̰ ga Kumu teeyi. Lee gɨ ban say ɗe cay gɨsəŋ kayi coŋ orɨn̰ a cay gɨsəŋ ga Kumu ojɨ bii leen̰ cay gɨsəŋ kayi. Ban say or dɨle sɔlɛ kɨɗɨn̰ ga ban or jɨn̰ nee jɛɗɨ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Magtubu di Jag wal 3:14

Ama hɨn̰ gɨ lɔɔ cɨn̰-pɨɗɨma bɨ, lɔɔ jangɨ bɨ, na ba wanɨn̰a ɗugoygɨŋ daa jɨŋ jɨŋ na, kɨŋ bogɨn̰ gusɨgɨŋ kogɨŋ gaŋ tɨwan̰e naŋ bɨ, yɔɔgɨŋ kɔl poy mondɨn̰ kɔl gɨ cɨndi naŋ bɨ.

Magtubu di Jag wal 3:16

Kɨya wa kɨɗɨn̰ ga ani ani ga kalaŋ leege cɨn̰-pɨɗɨma nee bɨ, leege jangɨ nee bɨ. Na kɨɗɨn̰ ga hɨnga wɨya dan̰ durɔ nee naŋ bɨ, ɨsɨna ba-ƴɔɔ kɨɗɨn̰ nee nɔm bɨ.

1 Pɨyɛr 3:1

Kɨŋ kandɨ, kogɨŋ ba kɛ: Dɨbagɨŋ caygɨŋ dugo bɨn̰ kodɨn̰igɨŋ, ɗe hɨn̰ gɨ kan ga pɨna duroyge na kan̰age bɔgɛ kuduroyge cay kɔl gɨ da Kumu kalɨn̰ ma, na bɨgan̰ge kuduroyge cayi kol gɨye-lɔɔdɨgɨŋ dɨle gɨ kan kɨya yɔɔ kɔl.

1 Pɨyɛr 4:17

Kɨya wa tɨwa di ni bon̰ kɔl ɓal ɨni. Ama na kalaŋ ga da Kumu ma kan kɨya aye toyi cayge. Ama hɨn̰ gɨ bɔyɛ kɔl na kɨya aye toy cayna na, kan ga kan̰ge bɔgɛ kuduroyge a cay Kɔl-gɨ-Ɗari le, kan gɨ dɨɗe kɨbi koge na mɨna ga?

Wasɨn̰a 14:10

ba-gulondi kɨya sɔɔ cɛrɛ di suru kuduroy-hɔmɛ di da Kumu bɨ. Beege cɛrɛ di suru le boy kobo kuduroy-hɔmɛ di da Kumu dɨŋ dɨle pɔlɨn̰ɛ dan̰ hɨnga ga ɗaŋ nee. Lee gɨ hɨnga ga ni mɨrɨn̰tɨn̰i kɨya lɔɔ ba-gulondi duroy tɨwa dɨŋ bɨ, duroy kɨrbaŋdi hɨnga ga ƴee hɨn̰ tɨwa wo̰ bɨ, tumoy ka-ƴɔbɛ ga daa nii ga woyge dan̰ cɨndɨge bɨ, tumoy Kurɨn̰-dɨmangɨ bɨ.

Wasɨn̰a 16:19

Cay ƴaa-di-gumu le cudurdoŋ dugo kɨɗɨn̰ sɨbɨ bɨ, cay ƴaan̰əŋ ga gɨmdəŋ ga da te wɔɔ gɨ da kalaŋ ga cay gɨsəŋ gaŋ laydaŋ dugo nɔm bɨ. Kɨɗɨn̰di ga nee gaŋ le, Kumu hɨn a cay Babilɔn di na cay ƴaa-di-gumu le. Ban boo cɛrɛ di suru di a boy kobo gɨ da kuduroy-hɔmɛ koyi gɨ dɨmbɨre ɗe sii.