Magtubu di Pol wal bɨn̰ kalaŋ ga Rɔm 2:10 - Gabri Maja

¹⁰ Ama kalaŋ ga ka-lɔɔ hɨnga ga ɗari le, Kumu kɨya bɨge gusoŋ-tɔgɛ bɨ, aye cayge daa bɨ, gusi-dɔbɛ bɨ. An̰ toy a cay wase cay kalaŋ ga toyge na Jubɨ pa dɨm ma kɨya andɨn̰ a cay kalaŋ ga toyge na Jubɨ naŋ ƴee.

Magtubu di Pol wal bɨn̰ kalaŋ ga Rɔm 2:10 ပူးပေါင်းရင်းမြစ်များ

Matɨyo 10:13

Hɨn̰ gɨ kalaŋ ga duroy ƴaa di nee le na kuɗudaŋge na, ɗa gɨ gusi-dɔbɛ togɨŋ baa danage, ama kan naa kalaŋ ga kuɗudaŋge naŋ na, ɗa gɨ gusi-dɔbɛ togɨŋ jɨga wayagɨŋ.

Kɔl-gɨ-Ɗari gɨ Lug wal 1:79

Ɗe asɨn̰ kalaŋ ga somge duroy dɨlɨm dɨŋ bɨ, Ga somge kɨbɨ tɨma dɨŋ bɨ. Kɨya dorɨn̰ tumoynagɨŋ a gɨyəŋ Di gusi-dɔbɛ gɨŋ bɨ.»

Kɔl-gɨ-Ɗari gɨ Lug wal 12:37

Gɔyɔŋ ga ba-ƴaadɨge na jɨge wayage te sɔmɛ-bɨra na, tumoy wolwa kɨya wɔyɛ kol cayge! Aŋ yəgɨŋ daa waŋ na cɨndi: Ban kɨya dɔbɛ badɨge kayi ga ni gɨye bɨ, bɨge kɨɗɨn̰ somɨn̰ kɨbɨ dɔɔ gɨŋ bɨ, sɔɔ bɨge dɔɔ bɨ.

Kɔl-gɨ-Ɗari gɨ Lug wal 19:42

Bɨ ban ye hɨn̰: «Hɨn̰ gɨ labɨde, me ni na sɨla hɨnga ga kɨya bɨne gusi-dɔbɛ na, kɨya kuɗa tɔgɨ. Ama haw kɛ na hɨnga ga me kɨya lɔɔ unɔ. Kɨya gɨ hɨnga ga nee le wosɨ gusɨge.

Kɔl-gɨ-Ɗari gɨ Lug wal 22:14

Kɨɗɨn̰ ga tɨwa di ɓal ɨni na, Jesu say som kɨbɨ dɔɔ gɨŋ dan̰ ka-gɨre-gɨye kayi ga danayi.

Kɔl-gɨ-Ɗari gɨ Lug wal 9:48

bɨ ban yege hɨn̰: «Waŋ waŋ gɨ na ƴɨma kɨye gɨ n̰əŋ hɨn̰ gɨ kɛ le gusi dan̰ gusoŋnɨ na, ban ƴɔmɔŋ na ɨŋ-bandi gusii bɨ, waŋ waŋ gɨ na ƴɨmaŋ ɨŋ-bandi gusii na ƴom na ban gɨ ba gɨygəŋ gusii bɨ. Ɨni na, sɨlagɨŋ ungo gɨ n̰əŋ duroygɨŋ nɔm na, ban ma na gɨ gumu.»

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 10:35

Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.»

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 2:9

Kumu kɨya ɗɔɔ hɨnga ga ni dɔsɛ-ɗugɔ bɨ, ga osɨdəŋ osɨdəŋ bɨ, andaŋ a cay ungo gɨ ani ani gɨ ba-lɔɔ ɨsɨna. An̰ toy a cay wase cay kalaŋ ga toyge na Jubɨ pa dɨm ma kɨya andɨn̰ a cay kalaŋ ga toyge na Jubɨ naŋ ƴee.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

Magtubu di Pol wal bɨn̰ kalaŋ ga Rɔm 9:21

Kɛ, ba-gaɗe ɨmbɨlɨn̰ ɨran̰ dan̰ dɔnɔ a cay gun̰u naŋ ga? Dan̰ te gun̰u gɨ pɨna hayi gɨ nee le na, ban gaɗɨn̰ ɨmbɨlɨn̰ gɨ ni leen̰ gɨye gɨ woy dan̰ cɨndi bɨ, ɨmbɨlɨn̰ gɨ ni leen̰ gɨye gɨ dan̰ wɔlɛ pɨna pɨna bɨ.

Magtubu di Pol wal bɨn̰ kalaŋ ga Rɔm 9:23

Kumu gey gɨle kandi-wɔɔ ga da gusoŋ-tɔgɛ koyi gɨ lee hundɔrɔ a gusi kan ga ban sol cɨn̰-n̰age toge, ga ban ƴom cay tɨbayige na jɨne hayi ɗe kan na andɨn̰ge a boy gusoŋ-tɔgɛ koyi gɨŋ le.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Pilib 4:7

Ɨni na, Kumu kɨya bɨgɨŋ gusi-dɔbɛ gɨ ɗɨn̰ ɨrɨme kɔl gɨ da kalaŋ. Gusi-dɔbɛ gɨ nee le ba kɨya game ɗugoygɨŋ bɨ, ɨrɨmedɨgɨŋ bɨ, a te bugoŋ pɨna dan̰ Jesu-Kɨris.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

Əbɨro 2:7

Ji jɨgan̰ danayi dugo lee gɨ ka-ƴɔbɛ ga daa, Ɗiige dan̰ dɔnɔ dḛ. Ji dobii jagɨwa ga ni gusoŋ-tɔgɛ bɨ, Jagɨwa ga ni hurɔmɔ cayi bɨ.

Magtubu di Jag wal 2:22

Sɨlagɨŋ, aye kudurɔ koyi bugoŋ pɨna dan̰ gɨye-lɔɔdi gɨ ban lee. Na kɨya gɨye-lɔɔdi gɨ ban lee dɨm ma, aye kudurɔ koyi duroŋ dan̰ durɔ cɨrɛɗ ƴee.

Magtubu di Jag wal 3:13

Kɛ na waŋ duroygɨŋ ma na ungo gɨ tɨdi hangaŋ bɨ, muɗol bɨ ga? Kuɗa gɨ ban gɨl hɨnga ga nee le, dan̰ gɨye-lɔɔdi gɨ kuɗa bɨ, dan̰ gɨye-lɔɔdi gɨ or dan̰ durɔ kuɗa bɨ, dan̰ gɨye-lɔɔdi gɨ da kale di gɨ jal jɔm bɨ, dan̰ cɨn̰-muɗɔlɛ koyi gɨ sayga a daa nii le cɨn̰ kalaŋ.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.