Magtubu di Pol wal bɨn̰ kalaŋ ga Rɔm 11:28 - Gabri Maja

²⁸ Gɨ ojɨ cay Kɔl-gɨ-ɗari na, te wɨn̰je gɨ da Ɨsɨrayɛl woyge na ka-baa ga da Kumu kol cay ɗarwa togɨŋ kɨŋ-gandi ga na Jubɨ naŋ. Ama ojɨn̰ cay dɔrɛ gɨ Kumu dorgɨŋ na, Kumu lee-toyige kol cay mon̰iige.

Magtubu di Pol wal bɨn̰ kalaŋ ga Rɔm 11:28 ပူးပေါင်းရင်းမြစ်များ

Matɨyo 21:43

Na toy di hɨn̰ wo̰ ma aŋ yəgɨŋ, kan kɨya ƴɔɔ dɔɔ-ƴaa di da Kumu kobɨgɨŋ kɨya bɨn̰ te wɔɔ gɨ da kalaŋ ga kɨya ɨrgan̰ge dan̰ kaŋdo.

Kɔl-gɨ-Ɗari gɨ Lug wal 1:54

Ban ɨrga jɨbɨ te wɨn̰je gɨ da Ɨsɨrayɛl ɗe-gɨye toyi, Ɗe kuduroyi na hɨnɨn̰ cay sɔlɛ Gɨ ban sol cɨn̰-n̰age di da kalaŋ kayi,

Gɨye-lɔɔ 14:2

Ama Jubɨn̰əŋ ga ba ayage kuduroyge naŋ le, gosɨrge kalaŋ ga toyge na Jubɨ naŋ, lee gɨ kan ɨrɨmge gɨ ni lɔɔ hɨnga ga ɨsɨni dan̰ karmɨni ka-aye kudurɔ.

Gɨye-lɔɔ 18:6

Ama kalaŋ ga ni Jubɨn̰əŋ kan̰ge kɔl koyi coŋ bɨ, yagɨdiige bɨ. Kɨɗɨn̰di ga nee gaŋ le, Pol gagɨde bundu di a badɨge kayi gaŋ cag cag coŋ dorɨn̰ naji toyi beege cayge bɨ yege hɨn̰: «Hɨn̰ gɨ kɨŋ na kan̰aŋ na, kɨbardɨgɨŋ baa caygɨŋ! Ɨŋ-bandi na, kɔl unɔ canɨ. Ayɨn̰ toy haw kɛ na, ɨŋ kɨya ɔrɛ na gusi kalaŋ ga toyge na Jubɨ naŋ.»

Magtubu di Pol wal bɨn̰ kalaŋ ga Rɔm 11:11

Aŋ ɨngɨrgɨŋ ɗaŋ coŋ sol: Dɔgɛ gɨ te wɨn̰je gɨ da Ɨsɨrayɛl ba de tɨbayige a gundi sɨya gɨŋ le, na ɗe gɨ ban na baa yɔd dan̰ cɨndi ga? Cə, na hɨn̰ wo̰ naŋ bɨrɨŋ! Ama dan̰ gɨyəŋ gɨ da hɨnga ga dan̰ gɨyəŋdɨge naŋ ga Jubɨn̰əŋ leege le, kalaŋ ga toyge na Jubɨ naŋ wan̰ge pɔɗɛ ɨni, ɗe jangɨ na leen̰ Jubɨn̰əŋ.

Magtubu di Pol wal bɨn̰ kalaŋ ga Rɔm 11:30

Jɨne naa, kɨŋ hangɨɗɨ cay kɔl kɨbɨ Kumu, ama haw kɛ na Kumu sol cɨn̰-n̰age togɨŋ, kɨya wa te wɨn̰je gɨ da Ɨsɨrayɛl hangɨɗɨ cay kɔl.

Magtubu di Pol wal bɨn̰ kalaŋ ga Rɔm 11:7

Kɛ, ni gɨ yɔ na wa ga? Te wɨn̰je da Ɨsɨrayɛl waage hɨnga ga kan malge le naŋ. Ama na kalaŋ ga Kumu torge ƴɔbɨ ba wɔɔge. Toyge ga baa na, ɗugoyge say dɨmbɨre.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!