Magtubu di Pol wal bɨn̰ kalaŋ ga Rɔm 14:19 - Gabri Maja

¹⁹ Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 14:19 ပူးပေါင်းရင်းမြစ်များ

Matɨyo 5:9

Tumoy wolwa woy caygɨŋ, kɨŋ ga ka-ɨrgan̰ dan̰ gusi-dɔbɛ, Kɨya wa kan kɨya togɨgɨŋ karɨn̰ Kumu!

Marg 9:50

«Ɗɔgɔ le na hɨnga ga ɗari. Ama hɨn̰ gɨ ɗɔgɔ le man̰edo na sa coŋ na, na wa ba kɨya jɨgan̰ dan̰ man̰edo le ga? Wɨyagɨŋ hɨn̰ ɗɔgɔ wo̰ bɨ, kuɗa gɨ gusi-dɔbɛ ɗe woy duroygɨŋ bɨ.»

Magtubu di Pol wal bɨn̰ kalaŋ ga Rɔm 12:18

Hɨn̰ gɨ kɨŋ na ɓala na, laagɨŋ hɨnga nɔm ga gangɨdɨge woy a kobɨgɨŋ le, ɗe agɨŋ somɨn̰ dan̰ gusi-dɔbɛ dan̰ kalaŋ nɔm.

Magtubu di Pol wal bɨn̰ kalaŋ ga Rɔm 15:2

Kuɗa gɨ waŋ waŋ kalɨn̰ ma duroyna laa na hɨnga ga kɨya ƴɔɔ cɨn̰ mɨgayi, kol ɗarwa toyi bɨ, kol togii di kɨya sɔ cay mɨgaa dɨŋ bɨ.

1 Korɛ̰t 10:23

«Ɗege gɨyəŋ bəŋ gɨ ɨŋ na laa hɨnga nɔm», ama hɨnga nɔm bayana gɨ ni lɔɔ naŋ. «Ɗege gɨyəŋ bəŋ gɨ ɨŋ na laa hɨnga nɔm», ama hɨnga ga nee le nɔm kɨya loon̰ ungo ɗarwa naŋ.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

1 Korɛ̰t 14:3

Ama ba-yɔɔ-kɔl-gɨ-Kumu-ba-yɔɔ le ye kɔl na dan̰ kalaŋ ɗe togɨyge na san̰ cay mɨga dɨŋ bɨ, na gɨ ni dobɨn̰ bandɨ kuduroyge bɨ, na gɨ ni jalɨn̰ kuduroyge bɨ.

1 Korɛ̰t 14:4

Ungo gɨ ye kɨbɨ gɨ ungo sɨla naŋ le, jɨb na te aye kudurɔ koyi ban gaŋ, ama ba-yɔɔ-kɔl-gɨ-Kumu-ba-yɔɔ le jɨb na te Ka-Daye nɔm.

1 Korɛ̰t 14:5

Ɨŋ gey tɔgɨ gɨ kɨŋ-gandi nɔm kɨŋ na ya kɨbɨ gɨ ungo sɨla naŋ. Ama hɨn̰ gɨ kɨŋ na ya-kɔl-gɨ-Kumu-ba-yɔɔ na kɨya mɔŋ tɔgɨ cɨla nee ƴee coŋ. Ba-yɔɔ-kɔl-gɨ-Kumu-ba-yɔɔ ɗɨn̰ ba yɔ kɨbɨ gɨ ungo sɨla naŋ. Ama hɨn̰ gɨ ba yɔ kɨbɨ gɨ ungo sɨla naŋ na dɨra duroy kɔl le ɗe jɨbɨn̰ te Ka-Daye nɔm na, ba-yɔɔ-kɔl-gɨ-Kumu-ba-yɔɔ ɗii naŋ

1 Korɛ̰t 7:15

Ama hɨn̰ gɨ ungo gɨ ba-aye kudurɔ naŋ na gey puyoŋ na, ɗa ɗe ban lee. Hɨn̰ gɨ ban na laa na, ungo gɨ ba-aye kudurɔ le, naa bara wala tama kalɨn̰ ma, hɨnga saɗage pɨna naŋ. Ama kɨŋ-gandi na, Kumu təgɨŋ gɨ kɨŋ na sɨma dan̰ gusi-dɔbɛ.

1 Korɛ̰t 8:1

Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

1 Timote 1:4

ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

1 Pɨyɛr 3:11

Kuɗa gɨ ban bɨl kardi bɨn̰ hɨnga ga ɨsɨni bɨ, Ama laa hɨnga ga kuɗa bɨ, Ƴɨma gusi usa te male gusi-dɔbɛ bɨ.