Magtubu di Pol wal bɨn̰ kalaŋ ga Rɔm 13:2 - Gabri Maja

² Na toy di hɨn̰ wo̰ ma, ungo gɨ na ɨr-cɨn̰ ka-dɔɔ-ƴaa na, ban gangɨ kɔl na dan̰ hɨnga ga Kumu ba ɗɔɔ toyge. Ungo gɨ ba gange kɔl le, mal na bɔyɛ kɔl gɨ da Kumu bee a cayi gusi koyi gɨŋ gaŋ.

Magtubu di Pol wal bɨn̰ kalaŋ ga Rɔm 13:2 ပူးပေါင်းရင်းမြစ်များ

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Marg 12:40

Kan na ka-lɔbdɛ hɨnga ga da kandɨ ga kodɨn̰ige ma bɨ, ka-ɔlɛ Kumu kardɨge sɨngɨɗɨ tumoy kalaŋ bɨ, kɨɗɨn̰ ga kan na ɨr tumoy kalaŋ na, kan lee gusɨge leen̰ hɨn̰ kalaŋ ga dan̰ durɔ ɗɨngar wo̰ bɨ. Kɔl gɨ kan ba kɨya bɔyɛ cayge le kɨya dɨmbɨrwa tɔgɨ.»

Kɔl-gɨ-Ɗari gɨ Lug wal 20:47

Kan na ka-lɔbdɛ hɨnga ga da kandɨ ga kodɨn̰ige ma bɨ, kɨɗɨn̰ ga kan ɨre tumoy kalaŋ kɨya ɔlɛ Kumu na, kan lee gusɨge hɨn̰ kalaŋ ga dan̰ durɔ ɗɨngar wo̰. Kɔl gɨ kan kɨya bɔyɛ a cayge le, kɨya dɨmbɨrwa tɔgɨ.»

Magtubu di Pol wal bɨn̰ kalaŋ ga Rɔm 13:1

Kuɗa gɨ waŋ waŋ kalɨn̰ ma, dɨba cayi dugo a tumoy ka-dɔɔ cay ƴaa kɨya wa kɨlma le, na Kumu ba sii bɨ, kan ga diige cay ƴaa le, na Kumu ba sɨge a cay kali-tɨrɨmbala dɨŋ bɨ. Kan ga dɔɔ-ƴaa woy a kobɨge le, na Kumu ba sɨge a boy gɨye gɨ da dɔɔ-ƴaa gɨŋ bɨ.

Magtubu di Pol wal bɨn̰ kalaŋ ga Rɔm 13:3

Na cɨndi, ungo gɨ ba lɔɔ hɨnga ga ɗari le, kɨya hundɔrɔ ka-dɔɔ cay ƴaa naŋ. Ama na ungo gɨ ba lɔɔ hɨnga ga ɨsɨni ba kɨya hɨndarge. Hɨn̰ gɨ ji na gey hundɔrɔ ba-dɔɔ cay ƴaa naŋ na, laa hɨnga ga ɗari. Ji na laa hɨnga ga ɗari na, ban kɨya hɨramɨn̰.

Magtubu di Pol wal bɨn̰ kalaŋ ga Rɔm 13:5

Na toy di hɨn̰ wo̰ ma, ojɨ gɨ kɨŋ na dɨba caygɨŋ dugo tumoyi ka-dɔɔ cay ƴaa. Kɨŋ hundɔrɔ na kol kuduroy-hɔmɛ di da Kumu ƴɔbɨ naŋ, ama ɗe ɨrɨmedɨgɨŋ na dɨbɨ kɔl caygɨŋ naŋ.

Magtubu di Pol wal bɨn̰ kalaŋ ga Rɔm 9:19

Kuɗa naŋ na, ji kɨya ɨngɨrəŋ yɔ hɨn̰: «Hɨn̰ gɨ Kumu na laa hɨn̰ wo̰ na, kɛ na kɨya wa ma ban kɨya ɗale kalaŋ ga pɨna kol gɨye-lɔɔdɨge ga? Kɛ, na waŋ ba kɨya ɓale nare kuduroy-geye gɨ da Kumu ga?»

Titɨ 3:1

Ji hɨn kuduroyge a cay kɔl gɨ ojɨ cay dɔbɛ ca dugo tumoy ka-dɔrɛ tumoy kalaŋ bɨ, ka-dɔɔ cay ƴaa bɨ, cay kɔl gɨ ni jɔɔ bɨ, ɗe na ƴomɨn̰ge cay tɨbayge cay lɔɔ hɨnga ga ɗari pɨna pɨna nɔm bɨ.

Magtubu di Jag wal 3:1

Karmɨnɨ ga ban̰aŋ dan̰ kandɨ, ɗɔɔgɨŋ gɨ kalaŋ kondɨwa duroygɨŋ sɔge dan̰ cay gusɨge koge bɨlege ka-gɨlɨn̰ kamdige kɔl naŋ. Kɨya wa kɨŋ sol gɨ na-gandi ka-gɨlɨn̰ kalaŋ hɨnga le, kan kɨya bɔyɛ kɔl osɨwa gɨɗaŋ cay nagɨŋ ɗɨn̰ kan ga ɗaŋ.

1 Pɨyɛr 2:13

Kɨya cay Ba-gulondɨna le, jagɨŋ kɔl kɨbɨ ungo gɨ ani ani gɨ orɨn̰ dan̰ tɨrɨmbala. Jagɨŋ kɔl kɨbɨ kɨlma ba-dɔɔ cay ƴaa.