Magtubu di Pol wal bɨn̰ kalaŋ ga Rɔm 13:13 - Gabri Maja

¹³ Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Magtubu di Pol wal bɨn̰ kalaŋ ga Rɔm 13:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:6

Kan sɔɗɨmɔŋ na kalaŋ ga gɨye-lɔɔdɨge or dan̰ durɔ ɗɨngar tumoy Ba-gulɔŋ Kumu bɨ. Gorge a cay te tumɔ di da Ba-gulɔŋ Kumu dɨŋ nɔm bɨ, hɨnga nɔm ga Kumu ye gɨ kan na laa le, beege kɔl cay nee leege dan̰ gɨyəŋdɨge kuɗa, ɗe masadɨge unɔ.

Kɔl-gɨ-Ɗari gɨ Lug wal 16:19

«Gɨlmi gɨ pɨna wo̰ gɨ na ba wɔɔ hɨnga woy nee. Ban tobɨde badɨge ga yɨle pɨrɨm pɨrɨm bɨ, ga kɨledɨge osɨ tɔgɨ bɨ gusi. Ban dii bɨ sii bɨ leen̰ gusi-mɔwa di gumu dan̰ wɔlɛ pɨna pɨna.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

Gɨye-lɔɔ 2:15

Kɨŋ ye gɨ kalaŋ ga nee le na koyge naa kɔyɛ. Na cɨndi naŋ. Na waŋ ba kɔyɛ cɛrɛ dan̰ tɨwa dɨngɛsɨ di ni jogɨɗu ga?

1 Korɛ̰t 3:3

Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

Galad 5:19

Kalaŋ nɔm solge tabɨlaŋdi hɨnga ga ɨsɨni ga da kuyoŋdi-gusu le. Kan ba wɔyɛ kɛ: Yɔyɛ dan̰ gangɨ caygɨŋ bɨ, lɔɔ hɨnga ga ni dasi bɨ, yɔyɛ gorɨn̰ daa bɨ,

Galad 5:21

orɨn̰ dan̰ tabɨlaŋdi hɨnga ga da mɨgan̰ bɨ, kɔydɛ cɛrɛ tɔgɨ bɨ, lɔɔ harne bɨ, hɨnga ga ɗaŋ ga gɨlɨn̰ hɨn̰ wo̰ bɨ. Aŋ yəgɨŋ tumɔ jugu hɨn̰ gɨ ɨŋ ba yəgɨŋ le, kalaŋ ga ka-lɔɔ hɨnga ga hɨn̰ wo̰ le, kɨya andaŋge a boy dɔɔ-ƴaa di da Kumu dɨŋ naŋ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Epɛs 5:15

Ɨrɨmgɨŋ kuɗa a cay gɨye-lɔɔdɨgɨŋ gɨŋ. Kɨŋ ɗɔɔ ba lɔɔ hɨnga hɨn̰ kalaŋ ga ɨran̰ge dan̰ cɨn̰-muɗɔlɛ naŋ wo̰ naŋ, ama kɨŋ laa hɨnga hɨn̰ kalaŋ ga muɗoldoŋ wo̰.

Epɛs 5:18

Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

1 Tesalonigɨ 4:12

Hɨn̰ gɨ kɨŋ na laa hɨn̰ wo̰ na, kalaŋ ga doŋ kɨya dɨbege hurɔmɔ cay gɨye-lɔɔdɨgɨŋ bɨ, kɨŋ kɨya nɨn̰in̰ ungo pɨna naŋ bɨ.

1 Tesalonigɨ 5:17

Ulagɨŋ Kumu daa daa bɨ.

Magtubu di Jag wal 4:5

Kɔl gɨ kan wal duroy Magtubu di da Kumu dɨŋ ye hɨn̰: «Kumu gey turnɔ di ban ɗo som kuduroynagɨŋ le bɨrɨŋ leen̰ jangɨ.» Kɛ kɨŋ ɨrɨm hɨn̰ gɨ, Magtubu di da Kumu le, na ye kɔl gɨ nee le na kalɨn̰ wo̰ dugo ga?

1 Ja̰ 2:6

Ungo gɨ na ya gɨ ɗi na bugoŋ pɨna dan̰ Kumu na, ojɨ gɨ ban kɨya ɔrɛ a cay gɨsəŋ gaŋ hɨn̰ gɨ Kɨris ba orɨn̰ a cay gɨsəŋ gaŋ wo̰ bɨ.

2 Ja̰ 1:4

Gusɨnɨ mɔŋ tɔgɨ yɔd kɨɗɨn̰ ga ɨŋ usɨbɔŋ dan̰ karɨnde ga pɨna bɨ, ɨŋ solge te gɔrɛ a te kɔl gɨ cɨndi gɨŋ hɨn̰ gɨ Baynagɨŋ ba an̰ te tumoyi bɨnagɨŋ wo̰.

Magtubu di Jud wal 1:23

Pɨɗagegɨŋ kɨbɨ tɨwa dɨŋ coŋ. Gɨ ojɨ cay toyge di baa na, sɨlagɨŋ cɨn̰-n̰age toge. Ama ɗagɨŋ muɗɔlɛ a cay gusɨgɨŋ, ɗe agɨŋ andaŋ boy gɨye lɔɔdɨge gɨ ɨsɨni gɨŋ naŋ.