Magtubu di Pol wal bɨn̰ kalaŋ ga Rɔm 16:20 - Gabri Maja

²⁰ Baa mɨnde gɨ Kumu gɨ ba-bee gusi-dɔbɛ kɨya rade cay Sidan a te tɨbayigɨŋ dɨŋ dugo. Kuɗa gɨ ɗarwa di da Ba-gulondɨna Jesu baa danagɨŋ.

Magtubu di Pol wal bɨn̰ kalaŋ ga Rɔm 16:20 ပူးပေါင်းရင်းမြစ်များ

Matɨyo 4:10

Ɨni na, Jesu jɨga yoo hɨn̰: «Sa coŋ, Sidan! Kɨya wa magtubu gasɨn̰-kɔl gɨ da Kumu ye hɨn̰: “Na Ba-gulɔŋ Kumu pɨna hayi kəɗ kəɗ ma mɨn̰ kɨya n̰ɨrii bɨ, lɔɔ gɨye bii bɨ.”»

Kɔl-gɨ-Ɗari gɨ Lug wal 10:19

Sɨlagɨŋ! Ɨŋ bɨgɨŋ dan̰ dɔnɔ di ni ɗɔdɨrɨn̰ cay kari dan̰ ɗɨsɨni dugo bɨ, ɨŋ bɨgɨŋ dan̰ dɔnɔ di ni ɗorin̰ cay ɗe-baadɨgɨŋ Sidan dugo bɨ. Hɨnga pɨna ga ɨsɨni ga kɨya loogɨŋ unɔ bɨ.

Magtubu di Pol wal bɨn̰ kalaŋ ga Rɔm 15:33

Kuɗa gɨ Kumu gɨ ba-bee gusi-dɔbɛ baa danagɨŋ nɔm. Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 16:23

Gayus gɨ ba ƴɔmɔŋ ɨŋ-bandi Pol tɨrga tayi bɨ, ba ƴɔmɛ Ka-Daye nɔm bɨ, ləgɨŋ lapɨya bɨ. Erasɨ gɨ ba-game gursu di da cay ƴaa-di-gumu bɨ, kurɨndɨna Kartus bɨ, ləgɨŋge lapɨya bɨ.

Magtubu di Pol wal bɨn̰ kalaŋ ga Rɔm 16:24

[Ɗa gɨ ɗarwa di da Ba-gulondɨna Jesu-Kɨris baa danagɨŋ nɔm. Ɗa-ɗe-woy-hɨn-wo̰.]

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 16:23

Ɗa gɨ Ba-gulɔŋ Jesu laa ɗarwa danagɨŋ.

Galad 6:18

Karmɨnɨ ga ban̰aŋ dan̰ ga kandɨ, ɗa gɨ ɗarwa di da Ba-gulondɨna Jesu-Kɨris baa danagɨŋ bɨ, baa dan̰ turnoygɨŋ bɨ. Ɗa-ɗe-woy-hɨn̰-wo̰.

Pilib 4:23

Kuɗa gɨ Ba-gulɔŋ Jesu-Kɨris laa kuduroy-ɗarwa danagɨŋ bɨ, baa dan̰ turnoygɨŋ bɨ.

1 Tesalonigɨ 5:28

Kuɗa gɨ Ba-gulɔŋ Jesu-Kɨris laa kuduroy-ɗarwa danagɨŋ bɨ.

2 Tesalonigɨ 3:18

Kuɗa gɨ ɗarwa di da Ba-gulondɨna Jesu-Kɨris baa danagɨŋ nɔm.

2 Timote 4:22

Kuɗa gɨ Ba-gulɔŋ baa dan̰ turnon̰ bɨ, kuɗa gɨ ɗarwa di da Kumu baa danagɨŋ nɔm bɨ.

Pilemo 1:25

Kuɗa gɨ Ba-gulɔŋ Jesu-Kɨris laa ɗarwa danagɨŋ.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

Wasɨn̰a 12:10

Kardi nee na, ɨŋ je noy ungo ye dan̰ togii a gɨɗɨgɨ-Kumu gɨŋ hɨn̰: «Tɨwa di ni pɔɗɛ bugoŋ ɨni bɨ, Tɨwa di Kumu kɨya gɨlɨn̰ dɔnɔ bugoŋ ɨni bɨ, Tɨwa da dɔɔ-ƴaa toyi bugoŋ ɨni bɨ. Na tɨwa di dɔnɔ woy na kobɨ Kɨris. Na hɨn̰ wo̰ ma, ungo gɨ ba dɨbe kɔl A cay karmiinagɨŋ, Ga ban̰aŋ dan̰ ga kandɨ le Nongɨliige a gɨɗɨgɨ-Kumu gɨŋ, Dɨbiige dugo coŋ. Ban gɨ ba dɨbe kɔl a cayge, Duroy son̰do dan̰ tɨwa di ɨni, Tumoy Kumu konagɨŋ le.

Wasɨn̰a 22:21

Kuɗa gɨ Ba-gulɔŋ Jesu laa ɗarwa danagɨŋ nɔm.