Magtubu di Pol wal bɨn̰ kalaŋ ga Rɔm 14:22 - Gabri Maja

²² Hɨnga ga ji ba sol dan̰ gɨyəŋ gɨ da aye kudurɔ ojɨn̰ cay kɔl gɨ nee le na, ɗa ɗe woy duroygɨŋ kɨŋ-gandi dan̰ Kumu. Tumoy wolwa woy kɨya cay ungo gɨ na gey lɔɔ hɨnga ma na ɨrɨm kuduroy sɔɔ sɔɔ cay nee naŋ.

Magtubu di Pol wal bɨn̰ kalaŋ ga Rɔm 14:22 ပူးပေါင်းရင်းမြစ်များ

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

Magtubu di Pol wal bɨn̰ kalaŋ ga Rɔm 14:14

Ɨŋ sol kuɗa a kuduronɨ, dan̰ gɨyəŋ gɨ da Ba-gulɔŋ Jesu, gɨ hɨnga ga ni dɔɔ nɔm won̰ ga ni dɔɔ dan̰ cay gusɨge koge. Ama hɨnga ga ni dɔɔ le, kɨya bɨle kɨni na a cɨn̰ ungo gɨ ɨrɨm kuduroy gɨ hɨnga ga ni dɔɔ le na lee kɨni.

Magtubu di Pol wal bɨn̰ kalaŋ ga Rɔm 14:2

Dan̰ gɨyəŋ gɨ da aye kudurɔ gɨ da kalaŋ ga pɨna na, hɨnga nɔm won̰ na ga ni dɔɔ. Ama kalaŋ ga aye kudurɔ koge usa naŋ le, dii dege na kabɨn̰ hɨnga ƴɔbɨ.

Magtubu di Pol wal bɨn̰ kalaŋ ga Rɔm 14:23

Waŋ waŋ gɨ na ɨrɨm a kuduroy, kuduroy sɔɔ sɔɔ a cay hɨnga ga ban dii na, kɔl ƴom cayi ɨni, kɨya wa ban laa hɨnga ga ɨra dan̰ aye kudurɔ koyi naŋ. Hɨnga nɔm ga na laa dan̰ gɨyəŋ gɨ da aye kudurɔ naŋ na, na ɨsɨna.

Magtubu di Pol wal bɨn̰ kalaŋ ga Rɔm 14:5

A boy ɨrɨme gɨ da kalaŋ ga pɨna na, wɔlɛn̰əŋ ga pɨna na ɗɨn̰ kamdɨge. A boy ɨrɨme gɨ da kalaŋ ga ɗaŋ na, wɔlɛn̰əŋ nɔm na ɓadɨldɨn̰ge dɛj dɛj. Kuɗa gɨ waŋ waŋ kalɨn̰ ma, ɨran̰ dan̰ ɨrɨme gɨ pɨna a cay gasɨndi ga ban ɨre cay nee.

Magtubu di Pol wal bɨn̰ kalaŋ ga Rɔm 2:1

Ji gɨ ba bɔyɛ kɔl cay kalaŋ le, ko ji naa waŋ waŋ kalɨn̰ ma, ungo kɨya ɗɔ kardi kɔl le bɨn̰ naŋ. Kɨya wa ji ɨre boy kɔl a cay kalaŋ ga ka-lɔɔ hɨnga ga ɨsɨn, ama gɨye-lɔɔdɨn̰ gɨlɨn̰ na hɨn̰ koge kan wo̰ bɨ. Lee gɨ kɔl gɨ ji ɨre boy le, ji ɨre boy na cay gusɨn̰ kon̰ gɨŋ gaŋ hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 7:15

Na cɨndi, hɨnga ga ɨŋ lee le ɨŋ sɨla duroyge naŋ, kɨya wa hɨnga ga ɨŋ gey lɔɔ le, ɨŋ laa naŋ. Ama na hɨnga ga ɨŋ geyge naŋ le, na hɨnga ga nee le ma maŋ lee.

Magtubu di Pol wal bɨn̰ kalaŋ ga Rɔm 7:24

Ay, na gɨle-cɨn̰ di mɨna ba wo̰! Kɛ na waŋ ba kɨya dɔrɔŋ a kobi kuyoŋdi-gusɨnɨ gɨ ba-orɨn̰ danaŋ tɨma dɨŋ le ga?

1 Korɛ̰t 8:7

Ama na kalaŋ nɔm ba sɔlɛ kɔl gɨ cɨndi gɨ kɛ le naŋ. Kalaŋ ga pɨna na, kula andaŋ coŋ kuduroyge naŋ. Lee gɨ haw kɛ kalɨn̰ ma, hɨn̰ gɨ kan na dage kuyoŋ gɨ kalaŋ been̰ge kɨbar bɨn̰ kulan̰əŋ na, woy hɨn̰ gɨ kan naa ba bɔgɛ kɨbar bɨn̰ kulan̰əŋ wo̰. Dan̰ gɨyəŋ gɨ da ɨrɨmedɨge gɨ usa naŋ le, kan sol gusɨge hɨn̰ hɨnga ga lee kɨni tumoyi Kumu, kɨya kuyoŋ gɨ kan dii le.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

Magtubu di Jag wal 3:13

Kɛ na waŋ duroygɨŋ ma na ungo gɨ tɨdi hangaŋ bɨ, muɗol bɨ ga? Kuɗa gɨ ban gɨl hɨnga ga nee le, dan̰ gɨye-lɔɔdi gɨ kuɗa bɨ, dan̰ gɨye-lɔɔdi gɨ or dan̰ durɔ kuɗa bɨ, dan̰ gɨye-lɔɔdi gɨ da kale di gɨ jal jɔm bɨ, dan̰ cɨn̰-muɗɔlɛ koyi gɨ sayga a daa nii le cɨn̰ kalaŋ.

1 Ja̰ 3:21

Ay, kɨŋ ga ɨŋ lee-toygɨŋ, hɨn̰ gɨ ɨrɨmedɨnagɨŋ na dɨbɨ kɔl cay nagɨŋ naŋ na, na kɨya ɨre tumoy Kumu dan̰ ɗugoynagɨŋ di baa po̰ dugo.