Magtubu di Pol wal bɨn̰ kalaŋ ga Rɔm 15:26 - Gabri Maja

²⁶ Kɨya wa ka-aye kudurɔ ga a cay gɨsəŋ ga Masedɨwan gaŋ dan̰ ga Agay ojɨge duroyge gɨ ni gɨyɨn̰ dan̰ hɨnga ga ni jɨbɨn̰ te ka-n̰age ga woyge duroy kan ga woyge dan̰ cɨndɨge ga a Jerusalɛm.

Magtubu di Pol wal bɨn̰ kalaŋ ga Rɔm 15:26 ပူးပေါင်းရင်းမြစ်များ

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 26:11

Kan ga wɔɔdɨge unɔ le, woyge danagɨŋ dan̰ wɔlɛ pɨna pɨna. Ama ɨŋ-bandi na, ɨŋ kɨya sɔmɛ danagɨŋ dan̰ cɨnɨ naŋ.

Kɔl-gɨ-Ɗari gɨ Lug wal 14:13

Ama kɨɗɨn̰ ga ji na mɨla kalaŋ dɔɔ dɔɔ gusi-mɔwa gɨ gumu na, kuɗa gɨ ji mɨla na kalaŋ ga wɔɔdɨge unɔ bɨ, ga kɨwayge sumbɨdoŋ bɨ, ka-modoŋ dan̰ ka-bɨbe bɨ.

Kɔl-gɨ-Ɗari gɨ Lug wal 6:20

Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Gɨye-lɔɔ 16:12

Ni say nee or a cay ƴaa-di-gumu di Pilib dɨŋ. Hɨndi na cay ƴaa di a cay gɨsəŋ ga Masedɨwan di ɗɨn̰ kamdo nɔm bɨ, kalaŋ ga somge nee kondɨ, na kalaŋ ga Rɔm bɨ. Ni wol a cay ƴaa-di-gumu di nee dɨŋ le, lee wɔlɛ kondɨ.

Gɨye-lɔɔ 16:9

Duroy son̰dodo dɨŋ na, hɨnga buyoŋ cɨn̰ Pol hɨn̰ dḛḛ wo̰: Ban sol ungo gɨ Masedɨwan gɨ pɨna wo̰. Ungo gɨ nee le ɨre daa dan̰ tɨbay olii yey hɨn̰: «Ɨre gɨrni daa, a Masedɨwan.»

Gɨye-lɔɔ 18:12

Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ,

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 9:13

Ananɨyas jɨga dɨbii cay nee ye hɨn̰: «Ba-gulɔŋ, kalaŋ kondɨ yəŋge kol hɨnga nɔm ga ungo gɨ nee le lee bɨ, yege gɨ ban na leen̰ kalaŋ kan̰ ga woyge dan̰ cɨndɨge ɨsɨna tɔgɨ a cay ƴaa-di-gumu di Jerusalɛm dɨŋ bɨ.

1 Korɛ̰t 16:15

Ay, karmɨnɨ ga ban̰aŋ dan̰ ga kandɨ, kɨŋ sol Ɛstepanas dan̰ kalaŋ ga duroy ƴaadi dɨŋ: Kɨŋ sol gɨ a cay gɨsəŋ ga Agay gaŋ le, na kan ba-aye kuduroyge cay wase bɨ ɗɔge gusɨge kɨbɨ gɨye gɨŋ ojɨn̰ cay kalaŋ ga woyge dan̰ cɨndɨge bɨ. Ɨŋ bandɨ,

1 Korɛ̰t 16:5

Ɨŋ kɨya ɔrɛ tagɨŋ kɨɗɨn̰ ga ɨŋ na gaya cay gɨsəŋ ga Masedɨwan. Kɨya wa ɨŋ kɨya gaye cay gɨsəŋ ga Masedɨwan dɨm.

2 Korɛ̰t 1:16

Ɨŋ gey caŋge caygɨŋ cay wase kɨɗɨn̰ ga ɨŋ kɨya ɔrɛ cay gɨsəŋ ga Masedɨwan gaŋ bɨ, ɗaŋ coŋ kɨɗɨn̰ ga ɨŋ kɨya sɔ Masedɨwan jɨga a caygɨŋ bɨ. Ɨŋ gey gɨ kɨŋ na jɨbɨ tonɨ a te ɔrɛ tɨrga tɨnge di a cay gɨsəŋ ga Jude gaŋ.

2 Korɛ̰t 11:9

Kɨɗɨn̰ ga ɨŋ ba ban̰ duroygɨŋ le n̰agedi hɨnga na laaŋ na, ɨŋ ɗa nɨn̰wa cay ungo wo̰ duroygɨŋ naŋ. Na karmɨgɨŋ ga saygage a cay gɨsəŋ ga Masedɨwan ba bəŋge hɨnga nɔm ga wɨyəŋ. Ɨŋ kan̰ ɗɔ nɨn̰wa caygɨŋ ojɨn̰ cay hɨnga ga ɨŋ or n̰agedɨge bɨ, ɨŋ kɨya ɗɔ nɨn̰wa caygɨŋ naŋ bɨrɨŋ bɨ.

2 Korɛ̰t 2:13

Ama ɗugonɨ ba dugo naŋ, kɨya cay kurɨnɨ Titɨ gɨ ojɨ gɨ kɨya bɔgɔŋ orɨn̰ tagɨŋ le, ɨŋ wayayi naŋ. Na toy di hɨn̰ wo̰ ma ɨŋ say gusi karmɨni ga Tɨrowas, orɨn̰ cay gɨsəŋ ga Masedɨwan gaŋ.

2 Korɛ̰t 7:5

Na cɨndi, kɨɗɨn̰ ga ni bugoŋ a cay gɨsəŋ ga Masedɨwan gaŋ na, ni dɨra gɨlale naŋ bɨrɨŋ. Gɨle-cɨn̰ ba cayni dan̰ gɨyəŋ gɨ toy kan̰di kan̰di: Ni worɨn̰dɨde dan̰ kalaŋ ga ɗaŋ bɨ, hundɔrɔ woy kuduroyni bɨ.

2 Korɛ̰t 9:12

Kɨya wa gɨye gɨ ba woy kɛ gɨ kɨŋ ba woy te lɔɔ le, kɨya lɔɔ gɨ kalaŋ ga woyge dan̰ cɨndɨge na waage naa hɨnga ga n̰agedɨge leege ƴɔbɨ naŋ, ama kɨya lɔɔ gɨ kalaŋ kondɨ na laan̰ge Kumu ho’o bɨ.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

2 Korɛ̰t 9:4

Hɨn̰ gɨ ɨŋ na bugoŋ gusɨgɨŋ dan̰ ka-karme ga pɨna ga a Masedɨwan ma kɨŋ na ƴɨma cay tɨbaygɨŋ naŋ na, ka-karme le kɨya sɔlɛge gɨ kɨŋ na ƴɨma cay tɨbaygɨŋ naŋ. Dasi kɨya dɨni kɨya kuduroyni ga ni ba bee caygɨŋ cɔb cɔb le ba poyi. Dasi kɨya doogɨŋ kɨŋ-gandi gɨɗaŋ bɨ.

Pilib 4:15

Ay karmɨnɨ ga a cay ƴaa-di-gumu di Pilib, kɨŋ sol gɨ ayɨn̰ toy te tɔgɛ bɛrnɛ di da Kɔl-gɨ-Ɗari dɨm ma maŋ san̰ a cay gɨsəŋ ga Masedɨwan gaŋ orɨn̰ tumɔ le, na kɨŋ-gandi kan̰dɨgɨŋ hagɨŋ ba bɨle ka-bugoŋ danaŋ. Ka-Daye ga ɗaŋ wo̰ ga ɨŋ bɨge kɔl gɨ da Kumu ma kardi nee kan bəŋge hɨnga ga ni jɨbɨn̰ tonɨ le unɔ. Na kɨŋ-gandi ƴɔbɨ.

1 Tesalonigɨ 1:7

Lee gɨ kɨŋ bɨle hɨnga ga ni ƴɔlɛ ga da ka-aye kudurɔ nɔm ga a cay gɨsəŋ ga Masedɨwan gaŋ bɨ, Agay gaŋ bɨ.

1 Tesalonigɨ 1:8

Kɨya wa kɔl gɨ da Ba-gulɔŋ gɨ sayga tagɨŋ le, bugoŋ na Masedɨwan bɨ, Agay bɨ ƴɔbɨ naŋ. Kɨya wa kalaŋ jege kol aye kudurɔ kogɨŋ bɨn̰ Kumu a cay kɨɗɨn̰ gaŋ nɔm, lee gɨ ni ɨran̰ dan̰ n̰agedi dɔrɛ koldi naŋ ɨni.

1 Tesalonigɨ 4:10

Na hɨnga ga nee le ma magɨŋ lee, kɨya wa kɨŋ gey karmɨgɨŋ ga ban̰aŋ dan̰ ga kandɨ nɔm ga a cay gɨsəŋ ga Masedɨwan gaŋ. Ama ni bəgɨŋ kɔl-gɨ-ɗari kuduroygɨŋ gɨ kɨŋ na gey gusɨgɨŋ jɨn̰ tumɔ nee coŋ.

1 Timote 1:3

Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

Pilemo 1:5

Kɨya wa ɨŋ je kol geye kon̰ bɨ kol aye kudurɔ kon̰ bɨ, gɨ ojɨ cay Ba-gulɔŋ Jesu bɨ, ojɨn̰ cay kan ga woyge dan̰ cɨndɨge nɔm bɨ.