Magtubu di Pol wal bɨn̰ kalaŋ ga Rɔm 14:13 - Gabri Maja

¹³ Na hɨn̰ wo̰ ma, ɗanagɨŋ bɔyɛ kɔl a cay gusɨnagɨŋ baa. Kuɗa gɨ na uja gɨ ni lɔɔ hɨnga ga kɨya dɨbɨn̰ kurɨndɨna sɨya bɨrɨŋ gɨ ban kɨya andɨn̰ a te gɨyəŋ gɨŋ coŋ naŋ.

Magtubu di Pol wal bɨn̰ kalaŋ ga Rɔm 14:13 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Matɨyo 18:7

Cɨn̰-n̰age kɨya bɔɔ cay kalaŋ ga cay gɨsəŋ gaŋ, kɨya wa kan leege kɔl dan̰ ka-aye kudurɔ. Naa wa wa kalɨn̰ ma hɨnga ga pɨna kɨya lɔɔ gɨ kalaŋ ga pɨna kɨya laydaŋge boy ɨsɨna gɨŋ, ama cɨn̰-n̰age kɨya bɔɔ cay ungo gɨ ba-lɔɔ hɨnga ga nee le.

Matɨyo 7:1

«Bɔyɛgɨŋ kɔl cay kamdɨgɨŋ naŋ, ɗe Kumu kalɨn̰ ma bon̰ kɔl caygɨŋ naŋ bɨ.

Kɔl-gɨ-Ɗari gɨ Lug wal 12:57

«Kɨya wa ma kɨŋ ɓala sɔ dan̰ cay gusɨgɨŋ kogɨŋ lɔɔ hɨnga ga dan̰ durɔ ɗɨngar naŋ ga?

Kɔl-gɨ-Ɗari gɨ Lug wal 17:2

Hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayi dɨbii ɗurɔm duroy kuray gɨ gumu taa taa gɨŋ coŋ na, golgo kɨya cayi, ɗɨn̰ gɨ ban na sɨma bɨ layda kan ga aye kudurɔ koge ɓala naŋ.

Magtubu di Pol wal bɨn̰ kalaŋ ga Rɔm 11:9

Ɨni na, kɨlma Dabid kalɨn̰ ma ye hɨn̰: «Kuɗa gɨ hɨnga ga ni dɔɔ, Ga da gusi-mɔwa kage Bɨl boy di ɗe gɨybige bɨ, Bɨl bandɨ di kan kɨya bɔɔ nee bɨ, Bɨl gundi sɨya gɨ ba dɔgɛ tɨbayge Ɗe cay kɔbɔ gɨ da gɨye-lɔɔdɨge, Gɨ ɨsɨni ɓalɨn̰ dan̰ kɨbɨge bɨ.

Magtubu di Pol wal bɨn̰ kalaŋ ga Rɔm 14:10

Ji-bandi gɨ ba kɛ, na kɨya wa ma mɨn̰ boy kɔl a cay kurɨndɨn̰ bɨ ga, ji-bandi gɨ kɔ, na kɨya wa ma mɨn̰ hagɨr kurɨndɨn̰ bɨ ga? Waŋ waŋ kalɨn̰ ma duroyna, kɨya ɨre a tumoy kali di da Kumu dɨŋ, ɗe ban na bon̰ kɔl cayna.

Magtubu di Pol wal bɨn̰ kalaŋ ga Rɔm 14:3

Hɨn̰ wo̰ na, kuɗa gɨ ban gɨ ba-dɔɔ hɨnga ga toyge kan̰dɨge kan̰dɨge le, hagɨre ban gɨ ba-dɔɔ kabɨn̰ hɨnga ƴɔbɨ le naŋ bɨ. Ban gɨ ba-dɔɔ kabɨn̰ hɨnga ƴɔbɨ le, kuɗa gɨ ban bɔyɛ kɔl a cay ban gɨ ba-dɔɔ hɨnga nɔm le naŋ bɨ. Kɨya wa kurɨndɨn̰ le kalɨn̰ ma, Kumu ƴomii gusi bɨ.

Magtubu di Pol wal bɨn̰ kalaŋ ga Rɔm 14:4

Kɛ, ji-bandi, ji na waŋ ma man̰ kɨya bɔyɛ kɔl a cay marɨna ba lɔɔ gɨye gɨ ji na ba-gulondi naŋ le ga? Hɨn̰ gɨ marɨna ba-gɨye le, na ƴɨma gusi usa kɨbɨ gɨye gɨŋ wala, na ba dugo kalɨn̰ ma, dɨlan̰ naŋ, kɨya wa na kɔl gɨ da ba-gulondi. Ama ban kɨya ƴɔmɛ gusi osɨwa kɨya wa Ba-gulɔŋ orɨn̰ dan̰ dɔnɔ di ni lɔɔ gɨ ban na ɨrɨn̰ daa kalɨn̰.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

1 Korɛ̰t 10:32

Kɨŋ ɗɔɔ ba lɔɔ hɨnga pɨna ga kɨya bɨle gundo dɔgɛ tɨban̰ Jubɨn̰əŋ naŋ le, Gɨrɛgn̰əŋ naŋ le, Ka-Daye ga da Kumu, noge.

1 Korɛ̰t 11:13

Kɨŋ gusɨgɨŋ ɨrɨmgɨŋ sɨla: Hɨn̰ gɨ tama na ula Kumu dɨle saɗe caa na, bayoo ga?

2 Korɛ̰t 5:14

Kɨya wa na geye gɨ da Kɨris ba orɨn̰ danani ma mani leen̰ hɨn̰ wo̰, ni-gandi ga ni sol kuɗa gɨ na ungo pɨna hayi ƴɔbɨ ba mare a ban̰di kundɨwa gɨ da kalaŋ le. Hɨn̰ wo̰ na kan nɔm mage danayi.

2 Korɛ̰t 6:3

Ni gey lɔɔ hɨnga ga ɨsɨni wo̰ gɨ kɨya bɨle gundi sɨya dɔgɛ tɨbay ungo nayi naŋ, kɨya wa ni gey gɨ ungo na gɨ dɔrɛ kol gɨye gɨ ni lee ɨsɨn naŋ.

Pilib 1:10

ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ.

1 Timote 5:14

Kuɗa gɨ kandɨ ga kodɨn̰ige ma ga baage kambɨle ƴee le, ɨŋ gey gɨ kan ƴage ban̰aŋ bɨ, wɔɔge karɨn̰aŋ bɨ, ɗage cɨndɨge kardi kalaŋ ga a duroy ƴaadɨge gɨŋ kuɗa bɨ. Na hɨn̰ wo̰ ma kɨya bɨn̰ ka-baadɨnagɨŋ gɨyəŋ yon̰ kɔl gɨ ɨsɨni caynagɨŋ naŋ.

Magtubu di Jag wal 2:4

Hɨn̰ gɨ kɨŋ na laa hɨn̰ wo̰ na, kɨŋ dor na cɨn̰-gusɨgɨŋ bɨ, kɨŋ boy na kɔl nee bɨ, dan̰ ɨrɨme gɨ ɨsɨni naŋ ga?

Magtubu di Jag wal 4:11

Karmɨnɨ ga ban̰aŋ dan̰ ga kandɨ, ɗagɨŋ ba-yɔɔ kɔl gɨ ɨsɨni bɨn̰ gusɨgɨŋ. Ungo gɨ na ya kɔl gɨ ɨsɨni kɨya cay kurɨndi bɨ, tɨmdi bɨ na, ban lee gusi leen̰ na ungo gɨ gumu gɨ ba-bɔyɛ kɔl bɨ, ye na kɔl gɨ ɨsɨni kɨya cay gasɨn̰-kɔl gɨ da Kumu bɨ. Lee gusi leen̰ na ungo gɨ gumu gɨ ba-bɔyɛ kɔl a cay gasɨn̰-kɔl bɨ. Ma hɨn̰ gɨ ji na bɨya kɔl a cay gasɨn̰-kɔl gaŋ na, ji na ba-lɔɔ cay gasɨn̰-kɔl naŋ ɨni. Ama ji na ba-bɔyɛ kɔl a cay gasɨn̰-kɔl gaŋ.

1 Ja̰ 2:10

Ama ungo gɨ na gey karmii ga ban̰aŋ dan̰ ga kandɨ na, ban som na a duroy asɨn̰a gɨŋ bɨ, ban ɨran̰ dan̰ hɨnga ga kɨya dɔgɛ tɨbayi dorii a te gɨyəŋ gɨŋ coŋ naŋ bɨ.

Wasɨn̰a 2:14

Ama hɨnga ga ɨŋ kan̰ɨn̰ kɔl kardɨgɨŋ dḛ na, na kɔl gɨ da kalaŋ ga pɨna wo̰ ga lun̰doŋge kardi hɨnga ga ni gɨle ga da Balam. Ban naa gosɨr kɨlma Balag ɗe na gɨybɨge te wɨn̰je gɨ da Ɨsɨrayɛl ɗe na dɨn̰ge kuyoŋ ga been̰ge kɨbar bɨn̰ kulan̰əŋ bɨ, ɗe na yoyɨn̰ge dan̰ gangɨ cayge bɨ.