Magtubu di Pol wal bɨn̰ kalaŋ ga Rɔm 11:25 - Gabri Maja

²⁵ Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Magtubu di Pol wal bɨn̰ kalaŋ ga Rɔm 11:25 ပူးပေါင်းရင်းမြစ်များ

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Kɔl-gɨ-Ɗari gɨ Lug wal 21:24

Kan kɨya dɨɗɨge dan̰ pəlɨm bogɨge dugo bɨ, kan kɨya donge orɨn̰ danage dangay a cay gɨsəŋ ga ɗaŋ gaŋ bɨ, te wɔɔ gɨ da kalaŋ ga toyge na Jubɨ naŋ kɨya cagage ɗɔdɨrdɛ Jerusalɛm dugo dan̰ tɨbayge bɨrɨŋ gɨsɨn̰ wɔlɛ gɨ da kalaŋ ga toyge na Jubɨ naŋ kɨya ɔrɛ kɨɗɨn̰di gaŋ.

Kɔl-gɨ-Ɗari gɨ Ja̰ wal 10:16

Ɨŋ orɨn̰ dan̰ gamge ga ɗaŋ ga unɔge a boy jaŋ gɨ kɛ gɨŋ. Naa wa wa kalɨn̰ ma, ɨŋ kɨya malgage ɨrgan̰ danage ƴee. Kan kɨya jɔɔ nonɨ ɨni na, ɨŋ kɨya bogɨge pɨna ɗe bɨlege kondɨwadi te gamge ga pɨna hage bɨ, ba sɔlɛ kardɨge kalɨn̰ ma kɨya wɔyɛ na pɨna hayi bɨ.

Magtubu di Pol wal bɨn̰ kalaŋ ga Rɔm 1:13

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 11:12

Hɨn̰ gɨ hɨnga ga dan̰ gɨyəŋdɨge naŋ ga Jubɨn̰əŋ leege, na ɨren̰ dan̰ ɗarwa a cay te wɨn̰je gɨ da kalaŋ ga a cay gɨsəŋ gaŋ nɔm bɨ, hɨn̰ gɨ bɔɔ gɨ kan ba na ɨren̰ dan̰ tɔrɛ-kɨbɨ gɨ gumu a cay kalaŋ ga toyge na Jubɨ naŋ bɨ na, kɛ kɨɗɨn̰ ga te wɨn̰je gɨ da Ɨsɨrayɛl na jɨge a te gɨyəŋ gɨŋ na, gɨ bɨle na tɔrɛ-kɨbɨ gɨ gumu cɨla coŋ naŋ ga?

Magtubu di Pol wal bɨn̰ kalaŋ ga Rɔm 11:24

Na cɨndi, ji-bandi le ji na kobɨ hɨyadi olibɨye gɨ caa gɨŋ gɨ Kumu an̰ sɨlɨn̰ɨn̰ a hɨyadi olibɨye gɨ busoni a ƴaa dɨŋ, kɨɗɨn̰ ga nee le na kɨɗɨn̰ ga uja na can̰ ɓɨrag naŋ. Naa hɨn̰ wo̰ na, kɨya osɨwa dan̰ Kumu gɨ ni jɨgan̰ dan̰ kobɨ hɨyan̰əŋ ga ban sɨrge coŋ le naŋ bɨ, ban kɨya sɨlɨn̰ɨge a ban̰dɨge di ɓɨrag dɨŋ ɗaŋ coŋ bɨ.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 9:18

Lee gɨ dan̰ kɔl gɨ nee le na, na sol gɨ ungo gɨ Kumu gey sɔlɛ cɨn̰-n̰age toyi na, ban kɨya sɔlɛ cɨn̰-n̰age toyi bɨ, ungo gɨ Kumu gey lɔɔ gɨ kuduroyi na usa na, ban kɨya lɔɔ gɨ kuduroyi na usa bɨ.

1 Korɛ̰t 10:1

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ sɔmɛ dɨle sɔlɛ-hɨnga ga lee mon̰ina ga jɨne naŋ. Kan nɔm somge na a te gɨrɨmbale gaŋ bɨ, kan nɔm gayge kuray gɨ gumu bɨ.

1 Korɛ̰t 12:1

Ay, karmɨnɨ ga ban̰aŋ dan̰ ga kandɨ, ojɨn̰ cay hɨnga ga da Turnɔ ɗe-kuduroy-bɛrɛ le, ɨŋ gey gɨ kɨŋ na sɨla duroyge kuɗa.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

1 Korɛ̰t 4:1

Naa hɨn̰ wo̰ na, kuɗa gɨ kɨŋ sɨlani laan̰ marɨne ka-gɨye ga da Kɨris bɨ, laan̰ kalaŋ ka-sɔlɛ kardi hɨnga ga da Kumu ga woy kɨɗɨn̰ wɔsɛdɨge gaŋ bɨ.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 3:9

Kumu gɨ ba ɗɔɔ hɨnga nɔm ƴom hɨnga ga woy kɨɗɨn̰ wɔsɛdɨge gaŋ le, wosɨge boy ɨrɨmedi gɨŋ na jɨne hayi. Ban gɨyəŋ na ɗe gɨ ɨŋ na dɨran̰ te gɨyəŋdi hɨnga ga woy kɨɗɨn̰ wɔsɛdɨge gaŋ ga Kumu lee le, ɗe arɨn̰ cərərə bɨn̰ kalaŋ.

Epɛs 4:18

Ɨrɨmedɨge na ɨrɨme gɨ woy duroy dɨlɨm dɨŋ. Sɔmɛ-bɨra gɨ Kumu bee le, kan wɨyage boy nee naŋ kɨya wa sɔlɛ-hɨnga naŋ woy cayge bɨ, kuduroyge say osu bɨ.

2 Pɨyɛr 3:8

Karmɨnɨ ga ɨŋ lee-toygɨŋ, hɨnga pɨna woy nee gɨ kuɗa gɨ kuduroygɨŋ gɨ hale gɨybəŋ cay nee naŋ. Hɨnga le ba kɛ: Gɨ ojɨ cay Ba-gulɔŋ na, wɔlɛ gɨ pɨna woy gɨlɨn̰ na hɨn̰ ɨlge gɨ dubu wo̰ bɨ, ɨlge gɨ dubu woy gɨlɨn̰ na hɨn̰ wɔlɛ pɨna wo̰ bɨ.

Wasɨn̰a 1:20

Hɨnga ga ba woy a kɨɗɨn̰ wɔsɛdɨge gaŋ ojɨn̰ cay dɛsɨɗɛŋ ga jurgum bɨ, lamban̰əŋ ga jurgum ga leegege dan̰ lɔr ga ji ba solge a kobi gɨ bara gɨŋ le, duroyge ba kɛ: Dɛsɨɗɛŋ ga jurgum le, na Ka-ƴɔbɛ ga daa nii ga da Ka-Daye ga kɨɗɨn̰ jurgum. Lamban̰əŋ ga jurgum le, na Ka-Daye ga kɨɗɨn̰ jurgum bɨ.»

Wasɨn̰a 10:7

Ama wɔlɛ gɨ ba-ƴɔbɛ gɨ daa nii gɨ cay jurgumdɨge kɨya aye te lɨme burun̰ji na, Kumu kɨya dɨɗe kɨbɨ hɨnga ga kuduroyi ojɨ ga woy a kɨɗɨn̰ wɔsɛdɨge gaŋ, hɨn̰ gɨ tumɔ ban ba teen̰ bɛrnɛdi bɨn̰ marɨne ka-lɔɔ gɨye kayi ga na ka-yɔɔ-kɔl-gɨ-Kumu-ba-yɔɔ le!»

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 7:9

Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.