Magtubu di Pol wal bɨn̰ kalaŋ ga Rɔm 2:29 - Gabri Maja

²⁹ Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

Magtubu di Pol wal bɨn̰ kalaŋ ga Rɔm 2:29 ပူးပေါင်းရင်းမြစ်များ

Kɔl-gɨ-Ɗari gɨ Lug wal 11:39

Ba-gulondɨna ba sol ɨrɨmedi hɨn̰ wo̰ na yeyi hɨn̰: «Kɨŋ Parɨsɨn̰an̰əŋ le kɨŋ pɨl kardi kobo kagɨŋ ga ni son̰ kaŋ bɨ, kɔjɛ kagɨŋ ga ni don̰ hɨnga bɨ, arɨn̰ cərərə, ama tabɨlaŋdi hase bɨ, kuduroy ɨndɨwa bɨ, walɨn̰ kuduroygɨŋ daa jɨŋ jɨŋ.

Kɔl-gɨ-Ɗari gɨ Lug wal 17:21

Ungo kɨya ɓale yɔ hɨn̰: “Sɨla! Hɨndi ba kɛ” naŋ le “hɨndi ba nii” naŋ. Sɨlagɨŋ kuɗa gɨ dɔɔ-ƴaa di da Kumu woy a duroy gɨŋ.»

Kɔl-gɨ-Ɗari gɨ Ja̰ wal 12:43

Kɨya wa kan geyge mɨlawe gɨ da kalaŋ, ɗɨn̰ mɨlawe gɨ sayga a gusi Kumu.

Kɔl-gɨ-Ɗari gɨ Ja̰ wal 4:23

Ama wɔlɛ gɨ hɨrɨwa tɨlga nee bɨ, wɔlɛdi le ay toy ɨni bɨ. Boy wɔlɛdi gɨ nee le, ka-n̰ɨre Bayna Kumu ga cɨndi le kɨya n̰ɨriige dan̰ gɨyəŋ gɨ da Turnɔ bɨ, kɔl gɨ cɨndi bɨ. Kɨya wa na ka-n̰ɨre ga hɨn̰ wo̰ le ma Bayge Kumu geyge.

Kɔl-gɨ-Ɗari gɨ Ja̰ wal 5:44

Kɨŋ ga kɨŋ gey wɔɔ gusoŋ-tɔgɛ gɨ sayga gusi kamdɨgɨŋ, ama kɨŋ mala gusoŋ-tɔgɛ gɨ sayga gusi Kumu pɨna ɗɔɔ ƴɔbɨ naŋ le, kɛ kɨŋ kɨya bɔgɛ kuduroyigɨŋ cay nee na mɨna ga?

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 2:27

Ungo gɨ walayige ban̰a a kuyoŋdi-gusi gɨŋ naŋ, ama ɨre a cay gasɨn̰-kɔl gɨŋ le, kɨya bɔyɛ kɔl can̰ ji-bandi gɨ ni Jubɨ gɨ ɨr a cay gasɨn̰-kɔl gɨŋ naŋ. Kɨya wa kan walɨn̰ge ban̰a hage bɨ, ji orɨn̰ dan̰ gasɨn̰-kɔl gɨ walge a duroy magtubu dɨŋ han̰ bɨ, ama ji hangɨɗɨ cayi.

Magtubu di Pol wal bɨn̰ kalaŋ ga Rɔm 3:1

Naa hɨn̰ wo̰ na, kɛ na wa ma Jubɨn̰əŋ wayge ɗɨn̰ kalaŋ ga ɗaŋ ga na Jubɨn̰əŋ naŋ le ga? Kɛ wale ban̰a le ɗarwado na wa ga?

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

1 Korɛ̰t 7:19

Hɨn̰ gɨ ungo na wala ban̰a, naŋ le na wala ban̰a kalɨn̰ ma, hɨnga ga nee le kɨya lɔɔ hɨnga naŋ. Hɨnga ga ojɨ gɨ ban kɨya kɔbɛ na, na te tumɔ da Kumu.

2 Korɛ̰t 10:18

Na cɨndi ungo gɨ Ba-gulɔŋ Kumu hɨramii le, ban ba-ƴɔɔ cɨn̰ Kumu. Ama ungo gɨ hɨram gusi koyi gaŋ le, ƴa cɨn̰ Kumu naŋ.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

1 Pɨyɛr 3:4

Ama ɗagɨŋ gɨ majɨme togɨŋ saya na a kuduroygɨŋ. Majɨme di sayga a kuduroygɨŋ le ba kɛ: Kaledi ungo gɨ jal bɨ, ɨrɨme gɨ woy kɨɗɨn̰ pɨna bɨ. Kɨya wa lɔɔ hɨnga ga hɨn̰ wo̰ le, na majɨme di kɨledo ɗɨn̰ cɨn̰-kɨɗɨn̰ a cɨn̰ Kumu.