Magtubu di Pol wal bɨn̰ kalaŋ ga Rɔm 2:5 - Gabri Maja

⁵ Ama dan̰ gɨyəŋ gɨ da kuduroy-osɨwa ton̰ bɨ, mɨye-daa ton̰ bɨ le, ji hogɨ kuduroy-hɔmɛ da Kumu bee can̰ gamɨn̰ wɔlɛ bɔyɛ kɔl. Wɔlɛdi gɨ nee le Kumu kɨya bɔyɛ kɔl cay kalaŋ dan̰ gɨyəŋdi doŋ waŋ.

Magtubu di Pol wal bɨn̰ kalaŋ ga Rɔm 2:5 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 1:18

Kuduroy-hɔmɛ da Kumu sayga gɨɗɨgɨ-Kumu gɨŋ baa a cay ka-baa ga da Kumu bɨ, a cay ka-lɔɔ gɨye gɨ dan̰ durɔ ɗɨngar naŋ bɨ, kɨya wa gɨye-lɔɔdɨge gɨ dan̰ durɔ ɗɨngar naŋ le tɨlɨm cay kɔl gɨ cɨndi dugo.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 9:22

Hɨn̰ gɨ Kumu na gey lɔɔ naa hɨn̰ gɨ da ba gaɗe ɨmbɨlɨn̰ wo̰ na, kɛ ji-bandi na dolɨn̰ na wa nee ga? Ban gey gɨ kalaŋ na sɨla kuduroy-hɔmɛ toyi bɨ, dɔnɔ toyi bɨ. Ama haw kɛ na, ban ƴom kuduroyi dɨbɨn̰ ɗugoyi gɨɗaŋ, a cay kan ga kuduroyi ba homii cayge ga gamge na mundoŋ le.

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

2 Tesalonigɨ 1:5

Hɨnga ga ni gɨle-cɨn̰ ga nee le nɔm, na hɨnga ga gɨl gɨ Kumu na boy kɔl naa dan̰ durɔ ɗɨngar. Kɨya hɨn̰ gɨ kɨŋ ba solɨn̰ cɨn̰-gɨle-cɨn̰ hɨn̰ wo̰ ɨni na, Kumu kɨya bɨlgɨŋ leen̰ kalaŋ ga ɓalge andaŋ a boy dɔɔ-ƴaa toy dɨŋ di kɨŋ ba way cɨn̰-gɨle-cɨn̰ kɔldɔ le.

Əbɨro 3:13

Ama dɨbagɨŋ bandɨ kuduroy gusɨgɨŋ dan̰ wɔlɛ pɨna pɨna. Sɨlagɨŋ kuɗa gɨ kɨɗɨn̰ ga magtubu ba ye: Labɨde na, duroy na labɨde kol cayna bɨ. Hɨn̰ wo̰ na dɨbagɨŋ bandɨ kuduroy gusɨgɨŋ, ɗe ɨsɨna nar cɨn̰ ungo duroygɨŋ dɨrsɨn̰ toyi a cay nee naŋ.

Əbɨro 3:15

Kɨya wa yege duroy magtubu dɨŋ hɨn̰: «Labɨde hɨn̰ gɨ kɨŋ na ja noy Kumu na, Kɨŋ ɗɔɔ ba ɗɔɔ ɗugoygɨŋ dɨmbɨrwa, Hɨn̰ gɨ mon̰iigɨŋ ga san̰ge danayi, A boy wɔlɛ gɨ kɨŋ gɨwasii duroy dal dɨŋ le wo̰ naŋ.»

Əbɨro 4:7

Na toy di hɨn̰ wo̰ ma, Kumu dor wɔlɛ gɨ ɗaŋ coŋ, ban te wɔlɛ gɨ nee, na «labɨde.» Ɨlge kondɨ kardi nee na, ban ye kɔl dan̰ kɔl gɨ andaŋ kɨbɨ Dabid gɨ kɨŋ ba jeyii haw kɛ ojɨn̰ cay wɔlɛ gɨ nee le. Ban ye hɨn̰: «Labɨde hɨn̰ gɨ kɨŋ na ja noy Kumu na, kɨŋ ɗɔɔ ba ɗɔɔ ɗugoygɨŋ dɨmbɨrwa naŋ.»

Magtubu di Jag wal 5:3

Lɔr togɨŋ bɨ, gursu togɨŋ di ni nare bɨ, ƴom yɨlwa. Ama na yɨlwa gɨ kɨya lɔɔ tɨmon̰ a caygɨŋ kɨya gɨ kɨŋ lee ɨsɨna. Hɨndi kɨya bɨləŋ tɨwa di kɨya ule kuyoŋdi-gusɨgɨŋ bɨ. Haw kɛ, cay gɨsəŋ ba mɨnde kɨya kaga, ama kɨŋ dojɨde hɨnga-wɔɔdɨgɨŋ jɨn̰ nee nee ƴee.

2 Pɨyɛr 2:9

Hɨn̰ gɨ na wɨya hɨn̰ wo̰ na, ni sol gɨ Ba-gulɔŋ ɓal dɔrɛ kalaŋ ka-lɔɔ hɨnga ga dan̰ durɔ ɗɨngar kɨbɨ hɨnga ga ni gɨybe gaŋ bɨ, ɓal game kalaŋ ga ka-lɔɔ hɨnga ga dan̰ durɔ ɗɨngar naŋ kɨya lɔɔge hɨnga ga homi a wɔlɛ gɨ ni bon̰ kɔl gɨŋ bɨ.

2 Pɨyɛr 3:7

Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.

Magtubu di Jud wal 1:6

Kuɗa gɨ kuduroygɨŋ hɨn a cay ka-ƴɔbɛ ga daa nii ga ɗege kɨɗɨn̰ kage ga gumu bɨ sayge ɗege kɨɗɨn̰ sɔmɛdɨge coŋ le. Kumu saɗɨdɨge te gɨsəŋ gaŋ, kɨɗɨn̰ ga dɨlɨm ƴee kɨɗɨn̰ nee gaŋ, dan̰ mɔrɨyɔŋ ga kɨya wɔyɛ dan̰ tumoyge gamɨn̰ wɔlɛ gɨ ni bon̰ kɔl gɨ gumu.

Wasɨn̰a 2:21

Ɨŋ ɗe tɨwa boo ɗe na bɨlɨn̰ haldo. Ama hɨndi gey bɨle haldo ojɨn̰ cay yɔyɛ gɨ dan̰ gangɨ ca le naŋ.

Wasɨn̰a 6:17

Kɨya wa wɔlɛ gɨ gumu gɨ da kuduroy-hɔmɛ toge bugoŋ ɨni. Kɛ na waŋ ba kɨya ɓale ɨre tumoyge ga?»