Magtubu di Pol wal bɨn̰ kalaŋ ga Rɔm 16:12 - Gabri Maja

¹² Laan̰gɨŋ Tirpɛn dan̰ Tirpojɨ lapɨya bəŋ. Kan na kandɨ ga gɨlalage a kɨbɨ gɨye gɨ da Ba-gulɔŋ gɨŋ naŋ bɨ. Laan̰gɨŋ Pɛrsidɨ lapɨya bəŋ bɨ. Hɨndi na tɨmnɨ di ɨŋ lee-tɔɔ di gɨlal tɔgɨ a kɨbɨ gɨye gɨ da Ba-gulɔŋ gɨŋ.

Magtubu di Pol wal bɨn̰ kalaŋ ga Rɔm 16:12 ပူးပေါင်းရင်းမြစ်များ

Matɨyo 5:47

Hɨn̰ gɨ naa karmɨgɨŋ magɨŋ na laage lapɨya jaŋ ƴɔbɨ na, kɨŋ lee na wa ga ɗɨn̰ cɨn̰-kɨɗɨn̰ ga? Kalaŋ ga toyge na Jubɨ naŋ kalɨn̰ ma, laage na hɨn̰ wo̰ bɨ naŋ ga?

Matɨyo 9:38

Na toy di hɨn̰ wo̰ ma, ulagɨŋ Kumu ba-gulɔŋ di yage ɗe gɨyɨn̰ dan̰ ka-lɔɔ gɨye daye cɨn̰ gasa daa le, jɨn̰ nee nee.»

Magtubu di Pol wal bɨn̰ kalaŋ ga Rɔm 16:11

Laan̰gɨŋ Ɛrɔdɨyo̰ lapɨya bəŋ. Ban na gɨlmɨnɨ. Laan̰gɨŋ kalaŋ ga a duroy ƴaa gɨ da Narsis ga beege kuduroyge a cay Ba-gulɔŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 16:13

Laan̰gɨŋ Rupus lapɨya bəŋ. Ban na ungo gɨ Ba-gulɔŋ ba dorii. Laan̰gɨŋ ƴoyi di woy hɨn̰ ƴonɨ wo̰ bɨ kalɨn̰ ma, lapɨya bəŋ.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

1 Korɛ̰t 16:16

karmɨnɨ ga ban̰aŋ dan̰ ga kandɨ, dɨbagɨŋ caygɨŋ dugo bɨn̰ na kalaŋ ga hɨn̰ wo̰ le kɔ bɨ, kan ga ƴom kɨbɨ gɨye danage dan̰ ɗugoyge ga pɨna bɨ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.