Magtubu di Pol wal bɨn̰ kalaŋ ga Rɔm 11:22 - Gabri Maja

²² Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

Magtubu di Pol wal bɨn̰ kalaŋ ga Rɔm 11:22 ပူးပေါင်းရင်းမြစ်များ

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Kɔl-gɨ-Ɗari gɨ Ja̰ wal 15:2

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Kɔl-gɨ-Ɗari gɨ Ja̰ wal 8:31

Jesu yen̰ Jubɨn̰əŋ ga ba beege kuduroyge cayi le, yege hɨn̰: «Hɨn̰ gɨ kɨŋ na ɨr cay kɔl hɨnge na, kɨŋ na ka-aye-cay-tɨbanɨ ga cɨndi.

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Magtubu di Pol wal bɨn̰ kalaŋ ga Rɔm 11:21

Hɨn̰ gɨ Kumu na dɨra cɨn̰ kobɨ hɨyan̰əŋ ga ɓɨrag naŋ na, ji-bandi kalɨn̰ ma, ban kɨya dɔrɛ cɨndɨn̰ naŋ bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

1 Korɛ̰t 15:2

Dan̰ gɨyəŋ gɨ da tɔgɛ bɛrnɛ di nee le kɨŋ poɗɨ, hɨn̰ gɨ kɨŋ na ƴɨma kɔl gɨ da bɛrnɛ gɨ ɨŋ ba te bɨgɨŋ le usa. Na hɨn̰ wo̰ naŋ na, kɨŋ ay kuduroygɨŋ na kalɨn̰ wo̰ dugo.

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

1 Tesalonigɨ 3:8

Lee gɨ haw kɛ na, turnoyni jɨga gusɨni, kɨya wa kɨŋ ɨre osu te bugoŋ pɨna kogɨŋ dan̰ Ba-gulɔŋ.

Əbɨro 10:23

Ɗe gɨ ana gamgɨŋ hɨnga ga na bee ɨrɨmedɨnagɨŋ a cay nee, ma na ye koldɨge le osu. Kɨya wa Kumu gɨ ba-yɔɔ gɨ ɗi na kɨya lɔɔ hɨnga ga ban ye gɨ ɗi na kɨya lɔɔ le, na ba ɨre a cay gasɨndi gaŋ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

Wasɨn̰a 2:5

Haw kɛ na, sɨlagɨŋ leen̰ cɨndi gɨ kɨŋ cangɨ daa ɗe gɨyəŋ hen̰ coŋ. Bɨlgɨŋ haldɨgɨŋ bɨ, jɨgegɨŋ a cay tɨbaygɨŋ di cay wase dɨŋ. Hɨn̰ gɨ kɨŋ na bɨl haldɨgɨŋ naŋ na, ɨŋ kɨya ɔrɛ dɔrɛ lamba togɨŋ cɔd coŋ a kɨɗɨn̰ ga kɨŋ soo nee gaŋ.