Magtubu di Pol wal bɨn̰ kalaŋ ga Rɔm 2:25 - Gabri Maja

²⁵ Na cɨndi, hɨn̰ gɨ ji na ɨr a cay gasɨn̰-kɔl gaŋ na, wale ban̰a na hɨnga ga ɗari. Ama hɨn̰ gɨ ji na hangɨɗa cay gasɨn̰-kɔl na, wale ban̰a ton̰ na hɨnga ga kalɨn̰ wo̰ dugo.

Magtubu di Pol wal bɨn̰ kalaŋ ga Rɔm 2:25 ပူးပေါင်းရင်းမြစ်များ

Gɨye-lɔɔ 7:51

Bɨ Etɛn ye ɗaŋ coŋ ye hɨn̰: «Kɨŋ ka-cay osɨwa, ɗugoygɨŋ bɨ, sɨmaygɨŋ bɨ, lugdəŋ daa. Kɨŋ na ka-geye kɔl gɨ da Turnɔ ɗe-kuduroy-bɛrɛ naŋ dan̰ wɔlɛ pɨna pɨna. Kɨŋ gɨlɨn̰ hɨn̰ mon̰iigɨŋ wo̰ dɛj dɛj.

Magtubu di Pol wal bɨn̰ kalaŋ ga Rɔm 2:13

Kalaŋ ga woyge dan̰ durɔ ɗɨngar tumoyi Kumu le, na kan ga ka-jɔɔ gasɨn̰-kɔl ga kɛ le dan̰ sɨmayge ƴɔbɨ naŋ, ama kalaŋ ga woyge dan̰ durɔ ɗɨngar le, na kan ga ka-lɔɔ hɨnga ga gasɨn̰-kɔl ojɨ.

Magtubu di Pol wal bɨn̰ kalaŋ ga Rɔm 2:23

Ji gɨ ji de jorgɨn̰ kɨya cay gasɨn̰-kɔl le na kɨya wa man̰ hangɨɗɨ cay gasɨn̰-kɔl mondɨn̰ guson̰ Kumu ga?

Magtubu di Pol wal bɨn̰ kalaŋ ga Rɔm 2:26

Hɨn̰ gɨ ungo gɨ na walayige ban̰a naŋ na ɨr a cay gasɨn̰-kɔl gaŋ na, Kumu kɨya solii hɨn̰ ungo gɨ ba wale ban̰a ƴɔbɨ.

Magtubu di Pol wal bɨn̰ kalaŋ ga Rɔm 2:27

Ungo gɨ walayige ban̰a a kuyoŋdi-gusi gɨŋ naŋ, ama ɨre a cay gasɨn̰-kɔl gɨŋ le, kɨya bɔyɛ kɔl can̰ ji-bandi gɨ ni Jubɨ gɨ ɨr a cay gasɨn̰-kɔl gɨŋ naŋ. Kɨya wa kan walɨn̰ge ban̰a hage bɨ, ji orɨn̰ dan̰ gasɨn̰-kɔl gɨ walge a duroy magtubu dɨŋ han̰ bɨ, ama ji hangɨɗɨ cayi.

Magtubu di Pol wal bɨn̰ kalaŋ ga Rɔm 2:28

Leen̰ cɨndi na, ungo gɨ ni Jubɨ gɨ hɨnde le, na hɨnga ga ungo kɨya sɔlɛ a gusi doŋ ba kɨya lɔɔ gɨ ban naa Jubɨ naŋ. Bɨ wale ban̰a di leen̰ cɨndi le, na wale gɨ da kuyoŋdi-gusu naŋ bɨ.

1 Korɛ̰t 7:19

Hɨn̰ gɨ ungo na wala ban̰a, naŋ le na wala ban̰a kalɨn̰ ma, hɨnga ga nee le kɨya lɔɔ hɨnga naŋ. Hɨnga ga ojɨ gɨ ban kɨya kɔbɛ na, na te tumɔ da Kumu.

Galad 6:13

Kan ga na kalaŋ ga walge ban̰a kalɨn̰ ma, bɨgage kɔl a cay gasɨn̰-kɔl gaŋ nɔm dan̰ gɨyəŋdi naŋ. Ama, kan geyge gɨ kɨŋ na wala ban̰a age na den̰ jorgɨyge, kɨya cay hɨnga ga kɨŋ ba lee le.

Galad 6:15

Na toy di hɨn̰ wo̰ ma, wale ban̰a wala, wale ban̰a naŋ kalɨn̰ ma, laa hɨnga naŋ. Ama hɨnga ga kuɗa tɔgɨ na, ojɨ gɨ waŋ waŋ kalɨn̰ ma na andaŋ a boy-sɔmɛ-bɨra gɨ hɨrɨwa gɨŋ.