Magtubu di Pol wal bɨn̰ kalaŋ ga Rɔm 14:8 - Gabri Maja

⁸ Hɨn̰ gɨ na na sɨmagɨŋ-bɨra kalɨn̰ ma, na somgɨŋ-bɨra na kɨya cay Ba-gulɔŋ bɨ. Hɨn̰ gɨ na na mara naa mare kalɨn̰ ma, na magɨŋ na kɨya cay Ba-gulɔŋ bɨ. Na toy di hɨn̰ wo̰ ma, hɨn̰ gɨ na na sɨmagɨŋ-bɨra wala maragɨŋ kalɨn̰ ma, na na ga da Ba-gulɔŋ.

Magtubu di Pol wal bɨn̰ kalaŋ ga Rɔm 14:8 ပူးပေါင်းရင်းမြစ်များ

Kɔl-gɨ-Ɗari gɨ Lug wal 20:38

Hɨn̰ wo̰ na, Kumu le, na Kumu gɨ da kalaŋ ga madɨrdaŋ naŋ, kɨya wa kan nɔm somge dan̰ cɨndɨge a tumoyi.»

Kɔl-gɨ-Ɗari gɨ Ja̰ wal 21:19

Ban ye hɨn̰ wo̰ na kɨya gɨlɨn̰ tɨma di Pɨyɛr kɨya mare dɨbɨn̰ gusoŋ-tɔgɛ a cay Kumu. Kardi nee ɨni na, Jesu yeyi hɨn̰: «Kɨba karɨnɨ!»

Gɨye-lɔɔ 13:36

«Dabid lee hɨnga nɔm ga kuduroy Kumu gey a boy ɨlgedi gɨŋ. Kardi nee ɨni na, ban ma bɨ, or wan̰ mon̰ii bɨ, gundi osɨn̰ bɨ.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

1 Korɛ̰t 15:23

Ama kan kɨya bɔyɛ lɨbe na kardi gusɨge: Tumɔ cay wase cɨg cɨg na Kɨris. Kardi nee a boy wɔlɛ gɨ ban kɨya jɨga na, kalaŋ ga da Kɨris nɔm kɨya bɔyɛge lɨbe.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Pilib 2:30

Kɨya wa ba mɨnde gɨ ban ni kɨya mare kɨya cay gɨye gɨ da Kɨris. Ban ay gusi dɨbɨ coŋ ƴen̰ ban̰dɨgɨŋ leen̰ gɨye kɨya gɨ toygɨŋ hen̰.

1 Tesalonigɨ 5:10

Ɗe hɨn̰ gɨ na na sɨma naa bɨra naŋ le, wɨya naa kuŋ kalɨn̰ ma, na na bugoŋ pɨna danayi te sɔmɛ-bɨra gɨŋ.

Wasɨn̰a 14:13

Ɨŋ je noy ungo andɨgaŋ gɨɗɨgɨ-Kumu gɨŋ ye hɨn̰: «Wala kɔl gɨ ba kɛ: “Tumoy wolwa woy haw kɛ a cay kalaŋ ga mage a te gɨyəŋ gɨ da Ba-gulɔŋ gɨŋ, ayɨn̰ toy haw kɛ bɨrɨŋ andɨn̰ tumɔ.” Turnɔ di da Kumu dɨbii cay nee ye hɨn̰: “Ho’o, kan kɨya dɔrɛ gɨlale kɨbɨ gɨye koge gɨŋ ɨni bɨ hɨnga ga ni cay kobɨge kobɨ kardɨge bɨ.”»