Magtubu di Pol wal bɨn̰ kalaŋ ga Rɔm 15:18 - Gabri Maja

¹⁸ Na cɨndi, hɨn̰ gɨ ɨŋ na mala yɔɔ kɔl a cay hɨnga na, na a cay hɨnga ga Kɨris lee kol canɨ ƴɔbɨ, ma maŋ kɨya yɔɔ kɔl cay nee. Dan̰ gɨyəŋ hɨnge na, ban lee gɨ kalaŋ ga toyge na Jubɨ naŋ jege kɔl kɨbɨ Kumu. Ban lee hɨnga ga nee le na dan̰ kɔl bɨ gɨye bɨ,

Magtubu di Pol wal bɨn̰ kalaŋ ga Rɔm 15:18 ပူးပေါင်းရင်းမြစ်များ

Matɨyo 25:16

Kɨɗɨn̰di ga nee gaŋ le bɨ, guyɔŋ gɨ orɨn̰ dan̰ gursu di ni lɔr aru bay le ay orɨn̰ cɨbɨn̰-kobi bɨ, wan̰ kaŋdo aru bay cay nee.

Marg 16:20

Ama ka-aye-cay-tɨbay Jesu na, gorge a kɨɗɨn̰ gaŋ nɔm teen̰ge bɛrnɛ di da Kɔl-gɨ-Ɗari. Ba-gulɔŋ lee gɨye danage, bɨge tɔgɨ di ni leen̰ hɨnga ga ɗɨn̰ cɨn̰-kɨɗɨn̰, ɗe kalaŋ na solɨn̰ge gɨ bɛrnɛ di kan ba teege le naa kɔl gɨ cɨndi.]

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 15:4

Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 21:19

Pol leege lapɨya bɨ, ban dorge kol hɨnga nɔm ga Kumu lee dan̰ gɨyəŋ gɨ da gɨye koyi, a duroy kalaŋ ga toyge na Jubɨ naŋ.

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

2 Korɛ̰t 11:31

Ba-gulɔŋ Jesu Bayi, Kumu, ban gɨ ojɨ gɨ kalaŋ nɔm na hɨramayige dan̰ tumoyge le, sol gɨ kɔl hɨnge naa poy naŋ.

2 Korɛ̰t 12:6

Hɨn̰ gɨ ɨŋ na gɨl gusɨnɨ kalɨn̰ ma ɨŋ na ungo ba dɨngale naŋ kɨya wa kɔl hɨnge na cɨndi. Ama ɨŋ kan̰ gɨle gusɨnɨ coŋ, ɗe ungo wo̰ ɨrɨme hɨnga ga ɗɨn̰ gɨ ban sol dan̰ cɨndi bɨ je dan̰ sɨmayi gusɨnɨ bɨ a gɨye-lɔɔnɨ gɨŋ kol canɨ naŋ.

2 Korɛ̰t 3:5

Ni-gandi cay gusɨni ni ɨran̰ dan̰ tɔgɨ di ojɨ ɗe ani leen̰ gɨye gɨ nee le naŋ. Ni ɓal lɔɔ gɨye gɨ nee le kɨya wa na Kumu ba bɨni tɔgɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 2:8

Kɨya wa ban gɨ ba lee gɨye kuduroy Pɨyɛr, ɗe gɨ ban bɨlɨn̰ ba-gɨre-gɨye gɨ da kalaŋ ga toyge na Jubɨ le, lee gɨye kuduronɨ ɨŋ-bandi ɗe gɨ ɨŋ bɨlɨn̰ ba-gɨre-gɨye gɨ da kalaŋ ga toyge na Jubɨ naŋ bɨ.

Kɔlɔs 3:17

Hɨnga ga ani ani ga kɨŋ kɨya lɔɔ, naa kɔl yɔdɨgɨŋ naŋ le gɨye-lɔɔdɨgɨŋ kalɨn̰ ma, laagɨŋ na dan̰ guson̰ Ba-gulɔŋ Jesu. Dan̰ gɨyəŋ gɨ da gusondi na laan̰gɨŋ Bayna Kumu ho’o.

2 Tesalonigɨ 2:17

na walɨn̰a kuduroygɨŋ dan̰ bandɨ. Kuɗa gɨ ban bɨgɨŋ tɔgɨ di ni leen̰ hɨnga ga ɗari daa daa dan̰ gɨye-lɔɔdɨgɨŋ bɨ, dan̰ kɔl yɔdɨgɨŋ bɨ.

Əbɨro 11:8

Na dan̰ gɨyəŋ gɨ da aye kudurɔ ma, Abɨraham je kɔl kɨbɨ Kumu, kɨɗɨn̰ ga Kumu teeyi. Lee gɨ ban say ɗe cay gɨsəŋ kayi coŋ orɨn̰ a cay gɨsəŋ ga Kumu ojɨ bii leen̰ cay gɨsəŋ kayi. Ban say or dɨle sɔlɛ kɨɗɨn̰ ga ban or jɨn̰ nee jɛɗɨ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Magtubu di Jag wal 1:22

Kɔl gɨ da Kumu gɨ kɨŋ ba je le, naa wa wa kalɨn̰ ma, ayagɨŋ laan̰gɨŋ gɨye, ama jɔɔgɨŋ na jɔɔ ƴɔbɨ naŋ. Hɨn̰ gɨ kɨŋ na ja na jɔɔ ƴɔbɨ bɨ, kɨŋ na aye laan̰ gɨye naŋ bɨ na, kɨŋ nar na cɨn̰ gusɨgɨŋ kogɨŋ gaŋ.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.

Magtubu di Jud wal 1:9

Kɨɗɨn̰ ga Migayɛl gɨ na gumu gɨ da ka-ƴɔbɛ ga daa nii kan̰ kɔl gɨ da Haban̰ coŋ na, kan man̰ge kɔl ojɨ cay gundi Moyis. Ban dan̰ gusi koyi kalɨn̰ ma bɨya kɔl yagɨdan̰ Haban̰ naŋ. Kɔl gɨ ban ba ye ba kɛ: «Kuɗa gɨ Ba-gulɔŋ gɨlne-cɨn̰ kɨya cay gɨye-lɔɔde gɨ ɨsɨni.»