Magtubu di Pol wal bɨn̰ kalaŋ ga Rɔm 11:20 - Gabri Maja

²⁰ Kɔl kon̰ na cɨndi. Ama hale gɨybəŋ naŋ, kan sɨdɨrdege coŋ na kɨya gɨ kan bɨgage kuduroyge a cay Kumu naŋ, ama ji-bandi na ji som ban̰dɨge na kol bɔgɛ kudurɔ kon̰ ƴɔbɨ. Dɔgɛ jorgɨn̰ naŋ. Ɗa muɗɔlɛ a cay gusɨn̰ gɨŋ.

Magtubu di Pol wal bɨn̰ kalaŋ ga Rɔm 11:20 ပူးပေါင်းရင်းမြစ်များ

Kɔl-gɨ-Ɗari gɨ Lug wal 18:14

Aŋ yəgɨŋ daa waŋ, duroy kalaŋ ga sɔɔ le, ungo gɨ kɛ le jogɨ ɨndi tayi, hɨn̰ ungo gɨ dan̰ durɔ ɗɨngar wo̰. Ama Parɨsɨn̰a le jogɨ ɨndi tayi hɨn̰ ungo gɨ dan̰ durɔ ɗɨngar naŋ wo̰. Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, ama ungo gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu.»

Gɨye-lɔɔ 18:6

Ama kalaŋ ga ni Jubɨn̰əŋ kan̰ge kɔl koyi coŋ bɨ, yagɨdiige bɨ. Kɨɗɨn̰di ga nee gaŋ le, Pol gagɨde bundu di a badɨge kayi gaŋ cag cag coŋ dorɨn̰ naji toyi beege cayge bɨ yege hɨn̰: «Hɨn̰ gɨ kɨŋ na kan̰aŋ na, kɨbardɨgɨŋ baa caygɨŋ! Ɨŋ-bandi na, kɔl unɔ canɨ. Ayɨn̰ toy haw kɛ na, ɨŋ kɨya ɔrɛ na gusi kalaŋ ga toyge na Jubɨ naŋ.»

Magtubu di Pol wal bɨn̰ kalaŋ ga Rɔm 11:18

Na hɨn̰ wo̰ ma, uja gɨ ji kɨya dɔgɛ jorgɨn̰ a cay kobɨn̰i ga sɨdɨrdege coŋ naŋ. Hɨn̰ gɨ ji na gey dɔgɛ jorgɨn̰ kalɨn̰ ma, ɨrɨm gɨ ji-bandi ba bɨn̰ sarnay hɨya sɔmɛ-bɨra naŋ, ama na sarnay hɨya ba bɨn̰ ji-bandi sɔmɛ-bɨra.

Magtubu di Pol wal bɨn̰ kalaŋ ga Rɔm 11:21

Hɨn̰ gɨ Kumu na dɨra cɨn̰ kobɨ hɨyan̰əŋ ga ɓɨrag naŋ na, ji-bandi kalɨn̰ ma, ban kɨya dɔrɛ cɨndɨn̰ naŋ bɨ.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 3:3

Ama hɨn̰ gɨ kan ga pɨna na bɨlge kardɨge bɨn̰ Kumu na, kɛ na kɨya yɔ na mɨna coŋ ga? Kɛ bɨle kardɨge gɨ kan bɨle bɨn̰ Kumu le, kɨya nare Kumu ɨre a cay tɨbayi dɨŋ ga?

1 Korɛ̰t 10:12

Na toy di hɨn̰ wo̰ ma ungo gɨ ɨrɨm kuduroy gɨ ɗi naa ungo gɨ ɨre daa na, ɗa gɨ ban ɗa muɗɔlɛ a cay gusi gɨŋ gajanaŋ ban da bɔɔ.

1 Korɛ̰t 15:1

Ay, karmɨnɨ ga ban̰aŋ dan̰ ga kandɨ, ɨŋ gey hɨne kuduroygɨŋ a cay tɔgɛ bɛrnɛ di da Kɔl-gɨ-Ɗari gɨ ɨŋ te bɨgɨŋ. Tɔgɛ bɛrnɛ di nee le kɨŋ ƴee bɨ, haw kɛ kol caa na kɨŋ luyoŋ toy nee kuɗa.

1 Korɛ̰t 16:13

Sɨmagɨŋ bɨra cay gusɨgɨŋ bɨ, ɨrgɨŋ usa a cay aye kudurɔ gɨŋ bɨ, ƴɨmagɨŋ gusɨgɨŋ ban̰aŋ bɨ, ƴɨmagɨŋ gusɨgɨŋ usa bɨ.

2 Korɛ̰t 1:24

Ni mala na gɨ ni dɔɔ-ƴaa a cay aye kudurɔ kogɨŋ gɨŋ naŋ, kɨya wa ni sol gɨ kɨŋ ɨre osu a cay aye kudurɔ kogɨŋ gɨŋ. Ama ni na ka-lɔɔ gɨye pɨna danagɨŋ kol gusi-mɔwa togɨŋ kɨŋ-gandi gaŋ.

2 Korɛ̰t 10:5

ni mondɨ hɨnga nɔm ga ɨrgan̰ dan̰ dɔgɛ jɔrgɔ gɨ narɨn̰ kalaŋ sɔlɛ Kumu le bɨ. Ni kɨya ƴɔmɛ cay tɨban̰ ɨrɨme gɨ da kalaŋ nɔm guyɔŋdu, ɗe kalaŋ ga nee le beege kɔl cay Kɨris.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Kɔlɔs 2:7

Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

2 Tesalonigɨ 2:4

Ban na ba baa gɨ da hɨnga nɔm ga kalaŋ solge leen̰ kumu koge. Ban lee gusi leen̰ gumu a cay hɨnga nɔm ga kalaŋ n̰ɨrege. Ban kɨya ɗɔɔ kali toyi a duroy ƴaa-di-da-Kumu dɨŋ bɨ yɔɔ hɨn̰: «Ɗi naa Kumu.»

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

Əbɨro 3:12

Karmɨnɨ ga ban̰aŋ dan̰ ga kandɨ, ɗagɨŋ muɗɔlɛ cay gusɨgɨŋ gɨŋ. Ɗe waŋ waŋ kalɨn̰ ma a duroygɨŋ ɗɔɔ kuduroy ɨsɨna naŋ le, kuduroy-dɨmbɨrwa orɨn̰ danayi bɨrɨŋ, dorii a te gɨyəŋ gɨ da Kumu gɨ som-bɨra gɨŋ le coŋ naŋ.

Əbɨro 3:19

Na toy di hɨn̰ wo̰ ma, na solgɨŋ gɨ kan kɨya ɓalege andaŋ a boy kɨɗɨn̰ dɔrɛ gɨlale gaŋ le naŋ, kɨya cay kuduroy-dɨmbɨrwa toge.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Əbɨro 4:6

Na toy di hɨn̰ wo̰ ma kan ga jege Kɔl-gɨ-Ɗari gɨ nee cay wase le, andaŋge a kɨɗɨn̰ dɔrɛ gɨlale gaŋ le naŋ, kɨya cay kan̰e lɔɔ tumɔ toge. Lee gɨ gɨyəŋ woy hangɨwa kɨya cay kalaŋ ga ɗaŋ, ɗe na andaŋge boy nee.

Magtubu di Jag wal 2:19

Kumu na pɨna hayi kəɗ kəɗ kɛ ji gey cay nee han̰ ga? Kuɗa na ase naŋ. Turnɔ ga ɨsɨndəŋ kalɨn̰ ma, beege kuduroyge cayi na hɨn̰ wo̰ bɨ, ama juɗudonge-bɛrɛ dan̰ hundɔrɔ jag jag.

Magtubu di Jag wal 4:6

Ama Kumu lee hɨnga ga gumu tɔgɨ ɗɨn̰ hɨnga nɔm, kɨya gɨlnagɨŋ na ɗarwa toyi. Na hɨn̰ wo̰ ma, kan walge hɨn̰: «Kumu jɨbɨ ka-dɔgɛ jorgɨyge sɛdɨ coŋ, ama ban lee ɗarwa toyi dan̰ kan ga dɨgage jorgɨyge naŋ.»

1 Pɨyɛr 1:17

Kɨŋ ol Kumu bɨ, kɨŋ teeyi Baygɨŋ bɨ, ban dɨra cɨn̰ ungo naŋ bɨ. Ama ban boy kɔl cay ungo gɨ ani ani ojɨn̰ cay gɨye-lɔɔdi. Na toy di hɨn̰ wo̰ ma, ojɨ gɨ kɨŋ dɨbii hurɔmɔ cayi bɨ, ɗe gɨye-lɔɔdɨgɨŋ woy gɨ ɗari a boy wɔlɛ nɔm gɨ kɨŋ ban̰ a cay gɨsəŋ gaŋ kɛ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.

1 Pɨyɛr 5:9

Ɨrgɨŋ usa a te aye kudurɔ gɨŋ bɨ, dɨrsɨdɨgɨŋ toygɨŋ dugo ɨrɨn̰ cɨn̰ haban̰. Sɨlagɨŋ hɨn̰ gɨ karmɨgɨŋ ga ban̰aŋ dan̰ ga kandɨ ga sugudoŋge a cay gɨsəŋ gaŋ le, somge na a duroy tabɨ di pɨnaa dɨŋ hɨn̰ togɨŋ wo̰ bɨ.

Wasɨn̰a 18:7

Laagɨŋ hɨnga ga ni mɨrɨn̰tɨn̰i bɨ, Laagɨŋ ɗe hɨndi som duroy n̰age tɨma dɨŋ bɨ, Ɗe ɓalɨn̰ dan̰ gɨle gɨ hɨndi gɨl guso bɨ, Ɗe ɓalɨn̰ dan̰ se gɨ hɨndi si kandi-wɔɔ kaa, Ga kuɗudaŋ kɨbɨ gusɨge gaŋ doŋ bɨ. Kɨya wa hɨndi ye kudurɔ hɨn̰: “Ɨŋ som cay kali tɨrɨmbali dɨŋ bɨ, Kuduronɨ mara naŋ bɨ, Ɨŋ sɨma duroy n̰age tɨma dɨŋ naŋ bɨrɨŋ bɨ.”

Wasɨn̰a 3:17

Kɨya wa kɨŋ ye hɨn̰: “Ni na ka-wɔɔ hɨnga bɨ, kandi-wɔɔ walɨn̰ gusɨni tɛlɛlɛ tɛlɛlɛ bɨ, n̰agedi hɨnga pɨna wo̰ laani naŋ bɨ.” Ama kɨŋ sɨla gɨ leen̰ cɨndi toygɨŋ na bɛrɛ naŋ bɨ, kɨŋ sɨla gɨ cɨndɨgɨŋ na laa n̰age naŋ bɨ, wɔɔdɨgɨŋ na unɔ naŋ bɨ, kɨŋ naa ka-bɨbe naŋ bɨ, kɨŋ na ɨra toygɨŋ kalɨn̰ naŋ bɨ.