Magtubu di Pol wal bɨn̰ kalaŋ ga Rɔm 14:18 - Gabri Maja

¹⁸ Ungo gɨ na kɨba Kɨris dan̰ lɔɔ gɨye gɨ hɨn̰ wo̰ na, ƴee cɨn̰ Kumu bɨ, kalaŋ nɔm gey kɔl koyi bɨ.

Magtubu di Pol wal bɨn̰ kalaŋ ga Rɔm 14:18 ပူးပေါင်းရင်းမြစ်များ

Marg 13:34

Kuɗa, kɨya wɔyɛ gɨlɨn̰a na hɨn̰ ungo gɨ pɨna wo̰ gɨ or tɨrga. Ban ɗe ƴaadi bɨ, ay noy bɨn̰ marɨne ka-lɔɔ gɨye kayi, ɗe waŋ waŋ kalɨn̰ ma na cɨbɨ cɨndi kardi gɨye-lɔɔdi lɔɔdi. Kardi nee ban ay noy bɨn̰ ba-game kɨbɨ-ƴaadi gɨ ban na sɨma-bɨra.

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Gɨye-lɔɔ 10:35

Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.»

Magtubu di Pol wal bɨn̰ kalaŋ ga Rɔm 12:11

Kuɗa gɨ gusɨgɨŋ-hɨmbalagɨŋ a te gɨye gɨ da Ba-gulɔŋ gɨŋ, lɔɔgɨŋ dabɨr kɨbɨ nee naŋ. Kuɗa gɨ gɨye koyi lɔɔ ɗugoygɨŋ.

Magtubu di Pol wal bɨn̰ kalaŋ ga Rɔm 14:4

Kɛ, ji-bandi, ji na waŋ ma man̰ kɨya bɔyɛ kɔl a cay marɨna ba lɔɔ gɨye gɨ ji na ba-gulondi naŋ le ga? Hɨn̰ gɨ marɨna ba-gɨye le, na ƴɨma gusi usa kɨbɨ gɨye gɨŋ wala, na ba dugo kalɨn̰ ma, dɨlan̰ naŋ, kɨya wa na kɔl gɨ da ba-gulondi. Ama ban kɨya ƴɔmɛ gusi osɨwa kɨya wa Ba-gulɔŋ orɨn̰ dan̰ dɔnɔ di ni lɔɔ gɨ ban na ɨrɨn̰ daa kalɨn̰.

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

2 Korɛ̰t 5:11

Na-gandi na sol gɨ, na wa ma na hundɔrɔ Ba-gulɔŋ. Lee gɨ na mal na gɨ ni gɨlɨn̰ kalaŋ ɗe na solge kɔl gɨ cɨndi. Kumu solna kuɗa bɨ, ɨŋ ɨrɨm gɨ kɨŋ solni kuduroygɨŋ kuɗa bɨ.

2 Korɛ̰t 5:9

Na toy di hɨn̰ wo̰ ma, hɨn̰ gɨ na na sɨma naa a boy kuyoŋdi-gusɨna gɨ a cay gɨsəŋ gaŋ kɛ wala, na na ɗay coŋ kalɨn̰ ma, hɨnga ga cɨla ɗɨn̰ hɨnga nɔm ga ɗaŋ na, na gey lɔɔ na hɨnga ga kɨya ƴɔɔ cɨn̰ Ba-gulɔŋ.

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

2 Korɛ̰t 8:21

Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

Kɔlɔs 3:24

Sɨlagɨŋ gɨ kɨŋ kɨya wɔɔ hɨnga ga ni ban̰di-gulɔŋ ga Ba-gulɔŋ ba kɨya bɨgɨŋ, gɨ nee le mana cay-kɔbɔ kogɨŋ. Ba-gulondɨgɨŋ na Kɨris, na ban ma magɨŋ lee gɨye bii.

1 Timote 2:3

Ɔlɛ Kumu gɨ hɨn̰ wo̰ le ba kuɗa bɨ, ba-ƴɔ cɨn̰ Kumu Ba-poɗɨnagɨŋ bɨ.

1 Timote 5:4

Hɨn̰ gɨ tama di kudurɔ ma na ɨran̰ dan̰ karɨndo wala, dan̰ kongɨn̰ɔɔ na, ojɨ gɨ kan ba kɨya sɔlɛge kardi kandɨge cay wase. Hɨnga ga kandɨge lee danage le, kuɗa gɨ kan jɨga lɔɔ bɨge bɨ. Kɨya wa na hɨnga ga nee le ba mon̰ Kumu.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 2:20

Hɨn̰ gɨ kɨŋ na wa tɔgɛ kɨya cay hɨnga ga ɨsɨni ga kɨŋ lee ma magɨŋ na ƴɨma kuduroygɨŋ dɨbɨn̰ ɗugoygɨŋ na, kɛ kan kɨya dɨbe gusoŋ-tɔgɛ caygɨŋ na kɨya wa ga? Ama hɨn̰ gɨ kɨŋ na laa hɨnga ga ɗari ma kalaŋ na laagɨŋ hɨnga ga homi kol cayge, ma magɨŋ na ƴɨma kuduroygɨŋ dɨbɨn̰ ɗugoygɨŋ na, Kumu kɨya tɔrɛ kɨbi caygɨŋ.

1 Pɨyɛr 2:5

Kɨŋ-gandi kalɨn̰ ma, kɨŋ woy gɨlɨn̰ na hɨn̰ oru gɨ woy-bɨra gɨ Kumu lobɨgɨŋ leen̰ ƴaa-sɔmɛ gɨ da Turnɔ wo̰. Lee gɨ kɨŋ bɨle ka-bɔgɛ kɨbar ga woy dan̰ cɨndɨge bɨn̰ Kumu, ga kɨŋ lee gɨye n̰ɨre bii dan̰ gɨyəŋ gɨ da Turnɔ ɗe-kuduroy-bɛrɛ. N̰ɨre kogɨŋ dan̰ gɨyəŋ gɨ da Jesu-Kɨris le, kɨya mon̰ Kumu.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.