Magtubu di Pol wal bɨn̰ kalaŋ ga Rɔm 2:3 - Gabri Maja

³ Ja, ji gɨ ba bɔyɛ kɔl a cay kalaŋ ga nee le bɨ, ji woy te lɔɔ hɨnga na hɨn̰ kan wo̰ bɨ le, kɛ ji ɨrɨm gɨ ji na kɨya dɔgɛ andaŋ a kɨbɨ bɔyɛ kɔl gɨ da Kumu gɨŋ ga?

Magtubu di Pol wal bɨn̰ kalaŋ ga Rɔm 2:3 ပူးပေါင်းရင်းမြစ်များ

Matɨyo 23:33

Kɨŋ na kumbulo, te wɔɔ gɨ da karɨn̰-kari! Tɨwa di ni gehɛn na hɨnga ga ni gɨle-cɨn̰ ga kɨya loogɨŋ, kɨya cay ɨsɨna kogɨŋ le. Kɨŋ kɨya ɓale mɨn̰e na mɨna ga?

Matɨyo 26:53

Ji ɨrɨm gɨ ɨŋ na ɓala gɨ ni ɨngɨre Banɨ ɗe na gɨrəŋ daa naŋ ga? Hɨn̰ gɨ ɨŋ na ɨngɨrii na, kɔl gɨ kɨbɨna kɛ bɨ, ban kɨya gɨygɨn̰ dan̰ ka-ƴɔbɛ ga daa nii dubu-dubu dan̰ kondiige bɨ, toyge kɨya ɓale mɔjɨ-cayge-sɔɔ bɨ, kol canɨ.

Kɔl-gɨ-Ɗari gɨ Lug wal 12:14

Jesu dɨbii nee yeyi hɨn̰: «Ba-pogɨnɨ, na waŋ ba seŋ gɨ ɨŋ na ba-bɔyɛ duroy kɔl kogɨŋ wala, ba-gɔsɨnɛ hɨnga wɔɔdɨgɨŋ bɨ ga?»

Kɔl-gɨ-Ɗari gɨ Lug wal 22:58

Sɨm nee bɨ ga ma, bara gɨ ɗaŋ say solii bɨ yeyi hɨn̰: «Ji le kalɨn̰ ma, ji na gɨ pɨna duroyge bɨ.» Ama Pɨyɛr dɨbi nee yeyi hɨn̰: «Naŋ, ɨŋ na duroyge naŋ.»

Kɔl-gɨ-Ɗari gɨ Lug wal 22:60

Pɨyɛr dɨbi nee yeyi hɨn̰: «Bara, kɔl gɨ ji ba ye le, ɨŋ sɨla duroy naŋ bɨrɨŋ.» Bɨ kɔl gɨ kɨbɨna kɛ bɨ, hɨn̰ gɨ ban ba yen̰ kɔl baa kɨbi ƴee bɨ ga ma, kuɗa al kokorɨyo ko.

Magtubu di Pol wal bɨn̰ kalaŋ ga Rɔm 1:32

Kan solge gɨ kalaŋ ga ka-lɔɔ hɨnga ga nee le, Kumu na kɨya bɔyɛ kɔl tɨma cayge, ama kan woyge te lɔɔ ɨsɨna mɨjag mɨjag. Kan wɨyage na te lɔɔ ƴɔbɨ naŋ ama kalaŋ ga ɗaŋ ga woyge te lɔɔ kalɨn̰ ma, kan gey danage cay nee bɨ.

Magtubu di Pol wal bɨn̰ kalaŋ ga Rɔm 2:1

Ji gɨ ba bɔyɛ kɔl cay kalaŋ le, ko ji naa waŋ waŋ kalɨn̰ ma, ungo kɨya ɗɔ kardi kɔl le bɨn̰ naŋ. Kɨya wa ji ɨre boy kɔl a cay kalaŋ ga ka-lɔɔ hɨnga ga ɨsɨn, ama gɨye-lɔɔdɨn̰ gɨlɨn̰ na hɨn̰ koge kan wo̰ bɨ. Lee gɨ kɔl gɨ ji ɨre boy le, ji ɨre boy na cay gusɨn̰ kon̰ gɨŋ gaŋ hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 2:2

Ama na sol kuɗa gɨ kalaŋ ga ka-lɔɔ hɨnga ga hɨn̰ wo̰ le, Kumu kɨya bɔyɛ kɔl cayge dan̰ gɨyəŋ gɨ da kɔl gɨ cɨndi.

Magtubu di Pol wal bɨn̰ kalaŋ ga Rɔm 9:20

Hay! Ungo gɨ ɨndi, kɛɛ, ji na waŋ ma man̰ kɨya gaŋge kɔl kɨbɨ Kumu ga? Hɨn̰ gɨ ba dɔsɛ hɨnga na dusa hɨnga na, kɛ hɨnga ga ban dosu le, orɨn̰ dan̰ gɨyəŋ gɨ ni yoyi hɨn̰: «Kɛ, na kɨya wa ma man̰ dɔsɔŋ gɨlɨn̰ wo̰ ga?»

1 Tesalonigɨ 5:3

Kɨɗɨn̰ ga kalaŋ kɨya sɔmɛge yɔɔge hɨn̰: «Gusi-dɔbɛ woy bɨ, kɔl unɔ bɨ», ɨni na kɨɗɨn̰di ga nee gaŋ le bɨ mundoŋ kɨya andaŋ dus cayge gɨlɨn̰a na hɨn̰ wɔɔ gɨ ay te lɔɔ tama wo̰. Lɔɔ gɨ kan kɨya ɓale andaŋ kɨbɨ nee naŋ.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.