Magtubu di Pol wal bɨn̰ kalaŋ ga Rɔm 16:2 - Gabri Maja

² Ƴɨmaagɨŋ gusɨgɨŋ dan̰ guson̰ Ba-gulɔŋ bɨ, laagɨŋ tɨrga hɨn̰ gɨ ba ojɨ gɨ ni lɔɔ dan̰ kalaŋ ga woyge dan̰ cɨndɨge wo̰ bɨ. Jɨbgɨŋ tɔɔ a bon̰ hɨnga nɔm ga hɨndi orɨn̰ dan̰ n̰agedɨge a gusɨgɨŋ, kɨya wa hɨndi kalɨn̰ ma jɨbɨ te kalaŋ dan̰ kondiige bɨ, ɨŋ-bandi kalɨn̰ ma hɨndi jɨbɨ tonɨ bɨ.

Magtubu di Pol wal bɨn̰ kalaŋ ga Rɔm 16:2 ပူးပေါင်းရင်းမြစ်များ

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Gɨye-lɔɔ 9:13

Ananɨyas jɨga dɨbii cay nee ye hɨn̰: «Ba-gulɔŋ, kalaŋ kondɨ yəŋge kol hɨnga nɔm ga ungo gɨ nee le lee bɨ, yege gɨ ban na leen̰ kalaŋ kan̰ ga woyge dan̰ cɨndɨge ɨsɨna tɔgɨ a cay ƴaa-di-gumu di Jerusalɛm dɨŋ bɨ.

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Gɨye-lɔɔ 9:39

Kɔl gɨ kɨbɨna kɛ bɨ, Pɨyɛr say or danage. Kɨɗɨn̰ ga kan bugoŋge ɨni na, kan orɨn̰ge danayi duroy ƴaa di woy a cay mɨgaa dɨŋ le. Kandɨ ga kodɨn̰ige ma ɨrgage nɔm gusi dan̰ ɨle. Kan gɨliige gumɔjɨn̰əŋ dan̰ gɔdɔŋn̰əŋ ga Dorkas cogɨn, kɨɗɨn̰ ga hɨndi ban̰ dan̰ cɨndo duroyge le.

Gɨye-lɔɔ 9:41

Bɨ Pɨyɛr dobɨ kobi boo bɨ ƴɔmɔɔ daa. Ban tee te kalaŋ ga woyge dan̰ cɨndɨge bɨ, kandɨ ga kodɨn̰ige ma bɨ, gɨlge Tabita di som dan̰ cɨndo le.

Magtubu di Pol wal bɨn̰ kalaŋ ga Rɔm 15:7

Naa hɨn̰ wo̰ na, kuɗa gɨ waŋ waŋ kalɨn̰ ma ƴɨma kurɨndi a gusi, hɨn̰ gɨ Kɨris ba ƴomnagɨŋ a gusi wo̰ bɨ, ɗe Kumu wan̰ gusoŋ-tɔgɛ.

Magtubu di Pol wal bɨn̰ kalaŋ ga Rɔm 16:15

Laan̰gɨŋ Pilologɨ dan̰ Juli dan̰ Nere bɨ, tɨmdi dan̰ Olimpas dan̰ kan ga woyge dan̰ cɨndɨge nɔm ga somge danage, lapɨya bɨ.

Magtubu di Pol wal bɨn̰ kalaŋ ga Rɔm 16:23

Gayus gɨ ba ƴɔmɔŋ ɨŋ-bandi Pol tɨrga tayi bɨ, ba ƴɔmɛ Ka-Daye nɔm bɨ, ləgɨŋ lapɨya bɨ. Erasɨ gɨ ba-game gursu di da cay ƴaa-di-gumu bɨ, kurɨndɨna Kartus bɨ, ləgɨŋge lapɨya bɨ.

Magtubu di Pol wal bɨn̰ kalaŋ ga Rɔm 16:6

Laan̰gɨŋ Mari di gɨlal gɨɗaŋ kol caygɨŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 16:9

Laan̰gɨŋ Urbɛ̰ lapɨya bəŋ bɨ. Ban na mɨganɨ ba-lɔɔ gɨye a te bugoŋ pɨna dan̰ Kɨris gɨŋ bɨ. Laan̰gɨŋ Sɨtakis gɨ ɨŋ lee-toyi lapɨya bɨ.

Epɛs 5:3

Haw kɛ na, kɨŋ na kalaŋ ga kɨŋ woy dan̰ cɨndɨgɨŋ ɨni, ɗɔɔ gɨ yɔyɛ dan̰ gangɨ caygɨŋ, naŋ le lɔɔ hɨnga ga ni dasi, naŋ le lɔɔ te gursu le, ungo tɔgɛ gusondɨge duroygɨŋ naŋ ɨni.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 2:29

Na toy di hɨn̰ wo̰ ma, kuɗa gɨ kɨŋ ƴɨmayi gusɨgɨŋ dan̰ gusi-mɔwa gɨɗaŋ dan̰ guson̰ Ba-gulɔŋ. Aŋ yəgɨŋ, kalaŋ ga hɨn̰ wo̰ le, kuɗa gɨ kɨŋ bɨge hurɔmɔ.

Kɔlɔs 4:10

Kurɨndɨna Aristarg dan̰ Marg ga woyge dangay dɨŋ danaŋ le ləgɨŋge lapɨya. Barnabas, gɨlmii, ban gɨ ɨŋ ba yəgɨŋ kɔl gɨ ojɨ cayi tumɔ le. Hɨn̰ gɨ ban na bugoŋ na ƴɨmayigɨŋ gusɨgɨŋ kuɗa.

1 Timote 2:10

Ama kuɗa gɨ kan gɨl kambɨladɨge dan̰ gɨye-lɔɔ gɨ kuɗa, hɨn̰ kandɨ ga gɨye-lɔɔdɨge bugoŋ pɨna dan̰ Kumu wo̰.

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

Titɨ 2:3

Yan̰ kandɨ ga esɨdəŋ kalɨn̰ ma, kuɗa gɨ gɨye-lɔɔdɨge na bugoŋ pɨna dan̰ gɨye-lɔɔ gɨ da kandɨ ga woyge dan̰ cɨndɨge bɨ. Kuɗa gɨ kan yɨle kɨɗɨn̰ naŋ bɨ, bɨləŋ gɔyɔŋ ga da cɛrɛ di suru naŋ bɨ. Ama ɗe gɨ kan gɨlɨn̰ kalaŋ hɨnga ga ɗari.

Pilemo 1:12

Ɨŋ jogɨ gɨyɨn̰ danayi bɨn̰, ban gɨ na kɨway gusɨnɨ le.

Pilemo 1:17

Hɨn̰ gɨ ji na sɨlaŋ laan̰ kurɨndɨn̰ a te aye kudurɔ gɨŋ na, ƴɨmayi gusɨn̰ hɨn̰ ɨŋ-bandi gusɨnɨ wo̰ bɨ.

2 Ja̰ 1:10

Hɨn̰ gɨ ungo na ɨre gusɨgɨŋ ma na ɨran̰ dan̰ hɨnga ga ni gɨle ga nee le naŋ na, kɨŋ ɗɔɔ ba ƴomii gusɨgɨŋ a duroy ƴaadɨgɨŋ gɨŋ bɨ, looyiigɨŋ lapɨya naŋ bɨ.