Magtubu di Pol wal bɨn̰ kalaŋ ga Rɔm 12:16 - Gabri Maja

¹⁶ Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

Magtubu di Pol wal bɨn̰ kalaŋ ga Rɔm 12:16 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Matɨyo 26:11

Kan ga wɔɔdɨge unɔ le, woyge danagɨŋ dan̰ wɔlɛ pɨna pɨna. Ama ɨŋ-bandi na, ɨŋ kɨya sɔmɛ danagɨŋ dan̰ cɨnɨ naŋ.

Kɔl-gɨ-Ɗari gɨ Lug wal 14:13

Ama kɨɗɨn̰ ga ji na mɨla kalaŋ dɔɔ dɔɔ gusi-mɔwa gɨ gumu na, kuɗa gɨ ji mɨla na kalaŋ ga wɔɔdɨge unɔ bɨ, ga kɨwayge sumbɨdoŋ bɨ, ka-modoŋ dan̰ ka-bɨbe bɨ.

Kɔl-gɨ-Ɗari gɨ Lug wal 6:20

Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Gɨye-lɔɔ 4:32

Kalaŋ nɔm ga ba ayge kuduroyge le, beege kuduroyge dan̰ ɨrɨmedɨge pɨna. Ungo gɨ ba-lɔɔ hɨnga wɔɔdi leen̰ kayi dan̰ cay gusi unɔ bɨ. Hɨnga nɔm na kage nɔm.

Magtubu di Pol wal bɨn̰ kalaŋ ga Rɔm 11:20

Kɔl kon̰ na cɨndi. Ama hale gɨybəŋ naŋ, kan sɨdɨrdege coŋ na kɨya gɨ kan bɨgage kuduroyge a cay Kumu naŋ, ama ji-bandi na ji som ban̰dɨge na kol bɔgɛ kudurɔ kon̰ ƴɔbɨ. Dɔgɛ jorgɨn̰ naŋ. Ɗa muɗɔlɛ a cay gusɨn̰ gɨŋ.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 15:5

Kumu gɨ ba-bee haye-kudurɔ bɨ bandɨ bɨ, kuɗa gɨ ban bɨgɨŋ ɨrɨme gɨ ni somɨn̰ pɨna nɔm togɨŋ dɨŋ, agɨŋ kobɨn̰ gɨyəŋ gɨ da Jesu-Kɨris,

Magtubu di Pol wal bɨn̰ kalaŋ ga Rɔm 6:2

Cə, na hɨn̰ wo̰ naŋ bɨrɨŋ! Na-gandi ga na ma bɨ andaŋ a te dɔnɔ di da ɨsɨna gɨŋ coŋ bɨ le. Kɛ na mɨna ma mana kɨya sɔmɛ a boy ɨsɨna gɨŋ coŋ ga?

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

1 Korɛ̰t 3:18

Ɗɔɔ gɨ ungo pɨna wo̰ cɨndi narii naŋ. Hɨn̰ gɨ ungo duroygɨŋ na ɨrɨm gɨ ban naa ba cɨn̰-muɗɔlɛ hɨn̰ kalaŋ ga cay gɨsəŋ gaŋ kɛ na, ɗa gɨ ban bɨl ba dɨngale kɨya bɨlɨn̰ ungo gɨ ba cɨn̰-muɗɔlɛ.

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

1 Korɛ̰t 6:5

Ɨŋ yəgɨŋ hɨn̰ wo̰ na kɨya dɨbɨn̰ dasi caygɨŋ. Ungo pɨna wo̰ duroygɨŋ gɨ ba cɨn̰-muɗɔlɛ gɨ kɨya ɓale bɔyɛ kɔl gɨ da ka-karme unɔ duroygɨŋ bɨrɨŋ ga?

1 Korɛ̰t 8:2

Hɨn̰ gɨ ungo na ɨrɨm kuduroy gɨ ban na ba sɔlɛ-hɨnga na, ban sɨla hɨnga hɨn̰ gɨ ojɨ gɨ ban gɨ sɔlɛ naŋ ƴee.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 3:16

Ama naa hɨn̰ wo̰ kalɨn̰ ma, kuɗa gɨ na or cɨndɨna tumɔ a te gɨyəŋ gɨ na ba ɨre boy nee bɨrɨŋ gɨsɨn̰ labɨde le.

Pilib 4:2

Ebodi bɨ, Sɛ̰ntɨsə bɨ, ɨŋ olgɨŋ, kuɗa gɨ ɨrɨmedɨgɨŋ bugoŋ pɨna hɨn̰ ka-karme ga kandɨ ga bugoŋge pɨna dan̰ Ba-gulɔŋ wo̰.

Əbɨro 13:5

Ɗɔɔ gɨ haldɨgɨŋ wɔyɛ hɨn̰ hal gɨ da kalaŋ ka-lɔɔ te gursu naŋ. Ama ɗe gɨ hɨnga ga kɨŋ ba way haw kɛ le ɓalgɨŋ. Kɨya wa Ba-gulɔŋ gusi ye hɨn̰: «Ɨŋ kɨya ɗon̰ coŋ naŋ bɨ, kan̰ɨn̰ coŋ naŋ bɨ.»

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 5:3

Kan ga kan beegege kobɨgɨŋ ɗe kɨŋ na sɨla kardɨge le, kɨŋ ɗɔɔ ba dɔɔ cayge hɨn̰ kɛrɨmbɛlɛŋ wo̰ naŋ. Ama kuɗa gɨ kɨŋ wɨya hɨn̰ hɨnga ga ni ƴɔlɛ gɨ da te gamge le wo̰.

3 Ja̰ 1:9

Ɨŋ wal kɔl magtubu dɨŋ gɨyɨn̰ bɨn̰ Ka-Daye, ama Dɨyotɨrɛp kan̰ ƴɔɔ kɔl kona kɨya wa ban gey wɔyɛ mɨjag na ba cay Ka-Daye.