Magtubu di Pol wal bɨn̰ kalaŋ ga Rɔm 16:18 - Gabri Maja

¹⁸ Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Magtubu di Pol wal bɨn̰ kalaŋ ga Rɔm 16:18 ပူးပေါင်းရင်းမြစ်များ

Matɨyo 24:11

Ka-yɔɔ-kɔl-gɨ-Kumu-ba-yɔɔ ga cɨndi naŋ, kɨya sɔge dan̰ kondige bɨ, kɨya narege kalaŋ dan̰ kondige bɨ.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 6:24

«Ungo pɨna nɛŋ kɨya ɓale daye ka-gulondi sɔɔ lɔɔ gɨye bɨge naŋ. Naŋ le kɨya ƴɔmɛ gɨ pɨna dan̰ kuduroy bɨ, kɨya geye gɨ ɗaŋ bɨ. Naŋ le kɨya saɗe gusi dan̰ gɨ pɨna bɨ, sɔlɛ gɨ ɗaŋ leen̰ hɨnga naŋ bɨ. Kɨŋ-gandi kalɨn̰ ma kɨŋ kɨya ɓale bɨləŋ gɔyɔŋ ga da Kumu bɨ, ga da gursu bɨ sɔɔɗɨmɔŋ naŋ.

Matɨyo 7:15

«Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰.

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Magtubu di Pol wal bɨn̰ kalaŋ ga Rɔm 14:18

Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 16:19

Jɔɔ gɨ kɨŋ ba je kɔl a kɨbɨ Ba-gulɔŋ le, kalaŋ nɔm solge. Lee gɨ gusɨnɨ mɔŋ kol caygɨŋ, ama ɨŋ gey gɨ kɨŋ na wɨya naa kalaŋ ga naa cɛ̰ɛ̰ laan̰ hɨnga ga ɗari bɨ, tobɨn̰ gusɨgɨŋ duroy nee dan̰ ɨsɨna naŋ bɨ.

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

Galad 1:10

Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Pilib 3:19

Kalaŋ ga nee le a dɨɗe kɨbi gɨŋ na kan kɨya mundoŋ. Kɨya wa kumu koge na kuduroyge bɨ, gusoŋ-tɔgɛ koge woy na boy hɨnga ga di dasi gaŋ bɨ, kan na hɨnga ga ƴom kuduroyge le, na hɨnga ga a cay gɨsəŋ gaŋ kɛ ƴɔbɨ.

Kɔlɔs 2:4

Ɨŋ ye kɔl gɨ nee le hɨn̰ wo̰ na ɗe gɨ agɨŋ na ɗen̰ ungo wo̰ nare cɨndɨgɨŋ dan̰ kɔl ga mɔɔ cangɨn̰ danagɨŋ a gɨyəŋ gɨ ɗaŋ gɨŋ naŋ.

Kɔlɔs 3:24

Sɨlagɨŋ gɨ kɨŋ kɨya wɔɔ hɨnga ga ni ban̰di-gulɔŋ ga Ba-gulɔŋ ba kɨya bɨgɨŋ, gɨ nee le mana cay-kɔbɔ kogɨŋ. Ba-gulondɨgɨŋ na Kɨris, na ban ma magɨŋ lee gɨye bii.

2 Tesalonigɨ 2:10

Ba-Kuduroy-Ɨndɨwa gɨ nee le, kɨya ɨrga lɔɔ hɨnga ga ɨsɨni ga toyge kan̰dɨge kan̰dɨge ga ni narɨn̰ kalaŋ ga kɨya mundoŋ coŋ. Kɨya wa kan kan̰ge ƴɔɔ bɨ geye kɔl gɨ cɨndi bɨ gɨ ni ba kɨya ɓale poɗɨge le.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.

Magtubu di Jud wal 1:12

Kɨɗɨn̰ ga kɨŋ day caygɨŋ kɨya dɔɔ gɨ da ka-karme na, kalaŋ ga nee le diidege bɨ, siidege bɨ, dɨle doon̰ dasi. Kan gɨlɨn̰ na hɨn̰ gundo gɨ ba dɔgɛ tɨbay ungo nayi wo̰ bɨ. Kan gɨlɨn̰ na hɨn̰ gɨrɨmbale ga kal gɨ gumu dorge narge ɔngɛ wo̰ bɨ. Kan gɨlɨn̰ na hɨn̰ hayaŋ ga wɔɔdɨge unɔ cayge bɨrɨŋ wo̰ bɨ, ga turoŋ dan̰ toyge daa bɨ, mage yɔd coŋ bɨ.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.