Magtubu di Pol wal bɨn̰ kalaŋ ga Rɔm 12:3 - Gabri Maja

³ Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 12:3 ပူးပေါင်းရင်းမြစ်များ

Kɔl-gɨ-Ɗari gɨ Lug wal 18:11

Parɨsɨn̰a le de say ɨre daa bɨ, ol Kumu dan̰ kuduroy ye hɨn̰: “Ay Kumu, ɨŋ hɨramɨn̰ kɨya gɨ ɨŋ wɨya hɨn̰ kalaŋ ga ɗaŋ wo̰ naŋ. Kan na ka-hase bɨ, ka-lɔɔ hɨnga ga ɨsɨnde bɨ, ka-yɔyɛ kandɨ ga da kamdɨge wala ban̰aŋ ga da kamdɨge bɨ. Wala hɨn̰ ba-hɔgɛ lambo gɨ ba kɛ le naŋ.

Kɔl-gɨ-Ɗari gɨ Ja̰ wal 3:34

Kɨya wa ungo gɨ Kumu gɨygii le, Kumu bii Turnɔ di kagado unɔ, lee gɨ ban ye na kɔl gɨ da Kumu.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 11:20

Kɔl kon̰ na cɨndi. Ama hale gɨybəŋ naŋ, kan sɨdɨrdege coŋ na kɨya gɨ kan bɨgage kuduroyge a cay Kumu naŋ, ama ji-bandi na ji som ban̰dɨge na kol bɔgɛ kudurɔ kon̰ ƴɔbɨ. Dɔgɛ jorgɨn̰ naŋ. Ɗa muɗɔlɛ a cay gusɨn̰ gɨŋ.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 3:10

Kumu lee ɗarwa danaŋ lee gɨ ɨŋ ɗe te ƴaa hɨn̰ ba-gaɗe ƴaa gɨ sol gɨye koyi kuɗa wo̰ bɨ, ungo gɨ ɗaŋ gaɗɨ cay nee. Ama ɗa gɨ waŋ waŋ kalɨn̰ ma ɗa muɗɔlɛ a te gɨyəŋ gɨ ban kɨya gaɗɨn̰ ƴaa cay nee.

1 Korɛ̰t 7:17

Gasi kɔl ba kɛ, ɗa gɨ waŋ waŋ kalɨn̰ ma sɨma hɨn̰ gɨ tumɔ Ba-gulɔŋ ba bii gɨ ni somɨn̰ kɨɗɨn̰di gaŋ pa dɨm ma Kumu ba teeyi ƴee le. Na hɨnga ga nee le ma na te tumɔ di ɨŋ bɨn̰ Ka-Daye a kɨɗɨn̰ gaŋ nɔm.

2 Korɛ̰t 10:13

Ama ni-gandi na, ni kɨya gɨle gusɨni tɔgɨ naŋ. Ni sol cay kɨɗɛlɛ koni. Ni ye na kol gɨye gɨ ni lee a cay gɨsəŋ ga na cay kɨɗɛlɛ gɨ Kumu ojɨ bɨni gaŋ. Na cɨndi, kɨŋ-gandi kalɨn̰ ma kɨŋ woy na a kɨɗɨn̰ gɨye gɨ Kumu ojɨ cayi bɨni gɨŋ.

2 Korɛ̰t 12:13

Naa hɨn̰ wo̰ na, hɨnga ga Ka-Daye ga ɗaŋ wayge ma kɨŋ-gandi kɨŋ waa naŋ le na wa ga? Kɛ na nɨn̰e gɨ ɨŋ nɨygɨŋ naŋ le ƴɔbɨ naŋ ga? Hɨn̰ gɨ ɨŋ na laa naa hɨnga ga dan̰ gɨyəŋdɨge naŋ danagɨŋ na, ɨŋ olgɨŋ gɨ kɨŋ ɗa kuduroygɨŋ jala canɨ koldɨge.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

Galad 6:3

Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ.

Epɛs 3:2

Aye gɨ Kumu ayaŋ leen̰ gɨye kol caygɨŋ dan̰ kuduroy-ɗarwa toyi le, kɨŋ je koldi.

Epɛs 3:4

Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Pilib 2:13

Ho’o, na Kumu gusi ba lɔɔ gɨye kuduroygɨŋ bɨ, bɨgɨŋ kuduroy-geye dan̰ tɔgɨ ɗe agɨŋ na leen̰ hɨnga ga ɗari ga ban ojɨ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 2:13

Kɨŋ ga tumɔ kɨŋ madɨrdaŋ kol gɨye-lɔɔdɨgɨŋ gɨ ɨra dan̰ gɨyəŋdi naŋ bɨ, kol wale gɨ walagɨŋge ban̰a naŋ bɨ le, Kumu lee gɨ kɨŋ jɨga som-bɨra dan̰ Kɨris. Ban ɗe kuduroy jal a cay gɨye-lɔɔdɨgɨŋ gɨ ɨra dan̰ gɨyəŋdi naŋ nɔm.

1 Timote 1:14

Ama Ba-gulondɨna lee ɗarwa danaŋ tɔgɨ. Ban lee gɨ ɨŋ ay kuduronɨ bɨ, ɨŋ ƴom wandɨ danayi bɨ, kɨya cay bugoŋ gɨ ɨŋ bugoŋ pɨna dan̰ Jesu-Kɨris.

1 Timote 2:15

Ama tama kɨya wɔɔ pɔɗɛ na kɨya cay kɨye gɨ hɨndi kɨya wɔɔ, naa gɨ hɨndi na ƴɨma guso usa te gɨyəŋ gɨ da aye kudurɔ gɨŋ bɨ, wandɨ dɨŋ bɨ, gɨye-lɔɔ gɨ woy dan̰ cɨndi bɨ, dan̰ gɨle guso naŋ bɨ.

1 Timote 2:9

Ɨŋ gey gɨ kandɨ kalɨn̰ ma, kuɗa gɨ kan tɨbage badɨge ga dan̰ gɨyəŋdɨge bɨ, tɨbage hɨnga gusɨge dan̰ tɔbɛ hɨnga ga orɨn̰ dan̰ hurɔmɔ bɨ, ga wɨya gɨ ni gɨlɨn̰ gusɨge naŋ bɨ. Kuɗa gɨ kan tɨbage badɨge dan̰ ƴɔmɛ caa di dojɨ naŋ bɨ, dan̰ hɨnga ga ni lɔr naŋ bɨ, dan̰ mon̰ naŋ bɨ, dan̰ badɨge ga kɨledɨge osɨ naŋ bɨ.

Titɨ 2:12

Ɗarwa di nee le gɨlnagɨŋ gɨ na na ɗa gɨye-lɔɔ gɨ bugoŋ pɨna dan̰ Kumu naŋ coŋ bɨ, tabɨlaŋdi hɨnga ga cay gɨsəŋ gaŋ kɛ coŋ bɨ. Ɗarwa di nee le gɨlnagɨŋ ana na somɨn̰ a tɨwa di haw dɨŋ kɛ kɨya solɨn̰ hɨnga ga ɗari dɨm mana kɨya lɔɔ ƴee bɨ, loon̰ gɨye gɨ dan̰ durɔ ɗɨngar bɨ, loon̰ gɨye gɨ bugoŋ pɨna dan̰ Kumu bɨ.

Titɨ 2:2

Yan̰ ban̰aŋ ga əsɨdəŋ gɨ kan naa ka-ƴɔmɛ gusɨge kɨbɨ hɨnga gaŋ bɨ, kalaŋ ga ɓalge gɨ kalaŋ bɨgage kɔl cayge bɨ, ka-sɔlɛ hɨnga ga ɗari dɨm ma kɨya lɔɔge bɨ. Yage gɨ kan na ƴɨma usa a te aye kudurɔ gɨŋ bɨ, te geye bɨ, te dɨbe-ɗugɔ dɨŋ bɨ.

Titɨ 2:4

Kuɗa gɨ kan gɨlɨn̰ kambɨle gɨyəŋ gɨ ni geyɨn̰ kodɨn̰ige bɨ, karɨndɨge bɨ,

Titɨ 2:6

Dɨban̰ bandɨ kuduroy marɨne a duroy hɨnga nɔm ɗe kan sol hɨnga ga ɗari dɨm ma leege ƴee.

Magtubu di Jag wal 4:6

Ama Kumu lee hɨnga ga gumu tɔgɨ ɗɨn̰ hɨnga nɔm, kɨya gɨlnagɨŋ na ɗarwa toyi. Na hɨn̰ wo̰ ma, kan walge hɨn̰: «Kumu jɨbɨ ka-dɔgɛ jorgɨyge sɛdɨ coŋ, ama ban lee ɗarwa toyi dan̰ kan ga dɨgage jorgɨyge naŋ.»

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

3 Ja̰ 1:9

Ɨŋ wal kɔl magtubu dɨŋ gɨyɨn̰ bɨn̰ Ka-Daye, ama Dɨyotɨrɛp kan̰ ƴɔɔ kɔl kona kɨya wa ban gey wɔyɛ mɨjag na ba cay Ka-Daye.