Magtubu di Pol wal bɨn̰ kalaŋ ga Rɔm 15:19 - Gabri Maja

¹⁹ dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

Magtubu di Pol wal bɨn̰ kalaŋ ga Rɔm 15:19 ပူးပေါင်းရင်းမြစ်များ

Matɨyo 12:28

Ama naa dan̰ Turnɔ di da Kumu ma maŋ na tayan̰ turnɔn̰əŋ ga ɨsɨndəŋ na, dɔɔ-ƴaa di da Kumu ɨrga waygɨŋ ɨni.

Kɔl-gɨ-Ɗari gɨ Ja̰ wal 4:48

Jesu yeyi hɨn̰: «Hɨn̰ gɨ kɨŋ na sɨla hɨnga ga ɗɨn̰ cɨn̰-kɨɗɨn̰ dan̰ hɨnga ga ni belin̰əŋ bɨ naŋ na, kɨŋ kɨya bɔgɛ kuduroygɨŋ canɨ naŋ bɨrɨŋ.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 13:14

Ama kan orge tɨrga toge cɨndɨge tumɔ, ayɨn̰ toy a Pɛrjɨ orɨn̰ bugoŋ cay ƴaa-di-gumu di Antɨyɔs, di woy a cay gɨsəŋ ga Pisidi gaŋ. Wɔlɛ dɔrɛ gɨlale gɨ da Jubɨn̰əŋ gɨŋ na, kan andaŋge duroy ƴaa-daye-di-da-Jubɨn̰əŋ dɨŋ orge sɔmɛ dugo.

Gɨye-lɔɔ 13:51

Pol dan̰ Barnabas gagɨdege bundu di cay tɨbayge dɨŋ ɗɨga ɗɨga, dorɨn̰ naji toge cayge coŋ orɨn̰ge a Ikonɨyɔm.

Gɨye-lɔɔ 14:10

Kɨɗɨn̰di ga nee gaŋ le, Pol ay noyi dan̰ tumoyi di daa ye hɨn̰: «Saa ɨr dan̰ tɨban̰ daa.» Ɨni na, ba-modo le de say cud ɨre daa bɨ, ay te ɔrɛ daa.

Gɨye-lɔɔ 14:20

Ama kɨɗɨn̰ ga ka-aye kudurɔ dayaŋge cayi ɨni na, ban de say daa bɨ jogɨ cay ƴaa-di-gumu dɨŋ. Wan̰dodo dɨŋ ɨni na, ban say or Dɛrbɨ dan̰ Barnabas.

Gɨye-lɔɔ 14:25

Kan teege bɛrnɛ kɔl gɨ da Kumu a Pɛrjɨ bɨ, kardi nee ɨni na, kan say orge a cay ƴaa-di-gumu di Atali dɨŋ.

Gɨye-lɔɔ 14:6

Kɨɗɨn̰ ga kan jege kol hɨnga ga kan gey lɔɔ danage na, kan or male kɨɗɨn̰ ga ni dobɨn̰ cayge nee a boy cay ƴaan̰əŋ ga gɨmdəŋ ga Listɨr dan̰ Dɛrbɨ di woy a cay gɨsəŋ ga Ligawoni dan̰ cay ƴaan̰əŋ ga nɨwɨre cayge.

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 16:18

Hɨndi le hɨn̰ wo̰ cɨndo tumɔ tumɔ ɓal wɔlɛ kondɨ. Ɗɨn̰ cay Pol na, ban bɨle cɨndi jɨn̰ caa bɨ, ay noy bɨn̰ turnɔ di ɨsɨni di woy guso le bɨ yo hɨn̰: «Dan̰ guson̰ Jesu-Kɨris, me andaŋ coŋ gusi tama le.» Ɨni na, kɨɗɨn̰di ga nee gaŋ le bɨ, turnɔ le andaŋ gusoo coŋ.

Gɨye-lɔɔ 17:10

Kɔl gɨ kɨbɨna kɛ bɨ, karmɨni say gɨyge Pol dan̰ Sɨlas duroy son̰dodo dɨŋ a Bere. Kɨɗɨn̰ ga kan bugoŋge a nee ɨni na, kan sayge orge a boy ƴaa-daye-di-da-Jubɨn̰əŋ dɨŋ.

Gɨye-lɔɔ 17:15

Kan ga beege Pol le, orɨn̰ge danayi bɨrɨŋ andɨn̰ge a Atɛn dɨm ma jɨgage ƴee. Bɨ Pol ay noyi bɨge ɗe gɨ kan na yan̰ Sɨlas bɨ, Timote bɨ, gɨ kan na ɨre haw wayay a cay ƴaa-di-gumu di Atɛn dɨŋ.

Gɨye-lɔɔ 18:1

Kardi nee ɨni na, Pol say a cay ƴaa-di-gumu di Atɛn dɨŋ, orɨn̰ a cay ƴaa-di-gumu di Korɛ̰t.

Gɨye-lɔɔ 18:19

Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ.

Gɨye-lɔɔ 19:1

Kɨɗɨn̰ ga Apolos baa a Korɛ̰t ƴee na, Pol gay cay gɨsəŋ ga Aji ga garman̰əŋ kondɨ nee bɨ, ɨrgan̰ bugoŋ a cay ƴaa-di-gumu di Epɛs dɨŋ. Ban way ka-aye-cay-tɨbay Jesu ga pɨna wo̰ a nee.

Gɨye-lɔɔ 20:20

Kɨŋ sol gɨ ɨŋ wɨsagɨŋ cay hɨnga pɨna ga kɨya laa danagɨŋ dugo naŋ: Ɨŋ tee bɛrnɛdi hɨnga nɔm bɨ, ɨŋ gɨlgɨŋ hɨnga nɔm bɨ, na a kɨɗɨn̰ ga woli gaŋ bɨ, a duroy ƴaadɨgɨŋ dɨŋ bɨ.

Gɨye-lɔɔ 20:6

Ni-gandi na, ni nay koburo gɨ gumu taa taa gɨŋ a Pilib na a kardi kɨdɨrɛ gɨ ojɨ cay mapa gɨ kan laage dan̰ subugu naŋ. Leen̰ wɔlɛ bay a cay kaŋ gaŋ dɨm ma mani wayge a Tɨrowas ƴee. Ni somɨn̰ danage ɓal dɨmasɨ pɨna.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 15:24

Ɨŋ ɨrɨm gɨ ni caŋge caygɨŋ, kɨɗɨn̰ ga ɨŋ kɨya sɔ ɔrɛ a cay gɨsəŋ ga Ɛspan̰ gaŋ na, ɨŋ orɨn̰ dan̰ tabɨlaŋdi ɔrɛ gusɨgɨŋ sɔmɛ danagɨŋ lam ɗe gusɨnɨ mɔŋ. Kardi nee na, kɨŋ kɨya jɨbe tonɨ te ɔrɛ tɨrga tɨnge dɨŋ di a Ɛspan̰.

1 Korɛ̰t 2:4

Kɔl hɨnge bɨ, tɔgɛ bɛrnɛ tɨnge bɨ le na dan̰ gɨyəŋ gɨ da kɔl gɨ ni cɨn̰-muɗɔlɛ gɨ da kalaŋ naŋ, ama na dan̰ dɔnɔ di da Turnɔ di da Kumu gɨ gɨl jɨn̰ doŋ gɨ kɔl hɨnge naa kɔl gɨ cɨndi.

2 Korɛ̰t 12:12

Hɨnga ga gɨl gɨ ɨŋ naa ba-gɨre-gɨye le, lee gusɨge duroygɨŋ lee gɨ kɨŋ sol dan̰ cɨndɨgɨŋ. Kan ba kɛ: Na dɨbe-ɗugɔ duroy hɨnga ga ni gɨwase gaŋ nɔm bɨ, na hɨnga ga ni beli ga gɨl bɨ, na hɨnga ga ɗɨn̰ cɨn̰-kɨɗɨn̰ bɨ, na hɨnga ga ni lɔɔ ga dan̰ dɔnɔ bɨ.

Galad 3:5

Ban gɨ ba bɨgɨŋ Turnɔ bɨ, lee hɨnga ga ni beli duroygɨŋ bɨ le, ban lee na kɨya gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari bɨ, kɨŋ bee kuduroygɨŋ cay nee le ga?

Kɔlɔs 1:25

Ɨŋ bɨle ba lɔɔ gɨye gɨ da Ka-Daye, na kɨya loon̰ gɨye gɨ Kumu ba bəŋ kɔbɔŋ kol caygɨŋ. Gɨye gɨ nee le, na tɔgɛ bɛrnɛ di da kɔl gɨ da Kumu gɨ ban bəŋ kɔbɔŋ ɗəndəŋ bɨgɨŋ.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

Əbɨro 2:4

Kumu kalɨn̰ ma gɨl gɨ tɨmon̰ di kan na leege le naa cɨndi, dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ bɨ, belin̰əŋ ga toyge kan̰dɨge kan̰dɨge bɨ, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ gɨ hɨndi gosɨn dan̰ kuduroy geye kɔɔ bɨ.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.