Magtubu di Pol wal bɨn̰ kalaŋ ga Rɔm 16:26 - Gabri Maja

²⁶ Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 16:26 ပူးပေါင်းရင်းမြစ်များ

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Magtubu di Pol wal bɨn̰ kalaŋ ga Rɔm 1:2

Kɔl-gɨ-Ɗari gɨ nee le, naa Kumu ye koldi na jɨne hayi, dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ gɨ walge a duroy Magtubu di da Kumu dɨŋ.

Magtubu di Pol wal bɨn̰ kalaŋ ga Rɔm 1:20

Ungo sɨla Kumu dan̰ tɨdi cay pɨna naŋ, ama an̰ toy jɨne ɓɨrag a te ɗɔɔ gɨ da cay gɨsəŋ le, dɔnɔ toyi di woy dan̰ tumɔɔ bɨ, Kumu gusi bɨ le, woy cɨn̰ tɨwa dɨŋ ɗen̰ ɗen̰ dan̰ gɨyəŋ gɨ da hɨnga se kayi. Na toy di hɨn̰ wo̰ ma, kɨɗɨn̰ ga ni an̰ jɨba unɔ ɨni.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 15:18

Na cɨndi, hɨn̰ gɨ ɨŋ na mala yɔɔ kɔl a cay hɨnga na, na a cay hɨnga ga Kɨris lee kol canɨ ƴɔbɨ, ma maŋ kɨya yɔɔ kɔl cay nee. Dan̰ gɨyəŋ hɨnge na, ban lee gɨ kalaŋ ga toyge na Jubɨ naŋ jege kɔl kɨbɨ Kumu. Ban lee hɨnga ga nee le na dan̰ kɔl bɨ gɨye bɨ,

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

Magtubu di Pol wal bɨn̰ kalaŋ ga Rɔm 3:21

Ama haw kɛ na, Kumu wasɨn̰ gɨyəŋ gɨ ban bɨlɨn̰ kalaŋ leen̰ kalaŋ ga dan̰ durɔ ɗɨngar a cɨndi dɨle gasɨn̰-kɔl. Gɨyəŋ gɨ nee le gasɨn̰-kɔl gɨ da Moyis bɨ, magtubu da ka-yɔɔ-kɔl-gɨ-Kumu-ba-yɔɔ bɨ, naa leege tɨmon̰di.

Galad 3:8

Magtubu di da Kumu ye koldi tumɔ ye gɨ Kumu na kɨya lɔɔ ɗe gɨ kalaŋ ga toyge na Jubɨ naŋ, naa kɨya bɨləŋge kalaŋ ga dan̰ durɔ ɗɨngar, kɨya cay aye gɨ kan ayge kuduroyge. Na toy di hɨn̰ wo̰ ma, Magtubu di da Kumu di nee le, tee bɛrnɛ di da kɔl-gɨ-ɗari gɨ nee le tumɔ bɨn̰ Abɨraham yey hɨn̰: «Kɨya can̰ na, te wɔɔ gɨ da kalaŋ nɔm ga a cay gɨsəŋ gaŋ, kɨya wɔɔge tɔrɛ-kɨbɨ.»

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

Kɔlɔs 1:26

Kɔl gɨ nee le na hɨnga ga woy kɨɗɨn̰ wɔsɛdɨge gaŋ ga Kumu gam kɨɗɨn̰ wɔsɛdɨge gaŋ ɨlge dan̰ ɨlge le. Haw kɛ ban lee gɨ cɨn̰ kan ga woyge dan̰ cɨndɨge hangaŋ cay nee.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

2 Timote 1:10

A boy tɨwa di na ba somɨn̰gɨŋ nee haw kɛ le, ban gɨl ɗarwa toyi dan̰ caga gɨ da ungo gɨ ba-poɗɨnagɨŋ. Ban na Jesu-Kɨris. Jesu mondɨ dɔnɔ da tɨma coŋ dan̰ gɨyəŋ gɨ da Kɔl-gɨ-Ɗari. Ban haŋgɨ cay sɔmɛ-bɨra gɨ kɨya mundoŋ naŋ.

Əbɨro 13:8

Jesu-Kɨris woy ban̰di dɨŋ nagɨni bɨ, labɨde bɨ, ban kɨya sɔmɛ ban̰di dan̰ tumoyi bɨ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 1:17

Kɨɗɨn̰ ga ɨŋ sɨlga ungo gɨ nee le ɨni na, ɨŋ ba dugo tɨbayi hɨn̰ ungo gɨ ma wo̰. Ban dɨbɨ kobi gɨ bara a canɨ bɨ ye hɨn̰: «Hundɔrɔ naŋ. Ɨŋ na gɨ cay wase bɨ gɨ karu gɛs bɨ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»