Magtubu di Pol wal bɨn̰ kalaŋ ga Rɔm 13:7 - Gabri Maja

⁷ Waŋ waŋ kalɨn̰ ma, biigɨŋ hɨnga ga ojɨ cay cay: Bɨn̰gɨŋ hɔgɛ lambo ba-hɔgɛ lambo bɨ. Bɨn̰gɨŋ gursu da magtubu, ka-magtubu bɨ. Dɨbɨgɨŋ hurɔmɔ cay ungo gɨ ojɨ gɨ kɨŋ kɨya dɨbe hurɔmɔ cayi bɨ. Ayagɨŋ cay ungo gɨ ojɨ gɨ kɨya aye cayi daa, daa bɨ.

Magtubu di Pol wal bɨn̰ kalaŋ ga Rɔm 13:7 ပူးပေါင်းရင်းမြစ်များ

Matɨyo 17:25

Pɨyɛr dɨbɨge cay nee yege hɨn̰: «Ban kɨya bee.» Kɨɗɨn̰ ga ban or bugoŋ ƴen̰ na, Jesu de tumoy ɨngɨrii yeyi hɨn̰: «Simo, boy ɨrɨme dɨn̰ gɨŋ na, kɛrɨmbɛlɛŋ ga cay gɨsəŋ gaŋ kɨya ƴɔɔge lambo wala, kɨya hɔgɛge cay hɨnga na kobɨ ga ani ga? Kan kɨya ƴɔɔge na kobɨ karɨn̰aŋ ka-ƴaa wala, na kobɨ kɨrge ga?»

Matɨyo 22:21

Kan dɨbiige cay nee yeyige hɨn̰: «Na gɨ da Sejar.» Ɨni na, ban yege hɨn̰: «Naa hɨn̰ wo̰ na, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.»

Marg 12:17

Ɨni na, Jesu yege hɨn̰: «Naa hɨn̰ wo̰ na, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.» Lee gɨ kɔl kayge yɔd cay kɔl gɨ ban ba dɨbɨge cay nee le.

Kɔl-gɨ-Ɗari gɨ Lug wal 20:22

Kuɗa, yani ƴee bɨ, kɛ bɨn̰ hɔgɛ lambo kɨlma gɨ gumu Sejar le, na hɨnga ga ni lɔɔ wala, na hɨnga ga ni lɔɔ naŋ ga?»

Kɔl-gɨ-Ɗari gɨ Lug wal 20:25

Ɨni na, ban yege hɨn̰: «Kuɗa, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.»

Kɔl-gɨ-Ɗari gɨ Lug wal 23:2

Kan sayge sige kɔl cayi yege hɨn̰: «Ni way ungo gɨ kɛ le te mɔndɛ te wɔɔ gɨ da kalaŋ kana bɨ, narge gɨ kan na gɨ bɔyɛ hɔgɛ lambo bɨn̰ kɨlma gɨ gumu Sejar gɨ ba-dɔɔ cay ƴaa di Rɔm naŋ bɨ, ban ye gɨ ɗi ban mayi naa kɨlma Kɨris ban gɨ Kumu naa dorii le nee bɨ.»

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

Magtubu di Pol wal bɨn̰ kalaŋ ga Rɔm 13:6

Na toy di hɨn̰ wo̰ ma ɗaŋ coŋ, kɨŋ bee hɔgɛ lambo kɨya wa kalaŋ ga ka-hɔgɛ lambo kobɨgɨŋ le, na kalaŋ ga Kumu gusi ba sɨge a kɨbɨ gɨye gɨ nee gɨŋ le, ɗe kan na lee.

Epɛs 5:33

Ama gɨ ni orɨn̰ dan̰ kɔl le tumɔ tɔgɨ naŋ na, kuɗa gɨ waŋ waŋ kalɨn̰ ma gey tamdi hɨn̰ kuyoŋdi-gusi wo̰ bɨ, kɨŋ-gandi kandɨ kalɨn̰ ma kɨŋ bɨgan̰ kodɨn̰igɨŋ kɔl bɨ.

Epɛs 6:5

Kɨŋ ga ni gɔyɔŋ jagɨŋ kɔl kɨbɨ ka-gulondɨgɨŋ ga cay gɨsəŋ gaŋ bɨ, bɨgagegɨŋ kɔl bɨ, hurɔmɔ bɨ. Laagɨŋ gɨye bɨge dan̰ kuduroygɨŋ ga pɨna, hɨn̰ gɨ kɨŋ ba leen̰ gɨye bɨn̰ Kɨris wo̰ bɨ.

1 Timote 5:13

Ɗaŋ coŋ, kɨɗɨn̰ ga gɨye gɨ kan kɨya lɔɔ na unɔ na, ayge na te gɔrɛ kɨbɨ kalaŋ. Ama gɨ ɨsɨn ɗɨn̰ gɨ nee le na, kan na ka-hurɔɗɛ-kɔl bɨ, ka-sɔlɛ game kɔl kuduroyge naŋ bɨ, ka-yɔɔ-kɔl gɨ wɨyan̰ gɨ ni yɔ naŋ bɨ.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

1 Timote 6:1

Kuɗa gɨ ka-aye kudurɔ nɔm ga na gɔyɔŋ le, sɨlage ka-gulondɨge hɨn̰ kalaŋ ga kan ɓalge dɨbɨge hurɔmɔ nɔm a cayge, ɗe ungo yagɨdɨn̰ guson̰ Kumu naŋ bɨ, ungo yon̰ kɔl gɨ ɨsɨni cay kɔl gɨ ni gɨle gɨŋ naŋ bɨ.

1 Pɨyɛr 3:7

Kogɨŋ kɨŋ-gandi kandɨ kodɨn̰ige ba kɛ: Kɨɗɨn̰ ga kɨŋ na sɨma dan̰ kandɨn̰igɨŋ na, kuɗa gɨ kɨŋ sɨla gɨ kan na kalaŋ ga usa tɔgɨ naŋ. Kɨŋ bɨge hurɔmɔ kɨya wa naa wa wa kalɨn̰ ma, kan kɨya wɔɔ sɔmɛ-bɨra gɨ Kumu be kalɨn̰ le danagɨŋ bɨ. Kɨŋ laa hɨn̰ wo̰ ɗe hɨnga pɨna lɨgɨ gɨyəŋ ɔlɛ Kumu kogɨŋ naŋ.