Magtubu di Pol wal bɨn̰ kalaŋ ga Rɔm 16:25 - Gabri Maja

²⁵ Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 16:25 ပူးပေါင်းရင်းမြစ်များ

Matɨyo 13:17

Aŋ yəgɨŋ daa waŋ na cɨndi: Ka-yɔɔ-kɔl-gɨ-Kumu-ba-yɔɔ dan̰ kondɨwayge bɨ, kalaŋ ga gɨye-lɔɔdɨge or dan̰ durɔ ɗɨngar dan̰ kondɨwayge bɨ, geyge age na sol hɨnga ga kɨŋ ba sol kɛ le, ama kan sɨlage naŋ. Kan geyge age na je kɔl gɨ kɨŋ ba je kɛ le, ama kan jage naŋ bɨ.

Matɨyo 13:35

Ban lee hɨnga hɨn̰ wo̰ na gɨ, ɗe gɨ kɔl gɨ da ba-yɔɔ-kɔl-gɨ-Kumu-ba-yɔɔ gɨ kɛ le na or kɨɗɨn̰di gaŋ: «Ɨŋ kɨya haŋge kɨbɨnɨ yon̰ kɔl danage na dan̰ kɨradi-kɔl. Hɨnga ga kan wosɨ cayge ayɨn̰ toy gɨ ɗen̰ge gɨɗɨgɨ-Kumu dan̰ cay gɨsəŋ le, Ɨŋ kɨya tɔgɛ bɛrnɛ cay nee.»

Matɨyo 20:7

Ɨni na, kan dɨbiige cay nee yeyige hɨn̰: Na kɨya gɨ ungo dɨnani gɨye gɨŋ naŋ.» Ɨni na, ban yege hɨn̰: «“Naa hɨn̰ wo̰ na, ɨragɨŋ lɔɔ gɨye duroy yagedi suru tɨnge dɨŋ.”

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 14:4

Kɛ, ji-bandi, ji na waŋ ma man̰ kɨya bɔyɛ kɔl a cay marɨna ba lɔɔ gɨye gɨ ji na ba-gulondi naŋ le ga? Hɨn̰ gɨ marɨna ba-gɨye le, na ƴɨma gusi usa kɨbɨ gɨye gɨŋ wala, na ba dugo kalɨn̰ ma, dɨlan̰ naŋ, kɨya wa na kɔl gɨ da ba-gulondi. Ama ban kɨya ƴɔmɛ gusi osɨwa kɨya wa Ba-gulɔŋ orɨn̰ dan̰ dɔnɔ di ni lɔɔ gɨ ban na ɨrɨn̰ daa kalɨn̰.

Magtubu di Pol wal bɨn̰ kalaŋ ga Rɔm 16:24

[Ɗa gɨ ɗarwa di da Ba-gulondɨna Jesu-Kɨris baa danagɨŋ nɔm. Ɗa-ɗe-woy-hɨn-wo̰.]

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

1 Korɛ̰t 4:1

Naa hɨn̰ wo̰ na, kuɗa gɨ kɨŋ sɨlani laan̰ marɨne ka-gɨye ga da Kɨris bɨ, laan̰ kalaŋ ka-sɔlɛ kardi hɨnga ga da Kumu ga woy kɨɗɨn̰ wɔsɛdɨge gaŋ bɨ.

2 Korɛ̰t 4:3

Ama hɨn̰ gɨ hɨnga na tɨla cɨn̰ Kɔl-gɨ-Ɗari gɨ ni ba tee bɛrnɛdi le na, tol na cɨn̰ kan ga kɨya kayaŋge a te gɨyəŋ gɨŋ coŋ.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Galad 2:2

Na kɨya cay andaŋ gɨ Kumu andaŋ canɨ, ma maŋ orɨn̰ Jerusalɛm le. Kɨɗɨn̰ ga ɨŋ bugoŋ na, ɨŋ dor te Kɔl-gɨ-Ɗari gɨ ɨŋ ba tee bɛrnɛdi bɨn̰ kalaŋ ga toyge na Jubɨ naŋ le, ɗe tumoy ka-dɔrɛ tumoy kalaŋ ga gɨmdəŋ kan̰dɨge. Ɨŋ lee hɨn̰ wo̰ na ɗe gɨ gɨye gɨ ɨŋ lee tumɔ bɨ, gɨ ɨŋ ɨre gɨre koldi haw kɛ bɨ le, ɗe na da ban̰ gusɨnɨ naŋ.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 3:11

Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm.

Epɛs 3:9

Kumu gɨ ba ɗɔɔ hɨnga nɔm ƴom hɨnga ga woy kɨɗɨn̰ wɔsɛdɨge gaŋ le, wosɨge boy ɨrɨmedi gɨŋ na jɨne hayi. Ban gɨyəŋ na ɗe gɨ ɨŋ na dɨran̰ te gɨyəŋdi hɨnga ga woy kɨɗɨn̰ wɔsɛdɨge gaŋ ga Kumu lee le, ɗe arɨn̰ cərərə bɨn̰ kalaŋ.

Epɛs 6:19

Ɨŋ-bandi kalɨn̰ ma, ulagɨŋ Kumu kol canɨ bɨ, ɗe Kumu ɗe kɔl gɨ dan̰ gɨyəŋdi kɨbɨnɨ, ɗe aŋ teen̰ bɛrnɛ Kɔl-gɨ-Ɗari gɨ woy kɨɗɨn̰ wɔsɛdi gɨŋ gɨ Kumu haŋgɨ cayi le, dɨle hundɔrɔ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

Kɔlɔs 4:3

Ulayigɨŋ kol cayni bɨ. Ulagɨŋ Kumu ɗe haŋgɨ gɨyəŋ gɨ da tɔgɛ bɛrnɛ a tumoyni ɗe ani teen̰ bɛrnɛ gɨ da hɨnga ga woy a kɨɗɨn̰ wɔsɛdɨge gaŋ ojɨn̰ cay Kɨris, gɨ ɨŋ won̰ dangay dɨŋ koldi le bɨn̰ kalaŋ.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

2 Tesalonigɨ 2:14

Kumu təgɨŋ na kɨya pɔɗɛ gɨ nee le dan̰ gɨyəŋ gɨ da Kɔl-gɨ-Ɗari koni gɨ ni tee bɨgɨŋ, ɗe agɨŋ na wan̰ gusoŋ-tɔgɛ gɨ da Ba-gulondɨna Jesu-Kɨris.

2 Tesalonigɨ 3:3

Ama Ba-gulɔŋ le, na ba ɨre a cay tɨbay dɨŋ. Ban kɨya lɔɔ gɨ kɨŋ kɨya orɨn̰ dan̰ tɔgɨ bɨ, kɨya amgɨŋ ɗe Haban̰ Ba-lɔɔ ɨsɨna ay banga caygɨŋ naŋ bɨ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Timote 2:8

Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

Wasɨn̰a 10:7

Ama wɔlɛ gɨ ba-ƴɔbɛ gɨ daa nii gɨ cay jurgumdɨge kɨya aye te lɨme burun̰ji na, Kumu kɨya dɨɗe kɨbɨ hɨnga ga kuduroyi ojɨ ga woy a kɨɗɨn̰ wɔsɛdɨge gaŋ, hɨn̰ gɨ tumɔ ban ba teen̰ bɛrnɛdi bɨn̰ marɨne ka-lɔɔ gɨye kayi ga na ka-yɔɔ-kɔl-gɨ-Kumu-ba-yɔɔ le!»