Magtubu di Pol wal bɨn̰ kalaŋ ga Rɔm 15:3 - Gabri Maja

³ Na cɨndi, Kɨris kalɨn̰ ma aya gɨyəŋ gɨ kɨya ƴɔɔ cɨndi kayi ban gaŋ naŋ, ama ban lee hɨn̰ gɨ ba walge a duroy Magtubu di da Kumu dɨŋ yege hɨn̰: «Ka-yagɨdɨn̰ le yagɨde koge baa a canɨ ɨŋ-bandi bɨ.»

Magtubu di Pol wal bɨn̰ kalaŋ ga Rɔm 15:3 ပူးပေါင်းရင်းမြစ်များ

Matɨyo 10:25

Hɨn̰ gɨ ba-aye-cay-tɨbay ba-gɨlii hɨnga na gɨlɨn̰ dan̰ ba-gɨlii hɨnga bɨ, marɨna ba-gɨye na gɨlɨn̰ dan̰ ba-gulondi bɨ ɨni na, ɓal hɨn̰ wo̰. Hɨn̰ gɨ kalaŋ na ɨrage bɨrɨŋ tɔgɛge ba-ƴaa Bɛljebul na, kɛ kan gɨ tɔgɛge kan ga a duroy ƴaadi dɨŋ na mɨna bɨ ga?

Matɨyo 26:39

Ban dor toyi dḛ walaŋ ɨni na, ban poy gɨbayi dugo bɨrɨŋ gɨ jɨndi ɨsɨbɨ gɨsəŋ bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le na ɨra sɛdɨ walaŋ gusɨnɨ coŋ, na wɨya nee na, ji laa gɨ ɗe or walaŋ sɛdɨ gusɨnɨ coŋ. Ama ɗa ɗe woy na hɨn̰ gɨ ji-bandi ji gey, wala na hɨn̰ gɨ ɨŋ-bandi ɨŋ gey wo̰ naŋ.»

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Matɨyo 27:44

Ka-kuduroy ɨndɨwa ga kan gagɨldɨge a cay sɨya-gɨ-dagɨli gɨŋ kɨwayi le kalɨn̰ ma, yagɨdiige hɨn̰ wo̰ bɨ.

Kɔl-gɨ-Ɗari gɨ Ja̰ wal 15:10

Hɨn̰ gɨ kɨŋ na aya te tumɔ tɨnge laan̰ gɨye na, Kɨŋ kɨya sɔmɛ duroy geye hɨnge gɨŋ bɨ. Hɨn̰ gɨ ɨŋ-bandi kalɨn̰ ma, ɨŋ ba ay te tumɔ nɔm di da Banɨ leen̰ gɨye, ma maŋ ba somɨn̰ duroy geye koyi gɨŋ wo̰ bɨ.

Kɔl-gɨ-Ɗari gɨ Ja̰ wal 15:24

Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Kɔl-gɨ-Ɗari gɨ Ja̰ wal 5:30

Ɨŋ-bandi, ɨŋ mala na gɨ ni lɔɔ kuduroy geye hɨnge naŋ, ama ɨŋ boy kɔl na dan̰ gɨyəŋdi kɔl gɨ ɨŋ je. Kɔl gɨ ɨŋ boy le na dan̰ gɨyəŋdi, kɨya gɨ ɨŋ mala na lɔɔ hɨnga ga dan̰ kuduroy geye hɨnge naŋ. Ama na dan̰ gɨyəŋ gɨ da kuduroy-geye gɨ da ban gɨ gɨyigəŋ.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 8:29

Ban gɨ ba gɨyigəŋ le ɨre danaŋ, ban ɗaŋ kan̰nɨ naŋ. Kɨya wa ɨŋ lee hɨnga ga ƴee cɨndi dan̰ wɔlɛ pɨna pɨna.»

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Pilib 2:5

Kuɗa gɨ haldɨgɨŋ gɨ kɨŋ kɨya orɨn̰ le bugoŋ pɨna dan̰ hal gɨ da Jesu-Kɨris.

Pilib 2:8

Ban dobɨ cayi dugo dan̰ kuduroy geye koyi, Lee gɨ jen̰ kɔl kɨbɨ Kumu bɨrɨŋ marɨn̰, Marɨn̰ tɨma di a cay sɨya-gɨ-dagɨli gɨŋ.