Magtubu di Pol wal bɨn̰ kalaŋ ga Rɔm 16:19 - Gabri Maja

¹⁹ Jɔɔ gɨ kɨŋ ba je kɔl a kɨbɨ Ba-gulɔŋ le, kalaŋ nɔm solge. Lee gɨ gusɨnɨ mɔŋ kol caygɨŋ, ama ɨŋ gey gɨ kɨŋ na wɨya naa kalaŋ ga naa cɛ̰ɛ̰ laan̰ hɨnga ga ɗari bɨ, tobɨn̰ gusɨgɨŋ duroy nee dan̰ ɨsɨna naŋ bɨ.

Magtubu di Pol wal bɨn̰ kalaŋ ga Rɔm 16:19 ပူးပေါင်းရင်းမြစ်များ

Matɨyo 10:16

«Jagɨŋ, ɨŋ-bandi ɨŋ kɨya gɨygɨŋ duroy kalaŋ, na hɨn̰ gamge a duroy gaye ga coŋ gaŋ wo̰. Na toy di hɨn̰ wo̰ ma, ɗagɨŋ muɗɔlɛ cay gusɨgɨŋ gɨŋ hɨn̰ kumbulo wo̰ bɨ, ɗagɨŋ gɨ kuduroygɨŋ bɛrɛ-kən̰jəŋ hɨn̰ guu di bɛrɛ-kən̰jəŋ wo̰ bɨ.

Kɔl-gɨ-Ɗari gɨ Lug wal 10:3

Ɨragɨŋ! Ama sɨlagɨŋ, ɨŋ gɨygɨŋ na hɨn̰ karɨn̰ gamge duroy gaye ga coŋ gaŋ wo̰.

Magtubu di Pol wal bɨn̰ kalaŋ ga Rɔm 1:8

Hɨnga ga cay wase na, ɨŋ leen̰ Kumu hɨnge ho’o dan̰ gɨyəŋ gɨ da Jesu-Kɨris kol caygɨŋ nɔm, kɨya wa kalaŋ ye kol aye kudurɔ kogɨŋ gon̰ cay gɨsəŋ nɔm.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

Epɛs 5:17

Na toy di hɨn̰ wo̰ ma, kɨŋ ɗɔɔ ba lɔɔ hɨnga hɨn̰ ga da kalaŋ ga ka-dɨngale wo̰ naŋ, ama kɨŋ laa agɨŋ solɨn̰ duroy hɨnga ga kuduroy Ba-gulɔŋ gey le kuɗa.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.