Magtubu di Pol wal bɨn̰ kalaŋ ga Rɔm 14:1 - Gabri Maja

¹ Ungo gɨ ɨrɨmedi usa a te aye kudurɔ gɨŋ naŋ ƴee le, ƴɨmayigɨŋ gusɨgɨŋ dɨle bɔyɛ kɔl a cay ɨrɨmedi gɨŋ.

Magtubu di Pol wal bɨn̰ kalaŋ ga Rɔm 14:1 ပူးပေါင်းရင်းမြစ်များ

Matɨyo 12:20

Ban kɨya bɔyɛ kɨdɨra gɨ suloyge naŋ bɨ, Kɨya baye tɨwa di ƴee jḛ ti lamba dɨŋ naŋ bɨ, Bɨrɨŋ gɨsɨn̰ gɨ ban gɨ lɔɔ gɨ ɗe hɨnga ga dan̰ durɔ ayɨn̰ banga.

Matɨyo 14:31

Kɨɗɨn̰di ga nee gaŋ le bɨ, Jesu dobɨ kobi ƴomii bɨ, yey hɨn̰: «Aye kudurɔ kon̰ ɓala hɨnga naŋ. Na kɨya wa ma mɨn̰ man̰ dan̰ gusɨn̰ ga?»

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Marg 7:19

kɨya wa hɨnga ga nee le andaŋ ɗugoy naŋ, ama andaŋ na kuduroy bɨ, kardi nee andaŋ gusi coŋ le kɛ kɨŋ sɨla wo̰ naŋ ga?» Dan̰ gɨyəŋ gɨ da kɔl gɨ nee le Jesu gɨl gɨ hɨnga ga ni dɔɔ nɔm naa hɨnga ga ojɨ ga ni dɔɔ.

Kɔl-gɨ-Ɗari gɨ Lug wal 17:2

Hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayi dɨbii ɗurɔm duroy kuray gɨ gumu taa taa gɨŋ coŋ na, golgo kɨya cayi, ɗɨn̰ gɨ ban na sɨma bɨ layda kan ga aye kudurɔ koge ɓala naŋ.

Kɔl-gɨ-Ɗari gɨ Ja̰ wal 13:20

Jagɨŋ! Aŋ yəgɨŋ daa waŋ na cɨndi: «Waŋ waŋ gɨ na ƴɨma ban gɨ ɨŋ gɨyi kuɗa gusi na, ƴɔmɔŋ na ɨŋ-bandi gusi bɨ. Waŋ waŋ gɨ ƴɔmɔŋ kuɗa gusi le, ƴom na ban gɨ gɨyəŋ kuɗa gusi bɨ.»

Gɨye-lɔɔ 28:2

Kalaŋ ga somge nee le, leege ɗarwa di ɗɨn̰ cɨn̰-kɨɗɨn̰ danani. Kan noŋgɨge tɨwa di gumu bɨ ƴomnige gusɨge ani na ƴobɨ, kɨya wa Kumu ongɨ bɨ, kal dii kɨɗɨn̰ tɔgɨ bɨ.

Magtubu di Pol wal bɨn̰ kalaŋ ga Rɔm 11:15

Hɨn̰ gɨ cɔrɛ gɨ Kumu ba cor Jubɨn̰əŋ ɗege sɛdɨ le, na laa ɗe gɨ kalaŋ ga a cay gɨsəŋ gaŋ na bugoŋge pɨna dan̰ Kumu na, kɛ wɔlɛ gɨ Kumu na jɨga ƴɨmage gusi ɗaŋ coŋ na gɨ bɨle wɔyɛ na mɨna mɨna coŋ ga? Kalaŋ ga mage kɨya bɔyɛge lɨbe!

Magtubu di Pol wal bɨn̰ kalaŋ ga Rɔm 14:2

Dan̰ gɨyəŋ gɨ da aye kudurɔ gɨ da kalaŋ ga pɨna na, hɨnga nɔm won̰ na ga ni dɔɔ. Ama kalaŋ ga aye kudurɔ koge usa naŋ le, dii dege na kabɨn̰ hɨnga ƴɔbɨ.

Magtubu di Pol wal bɨn̰ kalaŋ ga Rɔm 14:21

Hɨnga ga ɗari na, ji ɗa ba dɔɔ culɔm bɨ, sɔɔ cɛrɛ di suru bɨ, lɔɔ hɨnga ga kɨya orɨn̰ dan̰ kurɨndɨn̰ a boy ɨsɨna gɨŋ bɨ.

Magtubu di Pol wal bɨn̰ kalaŋ ga Rɔm 14:3

Hɨn̰ wo̰ na, kuɗa gɨ ban gɨ ba-dɔɔ hɨnga ga toyge kan̰dɨge kan̰dɨge le, hagɨre ban gɨ ba-dɔɔ kabɨn̰ hɨnga ƴɔbɨ le naŋ bɨ. Ban gɨ ba-dɔɔ kabɨn̰ hɨnga ƴɔbɨ le, kuɗa gɨ ban bɔyɛ kɔl a cay ban gɨ ba-dɔɔ hɨnga nɔm le naŋ bɨ. Kɨya wa kurɨndɨn̰ le kalɨn̰ ma, Kumu ƴomii gusi bɨ.

Magtubu di Pol wal bɨn̰ kalaŋ ga Rɔm 15:1

Na hɨn̰ wo̰ ma, na-gandi ga na osu a te aye kudurɔ gɨŋ le, ojɨ gɨ na dɨbɨ ɗugoyna cay karmɨna ga usa a te aye kudurɔ gɨŋ naŋ. Ɗanagɨŋ baa lɔɔ hɨnga ga kɨya ƴɔɔ cɨndɨna na-gandi.

Magtubu di Pol wal bɨn̰ kalaŋ ga Rɔm 15:7

Naa hɨn̰ wo̰ na, kuɗa gɨ waŋ waŋ kalɨn̰ ma ƴɨma kurɨndi a gusi, hɨn̰ gɨ Kɨris ba ƴomnagɨŋ a gusi wo̰ bɨ, ɗe Kumu wan̰ gusoŋ-tɔgɛ.

Magtubu di Pol wal bɨn̰ kalaŋ ga Rɔm 4:19

Abɨraham sol gusi gɨ ban lee gɨ əsi bɨ, sol gɨ ban na ɨran̰ dan̰ dɔnɔ gɨ ni won̰ kɨye naŋ bɨ, kɨya wa ɨlgedi ɓal hɨn̰ ɨlge aru wo̰. Ban sol gɨ tamdi Sara kalɨn̰ ma lee di əsi bɨ ɨran̰ dan̰ dɔnɔ di ni won̰ kɨye naŋ bɨ. Ama hɨnga ga nee le, laa gɨ aye kudurɔ gɨ da Abɨraham gabaŋ naŋ.

1 Korɛ̰t 9:22

Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

Pilib 2:29

Na toy di hɨn̰ wo̰ ma, kuɗa gɨ kɨŋ ƴɨmayi gusɨgɨŋ dan̰ gusi-mɔwa gɨɗaŋ dan̰ guson̰ Ba-gulɔŋ. Aŋ yəgɨŋ, kalaŋ ga hɨn̰ wo̰ le, kuɗa gɨ kɨŋ bɨge hurɔmɔ.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

Əbɨro 5:14

Ama hɨnga ga ni dɔɔ ga osi le, woy na kɨya cay kalaŋ ga cɨndɨge naa te aye kudurɔ, kalaŋ ga nee le gɨlge dɔrɛ cɨn̰ hɨnga ga ɗari dan̰ ga ɨsɨni kɨya wa kan leedege daa daa.

2 Ja̰ 1:10

Hɨn̰ gɨ ungo na ɨre gusɨgɨŋ ma na ɨran̰ dan̰ hɨnga ga ni gɨle ga nee le naŋ na, kɨŋ ɗɔɔ ba ƴomii gusɨgɨŋ a duroy ƴaadɨgɨŋ gɨŋ bɨ, looyiigɨŋ lapɨya naŋ bɨ.